見到丹尼飯商又出事，價低者得既方法真係好不要得。就算唔中毒，我都唔會俾自己仔女食無營養價值既食物。幸好我仔女之前間學校，係家教會而不是老師選飯盒，而且會輪替，我小朋友覺得好食，菜單睇落都好營養。
大家仔女既學校係點選飯商？
1個讚
自己十幾年前中學最初係冇得揀，學校揀完就係，
之後有年學生會同學校deal，搞飯商試食會，試完投票決定，
但係其實試食會同實際飯盒嘅野食差好遠，試食會好好食，但飯盒一樣咁難食
6個讚
小學。學校招標，家教會招募家長到校試飯。到飯商簽約、開始賣飯，家教會每月招募家長到校試飯、量度飯嘅溫度、俾意見。而且低年級有家長入課室喺午飯時間照顧學生（維持秩序同有意外會立即有人幫手）。所以近三年啲飯都正正常常，而飯商都唔係丹尼同活力。
我都做咗四年午飯義工
2個讚
記得以前讀小學，學校有請同學代表同家長試食。但做騷當然做得好食，小學餐要健康、又要一早煮好 um 住係個膠盒入面幾個鐘，好難好食。
2個讚
要睇飯商質素一定唔可以靠一年一次嗰啲試食會
因為質素同實際完全唔同
我以前小學(十年前左右)呀媽有做試食
會帶少少食唔晒嘅比我試
又果汁又甜品咁
但係我學校行健康校園 午餐唔會有呢啲
我相信飯商報價前一定知 但係試食會仲係年年有 根本就係想誤導
好彩六年都叫唔錯
到左中學(三四年前左右)更加誇
啲飯嘅質素係按月下降
第一個月仲幾好食 到左三四月就已經冇人想食
有一年難食到我要帶飯素送飯
間垃圾叫 原美 係死人美心嘅
利申 食左12年飯商飯盒
但係冇食過活力同丹尼
3個讚
同意
家教會+家長報名試食。但試食會一定好食過平時，唔可以作準。
我會特登報名做家長義工，幫小一派飯，
就知平時食嘅係乜樣。
但我仔食嘅同我中學事一樣，味道一般
1個讚
我小朋友間學校有自己廚房同廚師，每日有三款主菜揀，其中一款一定係vegan，仲有前菜，湯同甜品，除左甜品外可以無限refill，當然要食哂先可以再去拎。佢地lunch食得好過我
2個讚
請問你地小朋友間學校係資助學校嗎？
國際學校
津貼小學
我中學時已三十年前，嗰陣我中學飯盒仲有白切雞飯、牛脷飯，$10。我以前就真係未食過丹尼同活力。
學校好好wo, 有咁既安排
我中學生涯，係未試過有咁嘅飯盒。
不過試過用班主任名叫pizza，茶記～
我有朋友話，我哋小學時咪又係食宜d嘢，又唔見我哋父母出聲。
但我想講，係2/30年後，我哋仔女仍然食緊咁嘅飯，係咪代表飯商無進步過？定係其他原因合成2/30年後嘅今日仲食緊咁嘅嘢？
2個讚
我中一食呢啲，啲同學唔識嘢，仲笑我食牛脷。
後來我哋無訂，出去屋邨食大牌檔。
我學校中一至中三係唔可以出去食飯，硬食飯盒。
我哋叫醒目，買盒飯俾無訂飯嘅同學，再自己叫外賣。
而家啲父母要返工，學校又遠，無法送飯，住沙田搵間九龍塘嘅學校讀，咁就只有訂飯。飯商唔慌無生意，點差都有人訂。加上有批人總係話「點差都要食」「餓佢幾餐就乜都食」結果搞到咁
以前中學全校唔比出去食飯，我間中學晌馬鞍山，全區最嚴嘅中學，相信住嗰區應該知邊間。
嗰陣時食「陽光一代」，嗰陣時覺得麻麻，而家睇番，原來已經叫唔錯。
我都係食陽光大
我都好似食過，印象中還可以
我以前小學返半晝，可以食阿媽煮既飯，中學可以出街食，成區啲食肆比我食勻，我覺得唔使被迫食飯商啲飯好好