想請問人備孕除了食Q10 , 配合綜合維他命或是只吃維他命D會比較適合?
另外有什麼適合男士的呢? 謝謝.
我住歐洲，都唔可以自己就咁配藥、尤其係孕婦。
只係我就係見data / info 唔多、甚至唔太肯定
我本身好早有宮縮、醫生話可以去到每日3 次，但我反而唔實到痛都唔食。
last 6wks宮縮太密，所以都想問吓其他專業人士意見
謝謝解答
如果已經懷孕，除左葉酸之外，仲需要補充埋鈣、鋅、鐵、碘，所以通常懷孕後會比較建議食孕婦綜合維他命（會有齊葉酸同呢啲礦物質）
多謝你呀，我睇緊買邊隻魚油好, 其實要食2000mg 定1000mg 就夠? 我大約一星期先食一次魚
孕吐情況通常13週打後，身體習慣左荷爾蒙改變就會慢慢好轉架啦！
如果食完飯先嘔，當然會影響營養啦，所以keep住有噁心或者會嘔出黎嘅話，可以食維他命b6或者用止暈手帶幫手
P.s. 因為新ac限制，我每3個鐘先可以reply一次，樓主會慢慢解答問題，希望大家唔好介意！ 
4個讚
唔客氣 
研究通常用200毫克或者以上嘅CoQ10改善懷孕機率，大概原理係可以抗氧化保護返啲卵子，亦都可以改善精子濃度同活力，所以男仔女仔都食得
葉酸同維他命C應該就冇咩特別相沖，一齊食都唔怕 
1個讚
請問有咩暗瘡膏岩孕婦
備孕最重要係有足夠葉酸，通常準備懷孕前三個月就可以開始每日食400微克，另外都可以加200毫克CoQ10提升懷孕機會（如果想食綜合維他命都ok，葉酸夠就得）
男士備孕最主要都係鋅同CoQ10，增加精子活性，唔想煩可以直接搵啲男士備孕產品食，例如：富精多或者Menevit（愛樂維男士版）
1個讚
I see! 我諗data唔多，所以醫生都開保守啲，
buscopan有時可以食到每日四次，每次20mg，而每日三次，每次10mg都算係低劑量，加上你唔係經常食，咁聽落其實都唔大concern，可以放心
1個讚
謝謝你
1個讚
想問男士有無話食邊隻CoQ10好?
DHA+EPA可以食到900-1000mg就一定夠（但要睇清楚label，好多時一粒魚油1000mg入邊係得300mg左右DHA+EPA，所以呢類就要每日食三粒），
另外餵緊母乳建議每日起碼食200毫克DHA（所以睇清楚魚油label每日係咪會有最少200毫克DHA攝取）
Benzoyl peroxide或者azelaic acid成分嘅都ok（如果呢兩隻我會prefer azelaic acid，因為更加溫和同埋幾乎唔吸收落身體）
總之記住，千祈千祈唔好用A酸，bb會gg 
其實劑量到200mg就ok，牌子嘅話通常都唔大分別，例如GNC就有隻夠200mg嘅Q10，或者iherb搵下都得
p.s. 近年有Q10有隻新形態叫ubiquinol（傳統Q10係ubiquinone），新形態似乎吸收率再高啲，但因為多數研究都用開傳統個隻，所以我又覺得分別唔大
請問一下如果懷孕初期（around 4w) 出去salon 染髮得唔得ga?
想請教備孕除咗食葉酸，仲有冇咩鈣supplement易吞/膠囊形推薦？因為市面上好多鈣片都好大粒/易溶好難吞，自己食過GNC/holdbody紫色
1個讚
四週就唔建議啦，起碼陀到12週陀穩個B先會好啲
染髮坦白講我都唔太熟，不過check返有分永久同非永久兩類嘅染劑，而永久個類染劑有機會含有ammonia或者peroxide，呢類就幾多週都唔建議用啦，所以染髮前可以問清楚染劑有冇呢啲成分（或者做非永久性嘅染髮）
1個讚
如果嫌平時啲鈣大粒，可以食啲咬碎吞服嘅鈣片，例如：鈣思健、Calperos，或者飲媽媽奶粉都得（不過要留意每日葉酸攝取會唔會太高）
如果都係prefer吞嘅，可以用佳存媽媽鈣片（鈣片黎講都算比較細粒，佢個盒上面都有幅實際大小圖，你買之前可以睇下個size接唔接受到）
懷孕都可以用正常個啲敏感藥，如果唔想用藥就可以用鹽水噴霧洗下個鼻，鹽水噴霧通常分兩種：
- 等滲（isotonic）: 主要係清潔同濕潤返個鼻，幫手清走啲致敏原防止發作
- 高滲（hypertonic）：清潔之餘可以通埋鼻塞
可以按照自己情況決定用邊隻