今日同一個英國護士傾起疫情,佢主要 England 東北部某醫院做,有時候會過去曼城醫院。佢話開始打疫苗之後,情況好左非常多,佢工作嘅兩間醫院冇再收新症同埋 ICU 冇曬 Covid 病人。不過佢都知 lockdown 寬鬆之後就一定數字回升。
佢自己打左輝瑞(復必泰)兩針,第一針手臂痛左一晚,第二針頭疼頸痛左一晚,之後好返。其他同事就最嚴重都只係請假一日。不過有同事唔願意打疫苗,覺得推出得太快唔夠多數據。
佢有個 sister,唔肯打疫苗唔肯戴口罩,覺得係一個 conspiracy,lockdown 係政府想做 social experiment,佢都好無奈,只能夠祝福 sister 健康。