我同樓主的經歷有D似。
我家人在外地，先生因工作壓力發癲。
我唔建議忍，因已不是一時之事，你先生根本將工作嘅壓力帶晒返黎屋企，佢就可以疏導壓力，但你壓力就不斷增加。我先生之前都會咁，每次同佢嘈，我喊晒佢只會越嘈越興奮，直至我走入廚房攞刀放在自已手度佢先收聲。
後來我自已排街症睇醫生，見精神科姑娘，我先生先知個嚴重性，之後姑娘提議同先生一齊見姑娘，再一排，姑娘淨係見我先生，因為姑娘認為先生個情況比我嚴重。
生了第二個後，我先生因工作關系，將壓力發洩在bb身上，又逃避屋企，成9個月無返過屋企。去健康院填產後評估，姑娘transfer我去睇精神科，又有社工跟，又有家庭輔道。現在我先生仲會有發癲嘅時候，不過比之前少左好多，同佢會開始審視自已做錯的地方。
所以我建議樓主去見下姑娘。
首先我唔會比佢鬧，佢邊位﹖憑咩鬧你
叫佢反省下，唔好以為你唔會走任佢鬧
攞專業意見都好重要，佢唔睇醫生或輔導就你睇先
鬧得岩唔岩先，岩就接受改，唔岩就話返佢，講道理架嘛
係呀, 健康院除左照顧BB, 都會照顧你架。你可以打電話去你區嘅健康院傾下先。加油呀
唔建議咁做，男人唔識照顧小朋友， 小朋友有事就好麻煩，加上樓主講到佢老公情緒不太好
當然帶埋自己小朋友走啦～
咁辛苦生出嚟～
唔緊要架，你照打返去，話你情緒方面想見姑娘就得（當然你仲可以做埋產後檢查）。
健康院對產後媽媽情緒支援係幾好架，我自己產後經健康院轉介下，見過精神科姑娘／醫生／社工同心理學家，我嘅經驗係有啲嘢，唔係同朋友呻就可以解決到，依啲真係要搵專業人仕幫手，佢地會俾到啲方法你。
唔知點解我ac註冊左大半年，又開左post又有回應，但系統仍然話我係第一日註冊，不斷限制我發言，我全日都覆唔到大家…
好多謝大家既回覆，恕我未能逐一回應（因為被限制左留言），尤其多謝過來人既分享！我好似明白左少少野…
超級多謝大家！之後再update…
因為99 問題?
其實有冇咩例子呢
阿女出世~我太太都突然之間覺得自己0岩晒~
當我唔認同佢~ 佢就會話佢係阿媽有天性識照顧bb 
例如~
BLW冇特別要阿女飲晒成樽奶(3oz) ,
到夜晚佢就話阿女餓/喊就會訓, 可以好快戒夜奶 …
所以夜晚我自己餵~阿女2個月倒
佢同個FD傾開阿女瞓覺有食手指, 佢個FD就教佢買D野查手指, 苦味令BB就唔會食手指 =_=…
當時阿女4個月
我唔係咁架，我老公唔識湊bb，都係交俾我湊，佢對湊bb冇意見，我都係睇bb需要而配合bb，唔跟理論同朋友意見
我老公放工返黎就語氣好差，睇我咩都唔順眼，一開始係窒我，我唔出聲，就會變鬧我
呢兩日假期，老公好左dd
但星期一又返工…
咁好明顯佢工作壓力太大啦
欣賞你態度好正面，積極面對!
每個人都有可以變好嘅方法，既然樓主老公曾經係好好先生，大家都結左婚，如果相信曾經嘅好係真實嘅，大家一齊去面對個轉變，逃避可以係一個方法，但都可以一齊面對試吓仲有無得救!
點解同我咁似
我想自己一走了之
我唔係想逃避，係講都冇用，你估我冇講過咩？但愈講就愈嘈，唔想嚇親仔仔，所以先忍…我從來唔係小女人，要行到忍呢一步，其實好唔容易，對我黎講係極難…
再相處唔到既話，真係想走…
前日我老公話會深切反省，返黎唔句句窒住，話唔知咩事個人好似痴左線咁（都持續左一段時間）…即管再觀察…
多謝大家既幫忙！
啱，香港地個個都有壓力，佢返工升職唔係大晒，你湊仔一樣好有壓力，一係你窒佢囉，等佢感受一下