大家留言好踴躍，一黎見到三十多個留言。多謝大家，我都睇唔曬啦。
用左大家既意見，同老公心平氣和傾左，佢好似真係明左我既困擾（原來佢之前唔明）。佢會再問清楚９９係咪真係想過去，勸佢留港（原來９９之前只係好casual咁，講過一聲話要去）；同埋佢會負責搞９９既申請手續。又，如果９９真係要去，我和佢既各種底線和應變都傾好左。
問題暫時解決左，謝謝大家～
= = = = = = = = = = = = = = = = = = = = = = =
就黎移民。不過老爺身體一向倒數緊，最近急轉直下，老公好擔心。如果咁岩出發時入左院，小朋友又趕著去英國開學，就唔知移唔移好。如果去到英國再返香港又要隔離。Worst case就係要我一個人帶著兩個小朋友去英國先。
其實我對呢個成日話要殺死後生仔既老爺毫無感情。不過淺黃老公好擔心，同我講老爺既身體點差，我都係「哦」就算。佢要孝順都唔到我講咩。
另一邊箱，之前分享過藍奶奶可能會一齊搬去英國。佢係香港仲有個嫁左既女，我以為佢唔會成行。點知原來佢好堅持，如果老爺過生，99都係想搬去英國
我而家剩係爭取到係英國頭一年，99一定唔過黎。之後既野真係好難講。佢日日話要移民既人幾蠢，然後自己又要黐著要移，可能佢真係好唔想一個人住，女又嫁左出去黐唔到啦… 我真係唔想避到英國都見到佢。
我就已經無理自己既藍父母，不過c6 99都係擺脫唔到… 同老公講，佢就話個個係佢阿媽，無得唔理。又話奶奶可能最後去唔成，不過始終唔肯否認有呢個可能性…
9個讚
我媽都跟我一齊黎咗
相處肯定有磨擦，但諗深一層，佢地一把年紀去一個完全覓生環境，重要可能言語不通，又冇朋友，唔識揸車街都冇得去，佢地都唔易。
佢地咁努力都只係想同後生一齊，大家唯有互相遷就，盡力一試。
5個讚
你99可能上左年紀。
有一日你99有重病。
有一日係屋企死左都無人知。
老人家一定會擔心呢啲。
痴住個仔係中國人傳統思想。
仔一定係跟阿媽住。
我媽跟我去 uk, 冇跟新抱去，怕相處唔來。
但老實女同阿媽都有好大磨擦，唯有互相遷就，唔鐘意就返房冷靜下。
唔計政見，始終係一家人。而且老人家移民都唔易，佢地為左可以同後生一齊，都好努力。
6個讚
其實你6299唔講黃藍哩啲外在因素，咁佢地確確實實係你老公個爸爸媽媽，你好難叫佢要放低佢地唔理架啵。
唔通第時你老左，個老公又就黎香，跟住啲仔囡仲要話要移民，講真，移左民就真係好大機會一世都唔會再見。
你咁介意黃藍而又咁憎你99，不如離婚啦，離左婚就乜問題都解決曬
7個讚
我識兩個女人都係一带一，一個送小朋友去 boarding school, 另一個就 state school。
得唔得睇決心同準備，但老公就可如願留返係 hk.
一帶一應該都可以，但佢一湊2，好似仲幾細下，如果有外國生活經驗就得既。
不過我都識人1湊2去日本
其實d老人家都係想老來有人依靠。
佢去到可以幫手睇細路同煮飯，但當然大家教細路方法唔一樣，煮飯未必啱胃口。唯有互相遷就。
同埋外國地方大 d, 佢地都只係佔一個房啫。米大家盡力試下好過後悔。
其實人哋都係呻下啫，都冇講過叫老公唔理99，你好似激動左。
22個讚
如果讀埋同一間學校 ok，一中一小就要近。
想方便去 London, 我 friend 個中學細路好快已經自己搭巴士返放學，佢去咗做野。
1個讚
我邊敢直接同佢講，都係老公同佢講。
我係完全理解唔到佢諗咩
1個讚
咁快講離婚又好似快左 d.
不過我覺得兩公婆都各有自己思想同自由，太勉強不如各有各做。
諗過分居，咁起碼唔洗見到奶奶。
不過我仲要湊小朋友，分居暫時搞唔掂，要等小朋友大D先。
Omaph
18
咁又可以有另一個perspective : 老咗自己搞唔掂未住老人院 lor
而唔係要D仔女理你一世
咁原來你生D仔女都係為咗 “養兒防老”
Oh 又係永恆的爭拗了
所以又唔需要話 到你老咗無人理就知報應
咁都要有人先打破呢個vicious circle ge
##另一 "激動”版本
1個讚
係囉 一黎就道德綁架人
咁就要離婚有10次quota都唔夠用啦 樓主嫁俾佢老公又唔係嫁俾佢99 係香港都未必想同住啦更何況係外國
佢唔識英文冇朋友冇生活更加痴住樓主一家 摩擦肯定會更多
8個讚
唔係我講㗎，樓上嗰位叫人離婚，我以為去左亡國，只有嗰邊啲人先會係咪都爆左人先。
2個讚