有冇人同我一樣年年都被迫同99一齊過母親節正日 
年年由主角變成配角
年年老公都話俾面（因為奶奶幫手湊仔）
但有冇人諗過我都有阿媽（雖然阿媽唔起身邊，冇得一齊過重要陪演戲，又冇得一家人出去玩下，心很累
4個讚
好似新年正日去奶奶度既道理啦…
年年母親節，除左兩邊母親，仲會撞自己生日和結婚紀念日。年年都好累，所以例牌唔慶祝生日/結婚紀念/自己既母親節，只會幫別人慶祝。
不過移左民，就可以擺脫啦
如果媽咪唔喺身邊都可以同奶奶過，不過如果媽咪喺身邊就一定要一日一年
我老公知規矩，佢諗都唔好諗要我年年同佢阿媽過正日
1個讚
兩面都唔去，就當我唔玩儀式感
1個讚
99 幫你湊仔，難怪要睇佢面色
我打算今年咋病罷工算，最多仔女都讓埋俾佢 
，反正佢都唔在意我出現，我當自己放日假算
會唔會好任性？反正佢平日對我都係黑口黑面，唔想再俾面任何人
1個讚
我會同老公商量羅… 我一向都讓仔女俾佢，不過我唔出現既話，都係要作理由。老公評估過，作得出理由就得。
試過無和老公商量就唔去見99，結果老公和我大吵一場。最後都係大家坐底各行一步。
唔見都要作理由，重衰過做妹仔
1個讚
佢唔在意咁你當然唔出現啦，佢只係想見個仔同啲孫咁就畀佢見囉，最好
我通常梅花間竹的，一年正日陪阿媽，一年正日陪99，好公平丫（有時就會正日中午陪奶奶夜晚陪媽）
如果樓主媽媽唔喺身邊，咪一年陪奶奶一年樓主一家過囉
幫手湊仔咋，唔係大曬，所有節日正日都俾曬佢嘛
今年提早一日食母親節飯，但都係要同99一齊食
提早一日我都唔想同99食
唔會！！
比我有得揀，我都唔想同99食
可惜我係同99住
如果奶奶冇乜嘢自己阿媽又唔喺身邊，慶祝都OK既，但個老公唔該唔好奉旨，湊仔亦唔係大晒
咁樓主都係母親啦，又唔叫個老公就下佢，佢老母同佢湊仔，佢老婆同佢生仔呀！
我係樓主我就係唔去，吹呀﹖
可能我二邊屋企都少人，我年年都係二邊一齊飲茶當慶祝，我老公一次買三扎花，搞掂
2個讚
我係丫，所有節日嘅正日都係去奶奶度過，不過我係心甘情願嘅，有時仲要我提老公先記得要慶祝⋯⋯
母親節梗係要同媽咪過，凑大我咁辛苦
可以的話正日陪自己媽，99又唔係我媽，真心唔想陪，佢成日講嘢冇句好。不過如果你媽唔係身邊，唯有陪下99係咁易食餐飯，陪成日真心覺得累。
以前都會咁，但發生過大事後我已經唔會點出席，果個係佢呀媽佢陪係應該，但我都有呀媽我會陪我呀媽，就算就唔到正日同呀媽過我都唔會同佢呀媽過囉，大佬：母親節呀，我諗唔到一個理由逼自己同佢呀媽過囉！
分上下午2場得唔得呀
既然媽媽不在身邊，同99過我覺得都合理。。。
老實講我唔明點解母親節個個咁抗拒同99過，都係食餐飯或飲下茶姐，定係要陪99 all day? 如果all day 就留番佢個仔陪啦
不過咁，樓主真係唔想既咪話唔舒服抖吓咁啦～
1個讚