我嘅意見：
阿囡得十五歲，我覺得真係俾佢自己做決定，一定雙方都後悔。
我感覺可能樓主去英國都係為咗仔女，可能你個女知係咁，唔想孭起呢個責任，所以俾理由俾你，抗拒去英國。
我中三中四我媽要我去英國 我死都唔肯 後來去完我家姐英國大學畢業典禮 我就好想去 所以Alevel 先過去 你試下帶你女英國行下旅行 可能可以改變佢睇法
你冇同佢親口講過，但係你個心係咁諗。你同佢傾嘅時候無論幾好戲都唔會遮掩到你喝個想法架。
有啲野唔係用口講先會知架。
同埋，有時你覺得唔好嘅環境話唔定你個女覺得係nothing。如果佢唔聽你意見，講過就算啦。呢樣野，我係同我老公相處學返來
Btw, 如果阿女話要去印度或者非洲我先會驚驚地。講真，而家香港咁樣，返大陸都好過留係度
你都誤會左我地，你冇同佢講，但我地感覺到你係咁樣睇佢。我係你阿女知道阿媽咁樣諗佢，實憎死你。
所以畀佢去日本試一年呢個方案未必不可行，可以考慮下。青少年唔試心唔熄，到時候一 18 歲就變天容易越走越遠。
樓主，真係唔止一個jm 咁樣覺得，既然文字上我地會feel到，你覺得你囡feel 唔feel 到你既前設？
既然上得forum 問就預左有多方不同睇法同意見，如果open minded既就當提醒，覺得無謂既咩ignore lor, 最後點做都係你地屋企既事。
呢度reply得你既jm都係真誠既，無論意見有無用都好。希望你最後拎到d參考同啟發。
我覺得樓主個女好幸福就真，依家過去全費 full fee 大學學費 三年接近一球，你都有能力出，我同你情況差唔多，但銀行存款應該差好多
如果我有能力基本上都唔會畀個女揀，有乜嘢重要得過七年攞 BC 做一個世界自由人
太多post, 冇追晒
分享吓自己同個仔嘅經歷：
我當年讀到中五，屋企決定移民，當年好唔想去，有好朋友喺香港，外國冇人冇物，成家英文好屎，只能勉強溝通，當年就連搭飛機旅行都非常少，何況突然間要去一個完全陌生嘅國度⋯⋯奈何自己冇獨立能力，只有跟隨父母離開。心裏千個不捨、萬個不願。
初頭去到，無論氣候語言文化⋯都非常不適應，每當遇到挫折，心裏面都會怪父母點解要逼我過嚟。到後來返學識咗朋友，情況開始改善，隨着年月亦逐漸適應當地生活。
雖然後來我回流返香港，但仍然覺得外國生活果段時間，係生命中寶貴嘅一段過程。亦好感激我父母俾多咗個選擇我（今日可以揀留喺香港定離開），同令我比多左個選擇我個仔。
好正面
續：
講埋我個仔：
佢香港讀完中三，老公要佢去外國讀書。
唔單止個仔唔願意，我自己心裏面又再次千萬嘅唔願意，想起自己當年經歷嘅總總，何況個仔今次係自己去讀書，冇家人陪。但以阿仔嘅成績，喺香港真係好難升大學⋯
半推半就下都係送咗個仔出國。我個仔本身好獨立，自理能力好高，但初初孤身去到，佢都覺得寂寞難過⋯後來阿仔講返，佢雖明知我哋係好錫佢，但佢初時都會忍唔住好多負面思想（尤其遇到困難時），覺得我哋係好憎佢先送佢走⋯
後來，佢話開始話鍾意嗰個地方，應該唔會返香港；而近兩年香港發生咁多不公義嘅事，更加令到佢唔想返嚟。
所以，對佢來講離港讀書都係一個正確嘅選擇。
想到呢度，我又再次感激父母當年咁勇咁樣帶我哋去移民。我自己應該冇呢個勇氣。
佢都有自己係香港既人生（無論乜野原因，比著我十幾歲 所有青春期既朋友老師親人係香港 我都未必想走
樓主我撐你
做父母嘅梗係想係仔女身邊，特別係15歲，你話如果父母要留喺香港搵食逼住送個女去外國讀中學就話啫
仲要係而家有機會可以全家去英國，俾佢接受全世界最top嘅教育wor，仲可以拎bc，做父母嘅點會唔想將最好嘅俾下一代甚至下下一代？
其實點都好，我哋只係比意見，但言語間流露、定你自己唔記得，你話唔會放佢一個去日本、因為佢唔成熟、點都等大學完先，但佢仲有多年啊
無論如何祝你地一家順順利利
睇咗咁多回覆，好多人話樓主「你話個女思想唔成熟」、「知阿媽咁諗個女，個女實憎死你」。個女係樓主生嘅，對足15年，個女係點唔通佢唔知，反而係睇幾段文字嘅網友會知？
好現實咁講，唔好話個女15歲，就算51歲，做父母都覺得佢係細路嚟啦。
仲見到樓上有網友cap樓主圖嚟bin屍，我覺得過分咗啲喎。
路過
利申：我無青春期嘅小朋友
其實樓主咁肉緊想問大家意見，大家咪肉緊出盡力比回應囉，樓主講完啲嘢又好似失咗憶咁，先會產生有人cap圖回應。
點解會用「鞭屍」咁難聽？難道都認同樓主講錯左說話咩？
人地問左好多次咩原因女女唔去，又永遠話自己已經講左，都係打一句姐，講多次使死咩
幫下手比意見搞到要受氣咁…
Anyway, 實質上我意見都係比阿女決定（前題係佢搞得掂自己),搞唔掂嘅，就唔該跟從父母直至成年。
距離產生美，睇嚟大家日後比意見都唔好太肉緊
其實全家人投奔自由點會由一個15歲嘅女仔決定，佢今時今刻哈日，下個月可以哈韓，咁係咪要跟住佢轉? 我個女都有 BFF 上年9月開學仲話唔會走，11月就同我個女講要去加拿大，12月已經出發，跟住我個女依家又話去邊都冇所謂
佢哋喺未成年人，我哋係家長監護人，就係要喺呢啲時間幫佢哋做決定
可能大家真係唔明白 BNO 5+1 真係千年一遇，大把有能力嘅人想要都冇
討論區問問題及開主題，寫明要認同感，不要反對聲音
網上無需太認真， 一人分身幾個戸口留言
最好跟風執人口水， 不要離群
係討論區但無討論空間，wow~
我自動入座
唔係bin屍，我自己都有1個 15、6 歲嘅小朋友，只係覺得，樓主一時又話自己要個女去到大學畢業先比佢去、一時又話自己冇話過…
嘅然佢咁就比返佢自己睇！
而且我回佢，而唔係叫大家公審
我上年走、都係同阿女講走咗先…
中間都經歷左唔少佢情緒失控、抑鬱
而家佢知道有機會鎖港，佢大部份香港朋友話羨慕佢走咗，而家佢直頭連呻、有可能冇得返香港放暑假，嘅話都冇。
所以一開始我先比樓主意見： 不如狠D走咗先
有幾多父母會比個高中初中細路決定人生大事？問題係點溝通令個細路聽話。
呢到 d sis 真係好有耐性同好真誠