細仔在澳洲讀緊大學，舊年過年後二月頭驚封關怱忘番過去等開學，跟住澳洲封關，而家已經年幾無番過嚟。
其他朋友的子女都因改網上上課，大部份已經番咗香港，佢要上practicum 又要出placements 番唔到嚟，(封咗關番咗嚟，番唔到去)。之前放暑假一星期都講到一兩次電話，今年功課好忙，男仔又無咁上心，有時一星期都覆唔到一次signal, 掛住又唔可成日揾住佢。其實佢都廾歲，但係都好掛住。 
2個讚
做阿媽掛住仔女好正常，無論仔女幾大咁耐冇見都會掛住。
你唯有都係keep住關心佢，希望有時間識覆你
唯有開多幾次視像，其實男仔咁大有自己生活架啦，無咁倚賴父母是好事，你要自我調節下
我得一個仔，宜家讀小學，諗住中學開始送去寄宿，預佢可能唔返香港。
本來都覺得無咩嘢，但發覺疫情會令身處兩地嘅親人好難見面…
搞到我好矛盾唔知自己有無plan錯…
Hmm… 其實仔女咁細個就出國寄宿，風險都幾大；我識嘅一係比人蝦，一係掛住玩 (大啲就劈酒溝女開快車之類)，當然都有成功讀到大學畢業正常搵工嘅案例，但失敗嘅比較多，我識人大學讀咗8年都未畢業(bachelor only, 唔係讀PHD).
我老公唔想移民，我仔又成個鬼仔咁，我都唔知點安排係最好
等讀完小學再算
其實以前，佢都係好難揾到，不過幾個月番嚟一次，我哋放假又去吓，唔覺分開好耐。不過放暑假佢得閒D可以講耐D電話，呢兩個月開咗學，揾佢都唔得閒，signal都係覆個貼圖有D唔慣。個心孿住孿住。1
1個讚
無計啦，疫情太麻煩
就咁睇你仔喺果邊已經成功適應生活
調返轉, 我好掛住我呀媽。年半冇見過佢… 佢年紀大唔想打疫苗, 我個女年紀細仲未可以打疫苗. 都唔知幾時先至可以見…經濟唔係最要命, 我淨係驚兩嫲孫冇得再見. 而家希望可以盡快搵個中間點見面
多L謝黨
2個讚
最後一次見我屋企人係18年暑假佢地過嚟玩；原本19/20年返香港，而家應該有排都唔會返，我亦唔想我屋企人過嚟
今年都應該見唔到曙光
出年…如果歐洲疫情ok我希望佢地過嚟玩，我已經唔想返香港了
大仔第三年係外國讀書，可能已慣左，所以冇咁掛住，係第一年比較擔心。
今年9月到細女出去升大學，可能係女仔，我比較擔心她多d。
會掛住都合理咁耐冇見
連pre-U已經係第三年，其实佢自己係適應到，只係我掛住佢。
睇見哩個post, 令我好擔心好快發生係我身上，我仔快要過日本讀高中，只等日本開關就即走。雖然日本好近，好容易就飛到過去，但疫情下，即使學生過得去，我都有排冇得去。就算第日疫情完左，都只可能一年見幾次，其實真係好忐忑，心知道香港咁既狀況走為上策，但心裡總是很憂心，再加上想佢第日在果邊落地生根，心情更加唔上唔落。
2個讚
噚晚夜麻麻打咗電話比我，講吓無聊嘢，個心安樂曬。
4個讚
日本咁近。
以前香港住嘅時候一個禮拜見我阿媽兩三次飲茶。加加埋埋我諗每個禮拜六七個鐘左右。
搬咗嚟日本，佢隔一個月就嚟一次，我知逗留留兩個禮拜。反而親近左，同個孫互動多咗好多。
通常系佢頂唔順自己要返香港。（阿婆一樣）
所以你唔使擔心，你反而多咗藉口過嚟日本玩。
2個讚
媽媽掛住仔女真係好正常，以前我去exchange老媽子都會日日whatsapp我～不過另一方面，唔好單單打打俾壓力呀，會搞到人嫌你煩… 我媽媽都係whatsapp問下我食乜，咁多數我食緊早餐/晚餐個d時間就同佢facetime, 不如你都試下，見到之剩又冇咁易俾人覺得煩
1個讚
該主題在最後一個回覆創建後30天后自動關閉。不再允許新的回覆。