有無諗過，萬一住嘅大廈有一宗確診個案，全幢大廈都要強檢撤離！有啲工作定左日子，又或者紅白二事，咁點算？
啱啱先知，即使已經打咗兩劑疫苗，都一樣要隔離21日！呢個無能嘅政府，仲想玩殘啲市民到幾時！
4個讚
唉，我都驚
copied from fb:
希望大家用唔著以下資訊
《竹篙灣隔離營—你要知帶乜嘢入營》
當大家不幸比衛生署通知要入竹篙灣隔離營，千祈唔好灰住，因為冇時間俾你灰，餘下嘅時間你要準備入營嘅物品，準備少咗一樣隨時令你呢兩星期好難過，以下係需要準備物品嘅小心得，希望幫到有需要嘅你或者朋友.
營地入面會提供 ：
洗面毛巾、沖涼毛巾、牙膏牙刷、沐浴露、洗頭水、10個衣架、冇力風筒、熱水煲、卷裝廁紙、樽裝蒸餾水.
以下物品係要自己帶入嚟
iPad /電腦
留意返竹篙灣係冇Wi-Fi，雖然竹篙灣係可以攞SIM卡，但佢張SIM卡只係得2GB，所以最好買定SIM卡入嚟，我自己就去咗百佳買咗張 So SIM ，入邊有50GB上網，真係用爆咗嘅話，叫屋企人去百佳幫你買充值券，俾返個code你自己充值就得！
拖板/電話電腦叉電線
呢度嘅電掣位係唔人性化，絕對唔會近你張床，而且呢度嘅電掣只有兩個，如果你仲有其他電器帶入嚟，你會不停咁換插頭叉電！
調味料
呢度雖然有三餐俾你食，但真心十分難食，冇乜肉之餘，仲要冇乜味，試過問職員有冇調味料，佢話剩係得鹽，所以調味料一定一定一定要帶入嚟，美極、辣椒油、牛角燒汁…等等
即沖飲品 / 即沖即食湯
如果大家需要飲奶茶咖啡而又有要求嘅話，請自備即沖飲品，呢度雖然有奶茶咖啡粉可以攞，但係你唔會識佢個牌子.
另外，呢度派餐時間係比預期中早，你喺派餐後半個鐘唔食嘅話會凍哂，去到夜晚你就會覺得全日冇食過熱野，所以即沖粟米湯、麵豉湯係令你覺得冇咁空虛！
杯 / 碗/ 迷你煮食煲
呢度淨係會提供紙杯俾你，包括刷牙都係用紙杯，如果你自己想沖多兩杯嘢飲嘅話，個紙杯隨時會爛.
之前講過呢度嘅派餐時間比較早，所以迷你煮食煲係你好朋友，你可以翻熱返啲嘢嚟食，或者自備公仔麵及其他食物入黎煮，帶個碗入拎黎裝食物，留意返，間房係有煙霧感應器，但係好多營友都有煮野，所以應該唔使擔心，但係請記得帶洗潔精同百潔布！
罐頭 / 撈飯汁
由於呢度嘅飯實在太難食，仲要冇乜肉，隨時需要罐頭加餸，唔好睇小個罐頭，佢會令你食得飽啲滿足啲，罐頭可以選擇午餐肉、五香肉丁、回鍋肉、台式滷肉、豆豉鯪魚，呢類一開即食嘅罐頭（我隔離房仲喺度開罐頭鮑魚
），即食榨菜肉絲、豬肉鬆用嚟送飯都係一個好選擇，如果大家想食得再開心啲，可以拎埋飯素或者即食日式咖喱汁用嚟撈飯.
零食（朱古力/薯片/餅乾/糖）
因為唔俾出房門口，係呢段時間你會好悶，需要搵啲零食打發下時間，令個人開心啲.
眉鉗/指甲鉗/面膜
都係果句喺呢度好悶，忟下眉、剪下指甲、敷下面膜又一日.
護髮素/洗面膏/護膚品/風筒
呢度係冇護髮素同洗面膏提供，護膚品就你日常用開嘅嘢啦，呢度係有個風筒提供，但個風筒冇力，可以吹45分鐘，大家冇乜耐性嘅就自備.
紙底褲
喺度住得兩個星期，當然你可以話大把時間洗底褲啦，但係個人頹哂，真係唔會走去洗底褲，況且得你一個人係間房，根本你着乜物都無人知，而且紙底褲著完就掉，方便快捷.
衣夾/橡筋/密實袋
當你有帶其他零食，又食唔晒嘅話，衣夾、橡筋、密實袋幫到你，可以暫時封番食物，留返下一餐食.
手抽紙巾/ 濕紙巾
呢度得卷裝廁紙提供，所以大家如果需要另一種廁紙嘅話請自備喇.
牙膏牙刷/洗頭水/洗面毛巾/沖涼毛巾
呢啲營地都係有提供，當然係質素比較差啦，如果大家有啲要求就最好用返自己嗰啲.
其他自備日常物品
衫褲鞋襪、牙籤、棉花棒、拖鞋、口罩、潤唇膏、消毒用品…等等等等…請按自己需要準備.
睡衣可以帶多幾套，因為冇人會理你，職員都驚咗你，出街衫着一套入嚟，着一套出去就得，根本全日唔會換衫.
另外，由於好多日要一個人獨處，如果你鍾意睇書、健身、玩樂器嘅話，記得帶埋相關器材入嚟，咁樣你會好過少少.
呢度會有其他物品可以order，日常個人用品、梳洗用品、毛氈等…
我試過order過：簡體字既蛋糕仔、康師傅or 生面皇杯麵、立白洗衣粉、指甲鉗、陽光or維他牌子嘅野飲、Oreo、即沖咖啡粉、太平梳打餅、漱口水…（可能仲有其他隱藏物品可以order，但係職員係唔會話你聽）
如果大家真係帶唔齊野，可以叫朋友送入嚟，不過要隔離者預先申請先可以送貨，注意：香煙、酒精類物品及中藥物品係唔可以送入嚟.
因為而家太容易比判入隔離營，如果大家咁不幸或者有朋友真係要入嚟竹篙灣，希望呢篇文章會幫到你或者朋友.
13個讚
嘩！好勁呀！多謝你提供呢個資料！唔係講笑，我真係要save低佢!
2個讚
又係輪迴番上年夏天咁…（其實我最驚係夏天入去無冷氣焗21日
2個讚
我喺fb見到，對方話歡迎share
靠政府不如靠民間力量
個政府只係刻意製造麻煩，唔係為左防疫
對住呢個無賴政府，要比佢更厚臉皮
2個讚
今晚我先同屋企人講，洗唔洗執定個袋，隨時入集中營。另外，請問有無人知道，如果一家人入去，會係每人一間獨立房定一間大房一齊住?
2個1單位
上網睇人哋講無冷氣嘅係駿洋邨，而家應該全部隔離營都有冷氣
不過有定冇都好，最好緊係唔駛入營
我最驚冇左份工
1個讚
真係怕隔離21日多過covid，即係明明做好防疫都要全幢人一齊陪隔離21日，仲要唔係居家隔離，真係不知所謂 
2個讚
香港人交啲稅就係比啲官攞幾十萬一個月，做擦鞋仔然後迫害我哋，關就唔封，啲大陸人落嚟容易，我哋就打咗針都要隔離廿一日
2個讚
如咩都唔預備件去，同坐監差唔多
2個讚
我朋友就黎全家飛英國，佢仲驚
1個讚
有，冇 notebook，做唔到野。一個人一間房就冇野，但要同家人同房，就唔好啦。
又唔知有幾多時間可以買野執野
想請問如果一家人分2間房，我可唔可以隨時過隔離揾佢地㗎?
如果真係要隔離21日，我都好驚無咗份工!
唔得
所以唔打係最好
我都有焦慮症都驚呀 唯有做多啲準備面對咁變態政府
好有用呀… Saved & Shared…唔該晒…
1個讚