我同呢位同事唔係好熟， 我問佢一切搞定了嗎?
佢話在英國沒有買樓， 又沒有租樓
又沒有找工
佢一家三口
個仔八歲
話過到去先算
佢似係去渡假多啲
定係佢同我唔熟
好多嘢都冇同我講呢?
乜移民唔係買好曬樓，搵到工先過去㗎咩
?
似係咁，比我都唔講，尢其啲豬/N問
8個讚
唔係
8個讚
一來唔係太熟唔想講。
二來其實好多人都係去到先租/買樓，隔山打牛+唔熟悉情況，租/買錯好難搞，當然親身去較好。
三，好多人去到先揾工架喎。
8個讚
你呢個思維，就知佢點解唔想同你講
39個讚
我移民都唔會買好樓先, 因為要住落OK有工作先會唸買樓
3個讚
有工有樓等先移民太理想
3個讚
雖然我唔係去英國，但我上年走都係冇樓冇學校、甚至冇語言基礎，唯一老公有工返。
如果有經濟許可，好多人都選擇到步先take action，之前做足功課咪ok
4個讚
搵工一定好難，人未到，邊個會請你。
好多人都唔會買樓住，因為都想熟悉下當地先決定啦，又要睇下交通校網等等，仲有你估個個咁放心上網直播買樓咩⋯⋯
你同事係講真ga，我身邊大把人都係咁，一d 都唔出奇
人哋好正常喎，點會買樓先過去，同你搵工如果唔係有特別技能一定係去到先搵到
你同事好正常，人未到英國邊有公司會請。另外買層樓閒閒地幾百萬，唔同買棵菜，隔山買牛好危險，梗係過去睇完環境先決定買邊度。一般移民到埗係先租 airbnb 或酒店，再買/租樓。
13個讚
我朋友2月過左去英國，都冇買樓，未搵到工，但就租左屋
聽朋友講，要住夠1年先可以買樓，先可以唔使全數比
全數比晒就可以一野買
真 去到周圍試下水溫先 自己要長居睇定啲好
1個讚
唔係。
有少少錢嘅，落地有乜住乜，唔急搵工，可以生活幾年睇情況先。
講得好岩
原來係咁
我真係大鄉裡到極點，好失禮
因為我從來冇諗過要移民
咩都唔識， 好在各位提點
依家先知自己思維有問題
11個讚
我同身邊好幾個有錢買樓嘅傾，都係會先租屋，睇完d鍾意邊個社區，先決定買唔買樓
樓主應該唔係想去英國嗰班，因為FB groups 大部份人都係book airbnb，隔離，然後慢慢揾租屋，有d人就先揾agent 幫手租，唔少呢d 人做聯絡揾錢中
至於工，我個人都有睇，但未定日子走，反而覺得隨遇而安，順步行，無問題
4個讚
就算冇錢，都好難隔山買牛
1個讚
佢香港可能有10層樓收緊租，唔通又話你知咩？
疫情又難過去視察，隔山買牛又信唔過agent，同埋都係去到住落覺得ok，有工返先買啦，點知喺邊區搵到工
1個讚