除了菲傭英文流利, 印傭主要講廣東話之外, 還有咩大分別?
誰較肯捱少詐型? 誰做事較企理?
以我以前經歷
印係單純d，你叫佢一日拖兩次地就會去做
菲就會自己分析，佢認為無需要做未必會跟
印的清潔程度差啲，叫左佢唔好一布走天下，佢都係一塊布抹全屋。
菲就清潔好啲，會分開抹地就不會抹枱，抹枱就不要抹碗。
印會學廣東話，但學得上手能力就見人見智，有人流利，但有人過大半個合約都唔知佢講乜。
菲就通常識聽唔識講，最多講少量詞語，例如食飯，太太，飲水。
借錢就不分國籍，我都只係請過三個工人，不能代表全部。我請完印好嘔血，廣東話學極都唔明白，太太！最後我放棄請返菲，但家人的印姐姐廣東話同做事都好好
1個讚
肯捱應該會係印，企理會係菲
2個讚
言下之意即菲傭較醒目? 咁邊邊較純品聽話呢?
聽聞工人姐姐愛打斧頭, 放假有時會秘撈賺外快!
純品呢d睇性格
2個讚
所以都是膽搏膽? 最怕一言不合就指控男傭主非禮, 甚至強X, 早幾日才有新聞!
正如你香港請人，都唔會知果個人會唔會穿櫃桶底，蛇王咁架啦
做衰嘢又冇分民族嘅
9個讚
我個agent 話呢家請印，係貴好多agent 費，因為佢地政府收得貴。
（如果原是本地完約工人）
佢亦話以前印係乖啲，但呢家都唔係了… 所以…我諗請工人真係睇彩數
1個讚
你咁多擔心不如唔好請啦，呢啲真係撞手神㗎咋。
我之前個印尼姐姐好純，叫乜做乜唔會黑面好好禮貌。
但佢唔鍾意小朋友
，仲要借財仔。
之後我搞得掂都冇請了。
2個讚
其實請工人真係一場賭博，我第一次請既時候，揀左好耐，揀好仲約多日叫老公上去幫下眼，最後做左一年工人斷我約，話home sick。
另一次就朋友話佢朋友有工人用過話好，喺香港做左好多年，來到我到，total 7個月，得頭兩個月正常，之後不停問我借錢，偷野，喺屋企影色情相，唔做家務，執超市單claim 我錢，最後偷錢就bye bye 。
之後，我明白到都只係一場賭博，去agent 到鎖定三個工人姐姐，first choice reject 左我offer ，我諗都無諗當場二揀一，揀一個無咁肥，呢個工人剛續多次合約，表現正常。
2個讚
印尼多伊斯蘭，俗世信法 (中東個啲先係極端伊斯蘭)，比較單純
菲律賓係天主教，信仰融入生活，有宗教等如冇宗教
影色情相咁誇張? 咁會唔會屋企無人時讓人上門入屋?
如果你返工有in過人，可以用返同樣技巧，in下工人個人品。我試過in工人，佢係基督徒唔係天主教徒，咁我就叫佢講得救見證黎講聽下。又問下佢對借錢既睇法，夜晚歸外面過夜既處理等。
有冇咩方法看穿佢是否講大話? 另外本地完約好還是未到過香港好?
佢地好多講大話好pro㗎，你唔會分到。
唔科學咁計，有得揀既話我唔會請麼女/雙魚座/生肖對沖/深雙眼皮，
尢其係好深雙眼皮既人，我係連朋友都唔會做。
講真，除非你真係好黑仔，否則基本上你對佢好，人心肉做，佢起碼都唔會害你。
我借財仔嗰位，佢臨走仲好擔心我唔識用部洗衣機，畫哂公仔紙俾我
仲叫我快啲去同財仔講已經炒左佢。
有帶都唔出奇
雖然有cam，但唔會24小時睇cam，嗰個工人去掉垃圾都掉半個鐘唔返，衰嘢一言難盡，以後都唔請老seafood (佢當時喺香港做左六年以上，之前做有錢人屋企)
用屋企做佈置版，每個角落都配合佢三級的姿態。柴米油鹽洗頭水都偷，事隔多年我都會想起究竟依家邊戶人家請著佢。
我未請過，但細個時阿媽請過唔同工人20幾年
印傭通常純品啲，同埋識講廣東話會同老人家容易相處d
不過佢哋都初初要時間教，同埋唔夠醒目
菲傭通常醒目啲，英文好好多父母搵佢地乘機同小朋友練下英文
賓賓喺香港好多同鄉識唔同路數，特別係教育程度高或者英文好又後生嘅賓賓，通常第一份工只係踏腳石，佢哋最終目的都係移民或者打有錢人/鬼佬工
我覺得菲自尊心好強，好鍾意黑面
看穿大話呢家野，同平時你返工in人一樣，靠經驗咋。不過問佢睇佢點答，點都好過唔問。
本地完約既，對於香港認識多d，你可以教少d佢，例如佢知點搭車4小巴點買餸。但佢亦會易出古惑d。
1個讚
咁好深雙眼皮嘅香港人呢？？