佢21歲，我18歲
佢因為原生家庭（父母再婚）兩年前決定搬出嚟自己住，當時第一次租屋佢唔知道要2按1上+ Agent傭金，一時之間拎唔出咁多錢就問我借咗3萬幾，承諾兩個月之內還返俾我（當然無還到），就係咁第一次向我借錢
一年後因為業主無理要求（屋齡30年up，壞任何野都都要租客換俾佢）所以搬第二間屋，第二間屋嘅2按1上都係問我借錢，又2萬幾，又無還過
然後疫情就開始嚴重，佢都俾人炒咗，只靠送外賣、炒散維持。
但其實每個月佢都唔夠錢交租，開始每個月問我借錢，兩年之內借咗我13萬現金，賣咗我嘅嘢套現6萬5，同埋平時向我借嘅細數（交佢電話費、信用卡分期、寬頻等）總共加埋都差唔多20萬
佢唔係唔努力，我都見到佢好努力返工、好努力想改變。但因為下年又要考DSE佢都拎唔到太多時間返工導致入不敷支。我勸過佢返翻屋企住，但佢話真係同後母相處唔到，如果要佢返去住寧願要佢死。
今個月佢又問我拎iPad套現，我好疑惑，好疑惑其實我同佢一齊嘅決定正唔正確？短短兩年時間，我股票都賣晒，銀行戶口長期結餘零，但我感覺呢個現況唔係努力就改變到，我應唔應該分手？
2個讚
阿妹你18歲可以拎到咁多錢借比男朋友，係咪投資有道？
講番正經，我係你會分手。你仲後生，20歲唔夠，想借到幾時呀？都已經去到問女朋友借咗十幾萬嘅地步，都唔肯低頭番屋企，自己面子最重要，咁你覺得咁嘅男人可以為你做咩？
佢就係諗住你一定可以借到比佢，所以先唔肯番去。
至於嗰十幾萬，都預咗收唔番，不過分手可「止蝕」⋯⋯
24個讚
佢寧願搵你著數都唔肯搬返屋企住，佢對你係點你好清楚
我廿一歲時有個男友又係成日搵我著數，好小數目，我都後悔飛得遲
你話呢？
4個讚
就憑呢句，佢就應該要去死
14個讚
咪係囉！今日為咗面子唔肯低頭番屋企。他日結咗婚有小朋友，到時屋企有咩經濟困難，一樣唔會肯為家庭放底身段。
4個讚
長貧難顧呀，好明顯係理財不善嘅人。
連部ipad都要你套現，試諗下將來，郁d就返嚟搵嘢套現。
繼續落去只會拖累你，愛情同麵包，我會揀麵包。
4個讚
兩個都太年輕了 卻背負咗唔應該亦唔值得的包袱
就算俾佢DSE考到上大學，又係要錢，到時又係問你攞錢。佢咁堅持唔番屋企就放棄DSE，去學紮鐵做地盤，一定揾到1-2萬夠佢租屋兼還錢，真係咁想讀大學就半工讀，讀夜校，好過不停問你攞錢，你問心佢有幾愛你，真係愛你定揾緊你笨。
7個讚
有空少比人炒咗，為咗搵錢維持比較高嘅收入，都係去咗紮鐵
又要讀書又要自己住，邊有咁完美㗎…
2個讚
即係咁…借卡數都話有得債務重組
佢依家需要人生重組，讀書/工作，二揀一
咁快講定考dse? 佢有信心下年就會考到?
首先借8萬
好心痛你，你值得擁有更好的。
第一間屋搬去第二間屋時，第一間屋按金咪可以比第二間屋囉，點解要再問你借，覺得佢勁有問題！
11個讚
分手！借錢好難還，尤其佢每個月都問你，你好多錢開善堂？
佢幾唔鍾意後母都好，佢都未有呢個經濟能力，都唔可能輕易搬出去住。自己選擇得呢條路，就唔可以麻煩到旁人，尤其你係佢愛嘅人。佢連 DSE 都未考，又未知有冇大學讀，到時候如果佢考唔入大學，佢份糧會夠租屋咩？唔係話睇死冇大學學歷嘅人，而係呢個社會開始學歷膨脹，樓宇貴，好多人大學學歷出黎打工都只係萬幾蚊，都唔夠錢交租。
好喇，又畀佢考到入大學，如果佢入唔到大學宿舍，大學幾年又要出去住，又要繼續問你攞錢？又借 4 年租金畀佢？
我雖然依家份工係夠我一個人出去住，係同屆畢業嘅幾倍，我返工要 6 點前起身我都想租近啲，但我都唔考慮出去租屋住，因為好多野有變數，我銀行儲唔夠兩年租金嘅話，我都唔會輕易租屋。
2個讚
出年22歲先至考DSE, 咁早幾年應該去考既年紀做過D乜？其實你同佢一齊兩年，應該好淸楚佢真係求上進定hea 住過日子，搵藉口美化自己的行為。真係一蚊都儲唔到？
佢唔為你設想，不斷問你借錢無諗過還，咁你就要為自己打算，斷咗呢個無底深潭
分手啦…理財不善已係死罪，仲要情緒勒索你，無還過錢即係無信用，呢啲條件做朋友都做唔過啦！21歲係後生但唔代表理應未學識為自己負責任，你咁細個，唔好再嘥錢嘥時間喺呢啲人身上喇
2個讚
即使關係簡單如朋友都即刻割席啦
更何況係男朋友
真係心疼你
樓主你應該係叻女嚟，呢個年紀13萬都唔少野
條廢柴連iPad都拎去當，而唔係努力搵工增加收入，做朋友都嫌多啦
你值得更好啊傻妹
3個讚
唔分手咪繼續做人肉提款機囉，你情我願，你ok咪得。
一世都擔驚受怕，咪搞，找過更好的吧
分手啦！呢個男仔只會拖累你
1個讚
傻女，依家咁後生，點解要比佢拖累自己呢？
長期欠債都證明對方有好嚴重既問題！
好應該分開！
理由係…上面所有回覆都解釋左！
相信你明白既，今次下定決心喇，分手！
1個讚