寧願去死都唔搬返屋企，反而厚面皮問人借錢？係問女朋友借錢!
我作為一個媽媽，作為一個女性，警世咁勸喻你，及早分手止蝕。
2個讚
佢連你個D錢都還唔到，又點還政府學費，佢打算讀D乜神科，出嚟做嘢可唔可以搵到15-20K/m，不如實際D讀夜校或者part time degree 會好D。
1個讚
其實衝口而出，不過佢踩我先 
邊個唔想老公錫？冇嘅咪獨立啲囉！不過都唔可以比男人佔便宜 
3個讚
後生女就係後生女，比條仔冧2冧就的唔起心肝分手。
其實言語間我feel到你仲好想同佢一齊，仲信佢可以變好。
但女人要理性，點鐘意都好都要睇現實。而家你大嗱嗱借咗十幾萬血汗錢比佢，仲8成收唔番，所以唔該，現實少少。
你話佢下年考DSE，希望考到大學。好坦白講，佢而家又要做嘢，賺生活費嗰啲，都唔會有咩時間讀書。佢係讀書嘅質地就唔會21歲先學人考DSE啦，一早就考得入就畢業啦！
退一萬步，比佢考得入，佢入咗大學又有宿舍，都仲係要錢生活架。咁佢到時做嘢好？定係讀書好？
我唔反對年輕人進修，亦都應該要進修。但大前提係搞掂晒自己基本生活（出面唔掂就同我躪番屋企，乜嘢對住後母想死？！唔掂就要番去架啦！）
阿妹，你18歲咋，好後生，第時仲會遇到好多人。我舅父成日話：「十幾歲拍嘅拖邊會結到婚」我咁講你唔會鐘意聽，不過你自己好好諗吓。
6個讚
佢應該會潛水…
係呀我哋個個都叫佢分手
咁始終佢後生，唔同我哋呢啲飽歷滄桑嘅C9
2個讚
如果你而家離開,佢或者唔駛行成咁…
不過我哋唔了解你條仔性格!聽你咁講,怕佢諗佢咁捱法,你一下子走左去,佢有乜打擊…唔知會對你點 
如果你屋企人知,或者同佢屋企人都知,會最好,幫手解決問題
ps.:當時就搵左我老母扮飲茶,就咁3口6面講清楚!好彩係咁,個衰野真係之後…私下纏左我幾年講錢,我無理!最後不了了之!
好睇你條仔脾性同你以後對佢一定要決絕!
佢上得黎問，應該動搖緊。
如果個男仔係愛佢，好應該自己安排好自己既野，即使安排唔好都唔會長期要接濟，咁落去大家關係都唔會有好影響
eee…諗起 part time 日子,嗰陣好似你咁年紀,真係覺易搵!而家年紀大,就不了不了!
睇嚟屋企人都好錫你!一於搵你屋企人幫下手,搞掂條仔! 
你屋企人教你買邊隻?教下我哋!等你好消息 
1個讚
一於留部 ipad,上嚟吹2水啦!我哋個個錫晒你! 
踼走條瘟神啦!令你輸身家! 
妳唔再借錢俾佢，睇下佢會點？
1個讚
而家哩個年代，周街都係大學生。就算考完DSE，考得好，好彩上到大學，畢業之後又未必會搵到份好工。真係三年又三年。不如現實啲去考個水電牌，考完就可以即刻開工。
18歲緊係搵過身2個啦,就算你31 我都會見意你走
1個讚
快清醒吧，將來你回望會後悔分手得遲
我感覺樓主是一個有情有義的人, 你唔想在他低潮的時候離棄佢, 但你們未結婚, 他的生活根本唔應該由你來承擔, 要負責的, 應該是他父母和21歲的他
樓上有很多人都勸你分手, 其實我都覺得分手是最好的選擇
我明白, 我們外人講很易, 你有你的不捨, 如果你仍是心軟, 怕自己講唔出口, 我建議手可以唔分住, 但同佢講清楚以後唔會再借錢比佢, 就用父母做盾牌吧 
雖然父母沒有收你家用, 但你可以把每月所得的收入給他們保管, 買股票又好, 定期又好, 總之你只取回日常開支
如果你男朋友真是愛你, 他不會因為錢和你分手, 正如你一直不曾想過為錢而離他而去
希望能擁有美好的人生, 18歲好年輕, 仍有很多美麗的風景等着你 
無謂為一個只顧自己的男人而浪費時間
5個讚
試下唔借錢比佢
就可以知道佢係愛你定只係愛你嘅錢
如果佢對你態度180轉變
就應該死心, 止蝕
7個讚
你諗太多，所有積蓄都係我自己一面返學一面學投資賺翻嚟，有輸有贏。屋企人比過嘅幫助只係教我點買股票，15歲開始pt後已無攞屋企零用 
今年19，8月生日後就19了，末生日前18 
唔係我想潛水，係新ac一日回覆數量有限制 
我覆幾個又要等24小時後，已經努力遂個順序回覆了
1個讚
你bf有冇興趣做水電工學徒? 定係只係一心打算讀大學搵份文職?