純呻! 唔知有無其他媽媽有共鳴......

你同先生講,星期日你可以full day 留係屋企休息,做自己鍾意既事,叫自己鍾意食既外賣。

至於小朋友,你可以安排逢星期日佢地可以有特別既entertainment,例如:玩某d 玩具、打機、睇戲等等,或者可以食少少平日無得食既野,總之就令佢地星期日享受同爸爸留在家。

煮餸方面,你其實只要買星期一至四既食材,可以星期日一次過做哂,蔬菜未洗可以放入密實袋保鮮。

個人滿足感方面,你可以期待逢星期五dress up 同先生出去二人世界,夾到時間可以接佢放工。同先生食飯唔一定要fine dining,買takeaway坐outdoor 都開心,仲安全d。

如果我老公係咁, 或者俾說話我聽, 我一定爆佢鑊金… (我火爆底).
啲男人好要面, 我一喺佢見前講吓我朋友個老公好好呀, 上星期帶咗我朋友同佢地仔女去XXX, 佢就會唔執輸, 做啲嘢攞返個彩. 同埋我都識得我老公嘅女同事, 有時都會傾吓兩咀講吓湊仔經, 我老公好怕被人知佢湊仔唔掂, 所以自從佢同事笑過佢湊仔啲嘢之後, 個個星期會主動一齊諗帶啲女去邊度玩.

而家嘅小朋友比起我地嘅年代聰明咗好多, 2歲開始帶佢地去多啲地方吸收新知識好重要, 唔係要佢地記得佢地做過乜, 而係要多啲stimulants 刺激佢地腦仔發展, 越早訓練小朋友用腦, 小朋友學嘢就越快越叻, 我相信過咗黃金時期, 小朋友嘅潛能就越難開發

如果咁我會自己1:2!
帶落附近公園試下先!
再試下遠啲,慢慢黎!
真係可能男人懶架!又如何?日日等佢同意?No way!

我老公都有陣時話我帶啲細路出街食lunch!
所以我決定出左都唔話佢知:rofl:

大佬!日日係屋企好悶架!
返學冇時間出街食lunch(直接返屋企易啲)
咁放假又唔可以出?唔理啊!出少啲,唔係唔出!

呢樣真,我fd個女4歲都無搭過飛機。見我個2歲囡去完外地旅行返黎好似識好多野,就說佢老公出門。果然,係香港學極唔識既野一出門即刻unlock skills, 佢2公婆好驚喜,由一年去0次旅行急升到5次,仲多過我地。

我問返呀囡佢細個去旅行記唔記得,佢係唔記得既,但好鍾意睇返自己既旅行相,好開心架。

所以一定要行萬里路

小朋友真係要多d帶唔同地方探索。

我老公返輪班,我都係放平日,所以放假盡量帶佢去唔同地方既遊樂場、博物館、草地、商場、圖書館、沙灘,有一半時間都係得我同呀囡,又可以影下相。老公會Join ,但很少主動帶佢去咩地方玩。

男家個邊好擔心疫情,通常會去返娘家順便出街。個人認為做好衛生,同埋會perfer 野餐好似安全d。因為我都擔心真係有咩事會責怪我。

一拖二真係有難度,可能推BB車去下超級市場先,再一步步黎。

我男家嗰邊又係咁,緊張大師嚟。以前過嘅就真係監控式嘅生活

呢個真係! 而家D小朋友真係好醒
我好同意佢地唔係要記得做過D咩, 只係想佢地接觸多D
會唔會啟發到D咩我唔敢期望, 只係希望佢地接觸下, 唔會話咩都驚都好

佢地未夠一歲個陣, 我地都試過同佢地去搭飛機去外地探親
其實都體驗左好多野, 個陣未有疫情, 去過游水, 去過人地好多小朋友設施既老麥玩
我地間唔中會比返當時拍既片佢地睇, 佢地都好開心, 話要去
其實真係唔知佢地記唔記得, 但見到佢地開心, 乜都抵返

佢地呢個年紀, 一打二對我真係有難度
我而家就試下一打一先, 今日帶大孖, 聽日就帶細孖

其實出左唔話佢知, 我呢招都試過
都有試過屋企人唔小心爆響口, 個晚我受哂氣
真係講又死, 唔講又死 :confounded: :confounded: :confounded:

老實講, 佢肯 JOIN 就得架喇
不過如果真係二打二, 好難真係就咁 JOIN 既
都要幫手湊下

我理解佢係真心擔心疫情, 猶其係而家又話有印度個隻變種
但講真我真係覺得疫情係未來一年都會繼續
大家都要繼續生活架啦, 改變唔到疫情咪改變下自己出街既習慣

野餐, 我唔敢諗 :sweat_smile: :sweat_smile:
我淨係話去海濱(唔駛除罩食野)比D小朋友跑下佢都話搞唔掂喎 :expressionless: :expressionless:

佢咁煩㗎,叫佢又唔肯去,你自己去佢又黑面:roll_eyes:

比我就唔鬼理佢,佢咁鐘意黑面,咪自己一個喺屋企黑飽佢,我自己和小朋友開開心心去玩。

感覺上只係男人懶嘅藉口,除非佢平時自己係極注重清潔,街又唔出,狂噴狂抹,我先會信佢係擔心武漢肺炎。

1個讚

唉~ 唔想嗌交/冷戰, 我好怕個種感覺

好矛盾, 屋企佢絕少搞衛生
但確實佢真係自己唔出街, 講緊佢 HOME OFFICE 左差唔多成年
除左落街買飯個D, 佢又真係可以一路都唔出街

咁平時你一個睇兩個?

咁佢成日留係屋企,真係想落街都難