凌晨約零時半，警方接獲多個報案，指香港仔華富邨華安樓對方華富道，有一輛豐田私家車，被一輛起亞私家車及一輛客貨車前後截停，兩車上更跳出多人，用硬物圍扑豐田，迫令司機下車，叫聲震天。
多輛衝鋒隊警車接報趕到，並帶同盾牌協助，但該批人士向衝鋒警出示證件，原來他們是警方西區特別職務隊便衣警員…
阿SIR辛苦了｜警特職隊華富邨反毒拉人 警棍扑車窗45下至爆
凌晨約零時半，警方接獲多個報案，指香港仔華富邨華安樓對方華富道，有一輛豐田私家車，被一輛起亞私家車及一輛客貨車前後截停，兩車上更跳出多人，用硬物圍扑豐田，迫令司機下車，叫聲震天。
多輛衝鋒隊警車接報趕到，並帶同盾牌協助，但該批人士向衝鋒警出示證件，原來他們是警方西區特別職務隊便衣警員，當時正進行反毒品行動，並在豐田附近撿獲約6克懷疑毒品K仔，但搜車後未有發現任何違禁物品，稍後有交通警員到場替司機進行酒駕及藥駕測試，亦證實通過檢測。
有附近居民表示，涉事豐田當時停在巴士站，車上只有司機，並亮有車頭大燈。其後起亞私家車及客貨車突然駛至，數名便衣警員包圍並喝司機「落車」，但司機未有理會。
根據讀者提供片段，兩名便衣警不斷用警棍扑豐田右後座乘客位車窗，另一便衣警說「你落車咪同你講咩事囉！」至少扑了45下逾一分鐘後終扑爆車窗，司機亦自行打開車門，此時三警夾手夾腳拉司機右手及右腳出車，並將司機按在車頭冚搜身。此時司機說：「阿Sir，好簡單啫，你無啦啦走過嚟係咁扑我部車。」便衣警員回應：「XX老母啊你合作唔好玩嘢啦。」事件擾攘至凌晨4時，27歲姓梁司機涉嫌藏毒被捕，而豐田亦被駛走帶署。
警方表示，西區特別職務隊警員於華富邨進行打擊毒品行動，發現豐田形迹可疑遂上前截停。但豐田嘗試駛走，隨即被截停。司機未有聽從指示下車，警員作出多次口頭警告後不果，用警棍擊碎車窗並制服司機。警員於豐田附近地面撿獲約6克懷疑氯胺酮，司機涉嫌藏毒被捕，現正被扣留調查。
/cloudfront-ap-northeast-1.images.arcpublishing.com/appledaily/BP52KYFCA5C3VLKDMPCEUKEQDU.jpg)
讀者提供片段截圖
/cloudfront-ap-northeast-1.images.arcpublishing.com/appledaily/NBJUIZLEMNEQXDBQKQJVTO3IAA.jpg)
便衣警員將司機拉出車。讀者提供片段截圖
/cloudfront-ap-northeast-1.images.arcpublishing.com/appledaily/KX6PYCSESFFHXKCF7CHJSPYRCU.jpg)
衝鋒隊趕到後證實是西區特別職務隊警員進行追截工作。
/cloudfront-ap-northeast-1.images.arcpublishing.com/appledaily/AFYCRPKAX5C6BMAQ53HZTXFFQQ.jpg)
警員搜車後未有發現。
咁搜唔出犯法既野, 又無野可以證明果6克懷疑氯胺酮係車主掉落地下… 咁我係車主係咪可以投訴同追究修理費?
1個讚
「警員於豐田附近地面撿獲約6克懷疑氯胺酮，司機涉嫌藏毒被捕，現正被扣留調查。」
Er…會唔會有啲「生豬肉」？
我都想知呢個問題係點樣處理。去投訴科？定係又一句 “因為你唔合作所以我地要採取行動” 和稀泥車主硬食？
車上冇毒品，附近地面有毒品都入司機數？
架車好實淨，比成班人打車唱咁耐個司機都冇事
我有D唔明既係, 你用架GOGOVAN 黎捉人, 個個都著便服…
如果佢地唔出示委任證既, 我點知你係警察? (我假設咋~ 因為嘈到好多居民報警…咁即係…好大聲而無人聽到VAN仔既人有表明身份係警察啦…以為係壞人啦.)
咁你又係咁扑我架車其實正常人都會唔落車囉… 我唔開車走已經係好蠢…
2個讚
都幾明顯啦… 成班無證件, 著便服嘅人行埋嚟狂扑我架車… 我死都唔落車啦… 點知你係癲定喪架… 毒品又唔係係車/司機身上搵到… 係地下執到, 你話咩都得架啦…
3個讚
佢地之前試過無啦啦爆錯門
要等成個調查程序完曬，證明你係無辜，先可以提出追究。
不過，佢哋係唔會錯嘅，錯就錯在你出現。
好有亡國FEEL
就咁睇呢段
我以為係關於黑社會果d新聞
咁佢哋的確唔會錯嘛。上庭一句無印象就得，又無刑責嘅～
咁多車唔打，仲係45下都要打果架車，實係司機有問題啦～
：點解要打呢架車？
：我地懷疑佢，請佢配合，但佢唔合作，唯有破窗
：冤枉啊，大人！佢都冇出證，又便衣又冇
，我點知係咪真～
：請問你有冇出示？
：印象中佢冇提出呢個要求喎～
只係睇相一定覺得係黑社會講數 =.=
貨車去入貨?
半夜三更無啦啦有班人圍住自己架車扑
我會以為佢哋係強盜嚟搶野
點會有人問強盜有冇證件ga ? 
1個讚
該主題在最後一個回覆創建後30天后自動關閉。不再允許新的回覆。