見有親戚將whatsapp媽媽group嘅資訊當真理
明明班group mate都只係無見過面嘅網友，對方係真媽媽定sales都唔知
見過來自媽媽group有錯的英文教材
最頂唔順係話AQ水有用，乜都噴…
試過輕輕提一提佢，但超大反應，宜家都唔敢講…
1個讚
當局者迷，尤其係新手媽媽，耳仔最軟，我以前都係咁，好易跟風
由得佢拉，你提左佢佢唔聽你可以點。
利申：無入媽媽谷。
我覺得長輩果啲會去話佢。
我都冇入
我媽平時幫我湊仔返學,入咗一個細group,佢話日日幾十個無聊msg,少少嘢啲媽媽就話好緊張好擔心,最後佢都頂唔順quit group.
不過唔入就冇咁多學校資訊,可能有時真係Miss 咗啲嘢,例如唔記得俾小朋友帶某啲嘢返學
但overall都係決定唔入,冇咁煩
第一個時有join，到一歲見到講既野越嚟越離地即退！
無join過，但遇左會有sales混入
咁要睇係咩媽媽谷喇
我都見過有d唔多對路，其實大家無相同嘅野，好難溝通
我就有個幾特別嘅家長谷，本身係某組織家長小組生出嚟嘅"半官方"谷，整整下多人吹水，就開多個吹水谷，有唔少專業人士家長，好多資訊分享，天南地北，孩子趣事，今日睇緊咩好書，週末好去處，真係乜都傾一餐，亦同時係同路人家長呻嘅好地方
當中只有少部份係見過嘅，之前無疫情都會約埋叫d細路出嚟玩，e+無lu~
(唔好問係乜，唔會幫手加入，抱歉~ 只係想分享：世事無絕對！)
我覺得男人會覺得媽媽谷係邪教。
自己都有join過無出乜聲，最多問下有無同月日谷之後都係齋睇唔會出聲，其實呢啲媽媽谷都係頭一年好多人講野佢地啲資訊對新手媽媽都幾有幫助，之後大家上晒軌道，個谷會慢慢靜晒然後好多人quit。
媽媽group 入面我最討厭既野係曬命同比較心態
如果自己可以對呢啲嘢免疫就好喇
我仲大緊肚, 有入到一個同月份預產期group, 我覺得幾好呀, 大家同路人week數相近, 好多野可以分享/呻下/有共鳴, 拎下意見咁.
咁當然唔係信晒入面d分享, 自己都會上網做下research, 岩聽咪聽, 唔岩咪skip, 好多野 (包括個product好唔好用) 都係人夾人.
1個讚
我入個啲唔比講呢啲！
會要求del msg 同可能被踢出group!
我估我入左超過10個媽媽gp
當中係有騎呢人的，但更多係互相幫助，認真分享、交流的媽媽gp
我係ftm，join左媽媽gp後識左好多新朋友，仲成日一齊約埋去玩添
其實媽媽group，以前咪同學阿媽果d，不嬲多人揾食，40年前咪一樣有傳銷，賣amway
賣嘢呢d最緊要定力夠
不嬲都唔鍾意一班人吹水，所以冇入任何谷。
朋友重質不重量，要問啲Google冇答案嘅問題我會直接喺論壇呢度問。
1個讚
我仲奇，從來冇人邀請我入谷，係咪一定要湊返學放學先有家長谷入
Join過初初啱傾，之後都覺得無咩話題
AQ水同普通水有咩分別?
其實好睇你好唔好彩，我入左個好黃，又無比較無廣告，全部都係正常人，我入左去真係拎到好多資訊勁有用
見過最癲嘅話個仔喉嚨發炎，俾少少AQ佢飲，嗰時應該未夠一歲