大家傾下啦, 輕鬆下
返工返學對我黎講係一半一半，
總結要講鐘意返工多過返學。
覺得係工作上知自己學緊咩又學到野，工作迫自己一定要接觸人，比返學時交到更多朋友。
1個讚
一定返學，無憂無慮
細個唔鐘意返學，大個唔想返工。好矛盾
9個讚
返工開心好多，就算唔開心都可以辭職。返學好辛苦，仲要有好成績，個學歷跟一世。
2個讚
返工，唔鐘意d人可以辭職走，返學硬食，冇得轉校
1個讚
返工。[quote=“meiyee, post:6, topic:47579, full:true”]
返工，唔鐘意d人可以辭職走，返學硬食，冇得轉校
[/quote]
一樣心聲。
校園生活入面最開心都係小學。中學真係唔想回顧。
我好細個開始放咗學仲要買餸，煮飯（煮半餐，一半等家人返嚟繼續煮），週末做家務。仲有讀理科好多數計、成日都要溫書，過年年初一都係溫書。但呢啲係我自發。唔係家長迫。
返工好好多，放工就放工，唔會有嘢帶埋返屋企做。
1個讚
係喎，呢個都係重點，返學+做功課溫書d時間仲長過工作時間，依家放假真係攤c
我返學時又係要煮飯做家務，不過應該冇你咁細個開始
返學，因為讀書嗰時好多時做錯事/嘢都係罰吓留堂/罸抄/見家長/記缺點/記過⋯⋯，
仲有就係直到今日好多好開心嘅回憶都係讀書時期。
最重要都係⋯⋯做學生假期都多啲啦。
1個讚
返工。收工唔洗好似以前讀書咁，放學都要繼續補習、做功課、溫書，要搏攞滿分，放假係可以攤屍乜都唔洗理，反而讀書嗰陣，放假係衝刺溫書。唔洗操數、睇古文。
放工真係放工個感覺好好多，番工慢慢做熟左就唔洗點用腦，爽
2個讚
返學，但最好唔洗交功課同測驗考試
我真係好憎假期功課。
1個讚
返工有錢收，唔鍾意又可以走
返學，覺得細個好啲。
返工需要受氣，
同事帶住假面具，
有時候盡咗力去做對方都唔滿意。
變咗依家只求賺錢就算。
想返學多啲，但只限大學，夠自由
返工，返工有錢使，做到份好工返工幾開心
1個讚
返工自主啲，返學少擔憂，但要讀唔鍾意嘅科目好痛苦，仲有放假要讀書要做功課
3個讚
一定返工
有錢又有時間做自己嘢
返學無錢使又驚考試唔合格
3個讚