林鄭學埋左膠啲論調，成日開口埋口就講：「單程證來港新移民係家庭團聚，是人權，不應排斥」。左膠又日日不停洗腦咁話，新移民的配偶必定係香港人，來港時住在配偶家中，不會增加香港居住負擔云云。乜真係事實咩？先不論點解一定要響香港團聚，唔可以響所謂的「大灣區」團聚，問題係：新移民來港就一定等於家庭團聚？
我唔直接答你，我用例子答你。
上年 8 月 29 日，長沙灣發生墮磚殺人案，一名叫輝哥的地盤工不幸送命。根據《東方日報》報道：「慘死的『輝哥』5 年前與妻子來港定居，雖然年過 60，但無其他技能，只能做體力勞動搵食……據悉，輝哥一家五口原居內地，2012 年夫婦成功申請來港，獲派慈雲山慈民邨公屋，3 名年約 30 歲的兒子則留在內地。輝哥在玻璃幕牆公司做雜工，穿梭於各個地盤工作，負責『搬搬抬抬』及雜務工作，日薪約 700 港元。他約一個月前被調派至大嶼山人工島工作，今日調回到長沙灣地盤上班，詎料送命。」
呢位地盤工慘死固然係不幸，但睇返報道內文，佢兩夫婦都係大陸人，死者年過 60 又冇技能，咁 2012 年時究竟係憑咩申請來港？你唔係話我聽佢係透過「優才計劃」來港呀？明明有三個年約 30 歲的兒子響大陸，原本一家五口都響大陸居住，點解要個老父六十幾歲先來港做地盤呢？咁樣算係乜嘢「家庭團聚」呢請問？更何況佢地來港無耐就獲派慈雲山慈民邨公屋？請問佢哋一家大陸人點解可以咁快上樓？而土生土長香港人就等極都冇？
另一個例子，上年十月，港鐵女工遭醉酒男推落輕鐵路軌單嘢，當日《蘋果日報》報道：「娣姐今年 7 月由惠州申請單程證來港生活，現時寄居胞姐家中，靠清潔工作維生，每月收入約 7 千元，現時未知何時康復，擔心手停口停。她於內地育有 3 仔 1 女，丈夫亦於內地工作，她暫時未有向家人透露受傷一事，怕他們擔心，直至 30 號覆診及拆線後才會如實告知。」
港鐵女工娣姐無辜被推落路軌，我深表同情。但睇返報道，最奇怪嘅係佢丈夫究竟係咪香港人？如果唔係，佢究竟憑咩申請來港？我就退一萬步當佢老公係香港人但響大陸工作，即係佢地一家六口原本都係響大陸居住及工作，咁娣姐申請來港又算係乜嘢「家庭團聚」，有何必要？單程證制度響呢度根本就係將原本一家團聚嘅家庭「硬生生拆散」！只係為咗方便某啲大陸人可以來港居住（順便申請其他福利）？咁當然有人會話：「佢哋有自由咁做嘅！」問題係點解香港人要為佢哋埋單？尤其是佢地明顯唔係真係為咗家庭團聚而係為咗其他（經濟）理由？
第三個例子。早幾日深水埗大南街劏房發生謀殺縱火兼自殺案，一名 59 歲地盤工人慘遭殺害。《蘋果日報》報道：「周妻表示，與丈夫結婚 20 多年，育有兩名現年 24 歲及 26 歲兒子，兩子在廣州做 IT 工作，而其丈夫原在內地任司機，6 年前丈夫與兩胞弟來港，其後丈夫與一胞弟留港從事地盤工作，並獨自租住大南街劏房近 5 年，月租 3,200 元，她則中港兩邊走，並於一年前獲發單程證，但她主要居於內地開平家鄉，只間中留港居於劏房，惟夫婦經常聯繫。」
又係差不多的情況。死者與妻子本來都係大陸人，死者原本做司機，6 年前離開妻兒子女來港（究竟點申請來港？司機又優才？不如話係大陸學生吖！），一直住劏房，之後仲申請埋老婆落來，但兩個仔都留響廣州工作嘅咁又「家庭團聚」呀？如果冇單程證，佢哋一家四口響大陸生活，好可能比來港住劏房好呀。咁當然，命案嘅嘢冇人估到，呢單案入面死者死得真係好無辜，我無意在傷口上撒鹽，但問題係呢啲都只係冰山一角，要搵根本仲有好多。
8個讚
事實係咩？就係有唔少新移民並非真正的家庭團聚，而係利用單程證的漏洞來港。香港冇單程證審批權，任由大陸亂批，呢點已經講到爛，應該冇人會反對啦？簡單嘅就賄賂大陸啲官，咁你就明明同香港人毫無血緣關係都唔知點解會獲批來港。複雜啲嘅就先搵個香港人假結婚（或存心騙婚），申請來港拎到身份後就離婚，然後又同另一個大陸人結婚，又申請佢同大陸子女來港，如此來回反復，生生不息六六無窮，團聚無了期！呢啲都已經有好多相關報道，都唔算係咩新聞了。
就算真係有血緣關係，都可以疏到你唔信。左膠成日講話「新移民的配偶必定係香港人」，呢個根本唔係事實。半年前左膠大本營香港獨立媒體有篇文叫〈家庭團聚的荒謬〉，作者係前懲教主任，文中指出：
「但我又看到另一面，就是他們的親戚關係，我和一位婆婆傾過，她是來港和女兒團聚，另外一位叔叔就告訴我，他的姪女嫁了香港人，就憑著他是姪女父親的細佬，因此，也得到批准。大家無需要質疑我提出這兩個個案，相信這只是冰山一角，若果這兩位老人家，在美加一定無得家庭團聚，而更荒謬的就是，婆婆也申請了他的兒子一家來港，據講等兒子夠六十歲退休就會來。因此，我從來都不認為單程證是移民，根本香港不具備審批移民的資格，我真的不明白，為什麼屋主個阿叔，又或者屋主個舅父都可以申請，更獲得批准。」
屋主阿叔、舅父都可以獲批做「新香港人」呀！你話幾咁荒謬！請問憑咩要香港人接收佢哋呢？所以結論就係：每日 150 個，一年 5 萬幾個配額嘅單程證制度一向都係千瘡百孔。真正的家庭團聚究竟佔幾多成？假結婚佔咗幾多成？就算係真結婚，因單程證制度而造成的婚姻悲劇、倫理慘劇又佔咗幾多？唔係話要一刀切，禁止晒所有新移民，而係大家要明白，一句「家庭團聚是人權」根本唔係必然，唔能夠客觀反映香港實況，亦無助解決香港面對緊嘅問題。點解香港人冇單程證審批權？點解單程證配額連傾都冇得傾？喂！明明 1995 年之前，單程證配額係每日 75 個㗎咋！點解加一倍就可以，減一半就「違反人權」？咁駛唔駛加到每日 1,500 個先彰顯到「家庭團聚的人權」？
講到尾，咪又係嗰句，因為而家大陸殖民緊香港吖嘛，日日換血溝淡你香港人吖嘛！咁呢啲係「新殖民政策」，梗係唔會同你讓步啦。咁呢點就大家都心知肚明㗎喇。但問題係，仲有好多自稱反共嘅左膠呀、大中華膠呀，對於以上種種問題視而不見，仲繼續幫單程證制度護航，完全無視呢套機制幾咁破壞香港、加重香港各種負擔，咁對於呢啲助紂為虐嘅人，我哋當然要寫文痛斥啦！
8個讚
所以大部份新屋村都係新移民住，佢地極速上樓，有d仲係自選屋村、樓層、方向 (唔使問我點解)。
3個讚
仲有我覺得維尼做左國家主席呢十年
好明顯多左呢類現象
1個讚
搭上搭又嚟
個女嫁落嚟，申請埋阿媽，兄弟姐妹咁
落嚟做散工都好揾過響大6
1個讚
佢哋要選票，理得落嚟嗰班係乜嘢人，總之選到令自己有得益就最重要
2個讚
共產黨政權既本質就係鄉村人妒忌城市人，鄉下佬要踩死城市人
2個讚
所聽過嘅嚟香港嘅方法除左有資格嘅夫妻子女團聚，有啲係假結婚，有啲俾錢，聽過家人講有個同鄉仔女冇資格申請嚟港，就俾10幾萬施君龍（真係講咗呢個名），然後就申請到落嚟。仲有啲俾錢有資格落嚟嘅家庭，當佢哋仔女，內地驗血當然用錢搞掂（呢個case都多，起碼我所知嘅有三個
1個讚
呢個情況已經係好多年前發生緊，香港有好多高質有錢嘅港飄大陸人，但香港只係佢哋嘅踏腳石，一有機會就移民去外國，依家香港九成係低質冇技能嘅大陸人，申請哂合家小朋友嚟使用香港免費優質教育同醫療服務，政府仲比埋公屋綜援失業津貼小朋友讀書津貼年年政府又派錢出雙糧，吾信可以去新建公屋度走一個圈傾下計或者可以上小紅書睇下D人點教人黎香港攞公屋福利
1個讚
這類申請永遠都係一連幾個申請來港，甚至十幾人以上，
唔怪得知周街都中國人…
香港其實唔係咁好架咋
對中國人唔友善
俾錢又用現金咁落後
居住環境又擠逼
咪嚟香港啦…
3個讚
資源唔夠仲放咁多落嚟，搞到咁多問題，有人仲話香港冇問題，唔驚，驚都係大有錢佬
。
唔講其他黑暗唔公平荒謬嘢，最基本嘅醫療同房屋都搞死香港人啦！仲話放多啲大陸醫生落嚟𠻹 (試過睇過兩個大陸醫生，超無良，呃錢，仲亂咁叫人做檢查同開刀𠻹，所以我認我有偏見)，點會唔影響到平民呀！
1個讚
本來就人人都可以睇公立，但下下就數以年計，攪到普通人隨時拎十萬八萬睇私家
其實我覺得港漂裡面都有好多垃圾，只係做下保險地產代理
叻既只係好少少少數，而且都對香港冇咩貢獻
就不斷濫用香港人既成就
我覺得有錢定無錢，叻定廢，都一樣係香港人身上既寄生蟲
2個讚