我諗「忍」係呢個情況唔係好辦法！
令佢以為自己岩哂！
不如下次佢一發癲你就帶啊b出街？
佢越激動你就越冷靜反駁佢！
「唔洗咁大聲，我唔係聾既」「你咪又係一樣？你覺得自己唔係咩？」但要冷靜，沉住氣講！
因為你係為自己解釋，唔洗嘈架，只不過講事實之嘛！
小朋友應該仲要返健康院？同姑娘講你情緒，佢地會幫你安排見精神科姑娘，唔駛聽到精神科就嚇親或覺得自己有問題，你當係同人傾下計咁，如果有需要，可以叫埋另一半一齊，精神科姑娘會再按你需要去搵社工安排啲輔導俾你地。
1個讚
我小朋友冇去健康院報到…都係去診所打針…
唔得架，講一句佢就會發哂癲，嚇到小朋友好驚
之前佢好好先生黎，我先嫁俾佢…最近佢升左職，成個人變哂…樣樣都係我有問題，會大大聲話自己冇錯，然後係度發癲
成個人唔同左，唔係以前既佢了…我都唔知同緊邊個一齊生活緊…
1個讚
佢狀態好時，傾乜都得…但隔幾個鐘後，最後都係會發癲咁話我
佢呀爸呀媽理自己都唔掂，我屋企人又移哂民，以前我細佬係度會好好多，搞到我好想去搵返屋企人…我細佬講過間屋永遠留一間大房俾我…我有一日想過去就過去…
我係你就即走，呢啲男人唔會改，一升職就發癲以為自己大晒
而家走以後仲做到朋友
我唔想教人分開，不過我自己一定會咁做
1個讚
辛苦你啦, 岩岩生左冇耐, 一定好辛苦 
就咁睇你老公好似好大壓力或者似係有情緒病…
佢唔去睇都好, 你都要照顧自己呀。
你本身有冇去過母嬰?你試下問下母嬰, 佢地會follow up 產後情緒, 你當揾個姑娘揾下計都好。
有朋友試過自己生完唔開心, 之後同姑娘轉介俾政府心理醫生, 其實佢個唔開心係因為家人, 政府果邊都會請埋佢屋企人去見輔導。
我有諗過，但我一個人湊唔到咁細個小朋友（家中有工人幫手），我太廢…
就係冇去…當初老公話唔想等咁耐，就轉左去診所打，小朋友健康院編號都冇…下一支針已係係一歲打，隔好耐…
你比佢搞到自我形象好低，唔好呀傻妹，你係偉大媽媽，你要好好照顧自己，生完情緒已經唔好仲要被個咁既衰人糟質
你自己去睇醫生，醫生會比建議你
忍係冇用，你要自強保護BB
叫佢湊一日睇下點﹖咁巴閉
你依家要去健康院都得㗎，打電話去健康院解釋，請佢哋比個期你去覆診，講到明覺得自己產後唔開心想見姑娘。
佢講得出呢句嘢應該衰極都有個普…
雖然唔知佢點鬧你，同埋點解要鬧你，我估係因為初生小孩的煩惱…日日冇覺好瞓，瞓兩個鐘又話起身餵奶再俾d時間你老公吧，唔好下下都諗住逃跑，過多排小孩識叫爸爸識行識走，相信大家關係會融
其實 會唔會你老公都有情緒病
不過點都好 我從來都唔喜歡用「忍」
大家咁高咁大 憑咩要我忍
2個讚
會唔會係佢工作+生活壓力太大? 同意樓上, 放低BB係婆婆屋企, 同老公傾下, 睇下佢係唔係需要人開解下~ 一味忍係解決唔到件事嫁! 加油!
唔好齋諗，直接訂機票準備消失。
係屋企實習一下自己湊幾日，走咗係另外一個世界。
你唔走，小朋友見到，同樣地會咁對待你。
但你要諗下如果佢飛過嚟搵你，你會點處理。
樓主, 雖然BB只有幾個月大, 但你老公大聲罵你時、 你哭泣時, BB都會感受到那種不好的氣氛, 對BB的成長也會有影響. 所以, 認真問一下自己是否想這樣下去? 如果不想, 就帶BB暫時離開, 再找機會和老公說清楚, 希望他能正視自已的問題, 看看醫生, 對症下藥.
為母則強, 只要你有決心, 一定可以照顧好BB的. 加油!
2個讚
我都覺得係, 可能份工好大壓力, 佢又覺得多左個小朋友負擔更重
樓主你剛剛生完BB都要保重, 成日比人鬧變產後抑鬱就慘, 我係你會同佢狠狠吵一舖, 巴士阿叔話齋: 你有壓力我都有壓力, 有咩唔掂一家人拆掂佢, 我唔係生出嚟比你鬧, 趁而家仲有彎轉你自己好好反省, 我會同BB離開幾日, 你諗通先搵我, 係咁先
1個讚
一定要講！繼續冷靜講！
「點解你要咁大聲？你知唔知道你嚇親小朋友？點解你要咁樣？你令小朋友好驚你知唔知？我聽到你講野你唔洗咁大聲好似癲左咁！」「我做野有我原因，我咁大個人唔洗你指指點點，我自然有我方法，你唔洗理」「哦，係咩？但我唔鍾意，所以我唔會做」
記住你唔係同佢嘈！你係解釋自己！
一定要冷靜！
如果佢以前係好好先生，可能真係因為升職加上屋企多左個bb而造成壓力先會變成咁。
所以我覺得你有咩攤開黎講會好過走，當俾多次機會大家。
我都曾經經歷過類似情況，但無你個case 咁嚴重。生bb之前我一直覺得我老公好好，但bb出世之後多左好多拗撬，佢平時唔講粗口都試過有次用粗口鬧我。
我係嗰種有咩會講出黎既人，我地兩個都講晒大家心入面諗乜，有時都未必認同對方，但起馬俾左個機會明白對方諗法，唔洗屈埋d咩喺個心度自己唔舒服。
如是者過左一年，可能一來bb大左某d方面易左照顧，二來我地開始適應有小朋友既新生活，三來我覺得生完之後既荷爾蒙都有d影響情緒令所有野變得更負面，依家嗰種荷爾蒙應該散晒，我又重新覺得我老公好好。
3個讚