第一次開post,想問下大家意見：）
我同我先生現居美國加洲，拎J Scholar Visa,最多可以留係度工作5年
我地最近開始諗應唔應該生小朋友
但其實我地都未決定eventually會去邊度定居
我地無打算返香港，將來想係英國，美國，加拿大or Europe定居，但未firm話會係邊
早啲生既話小朋友會健康啲，同埋係美國生會有美國籍…
定係應該決定左係邊度定居先生小朋友好啲呢？
例如如果係美國生左，但之後想定居係英國，小朋友方面有咩要考慮？e.g. 教育?
1個讚
既然未來未知去邊，不如趁早喺美國生咗BB順便拎咗美國籍先
你先生係做學術研究果類工作？美國應該有好多呢類嘅工作機會㗎喎
4個讚
應該邊度都冇所謂啩，你哋咁勁。美藉先
一般黎講，美國去其他國家易，調轉難，所以取美國國藉先。
不過要留意下，每一個國家點入藉，同埋未入藉前學費要幾多。
2個讚
係呀，我同先生都係做學術研究，美國雖然有好既工作機會，但長遠黎講醫療制度令我地好卻步 
就算有保險都好，美國第一既破產原因都係因為medical bill…唔sure美國係未一個適合定居既地方。 
有美藉已經係人生贏家…
我見你其實都幾肯定係想生,只係唔知去邊生啫
謝謝指點：）
我都覺得我應該要reserach哂每個國家既入藉條件，同未入藉前學費先再決定。
我覺得我地係偏向想定居英國既
呢樣真，留喺美國就算有大公司醫療保險，入醫院都唔平
照計如果你兩個都有phd，應該好多國家都好歡迎你哋skilled workers移民
1個讚
你哋幾多歲左右﹖
我地都係31歲
老虎蟹都美國先 
大家都好支持有左美國國藉先 
假設我地都申請美國籍，但萬一最後又唔選擇係美國生活
海外生活既美國籍人仕要繼續交美國稅 
即係到時要交兩個國家既稅 
一係就小朋友美國籍，我地唔申請，咁小朋友大個左再自己決定
可以係美國生，拎美籍，但唔好係美國生活，美國唔適合小朋友成長，治安差醫療差易學壞，當然你係美國又要預使一筆錢，也可考慮不如盡快去英國settle就生
無知一問，如果唔係個到住，攞美籍有咩好？？
1個讚
如果搬去第度，你地又會打算幾時搬？
我覺得想生就最好生左先，唔係為左美藉，因為如果你地唔打算喺美國住，美藉可能反而仲煩，要諗稅務問題。但依個都係小朋友大左識搵錢先要諗既問題，而且一定有辦法解決到。
但生小朋友唔同，有d人好易有，有d人努力左好耐都未有成效，而且早d生對bb 同媽媽都好d, 所以我覺得真係想生既話就唔好等。
其實會唔會諗吓自己喺邊度發展你地嘅研究仲好? 咁難得你地讀咁多書可以參與研究工作, 其實我覺得真係美國會最合適 (起碼政府最揼錢落科研, 同埋 leading innovators 大部份都喺美國), 小朋友就算美國出世, 只要父母有錢, 我相信大學之前喺邊度讀都冇關係, 有錢自然入到好嘅學校. 到小朋友大個, 拎住美國 passport, 佢想去邊度讀大學都大把選擇啦
免費讀美國公立大學
先去英國settle(假設搵到理想工作）再生都係我地考慮既option之一 
唔好既地方就係要等多4-5年後先生第一胎，會係高齡產婦
原因係我地工作性質每次要完成一個project先會再轉地方工作，而我地係美國都只係剛剛開始為期至少4-5年既工作
好既地方就係，過多幾年先生，到時財政上應該會更穩定
你講得好啱～呢個就係我地煩惱之一 
因為工作性質，每次係一個地方工作都需要4-5年或以上，完成到一個project先會再轉地方，如果中途離開就等於放棄個project
嗯嗯～我都聽過年紀越大會越黎越難成功生到小朋友 
所以都要考慮到呢一點
生咗先，有美國籍點都唔會輸 