今日同阿女租咗《大偵探福爾摩斯 - 逃獄大追捕》，個故仔好精彩，有教育意義，內容正面，又有科學知識講解，仲要100%香港出產動畫電影。
因為睇完呢套電影，阿女攞返買咗好耐、但冇睇過嘅福爾摩斯書出嚟睇。
我覺得呢套動畫電影好值得推薦
5個讚
當日入左戲院睇 好高質
完全估唔到係港產 話係日本產都信
1個讚
我最欣賞佢對「好人」同「壞人」嘅處理。福爾摩斯捉俠盗出發點係好，但手法欠人情味；俠盗動機係正義，但手法對身邊人尤其小朋友，都會產生負面價值觀影響。
無論「好人」定「壞人」，都會對自己所做嘅事有反省，會諗方法補救，當中所帶出嘅價值觀，唔止對小朋友，就算對大人都會好有啟發。
仲有d廣東話對白好貼地，間中仲好搞笑扺死
係比預期更高質嘅用心之作
我仔好鍾意睇呢本野
1個讚
我嗰陣特登帶小朋友入戲院睇
小朋友一向都有睇開 佢d書岩小學生睇呀
1個讚
邊度仲可以睇番電影版？
Apple TV
1個讚