你岩， 愈大愈難學識
我自己阿爸都無教我踩，後來去渡假營自己玩玩下學識咗
唔駛佢陪玩仲係到唔高興？好果係我老公我爆左佢好耐。我對住我老公我都想反白眼，不過佢識做，如果係我帶佢唔會出聲。
其實俾小朋友explore係好，由公園開始，之後去下不同公園、野餐。我仔讀小一都只去過Disney一次，都係我同佢同其他朋友去但佢而家仲記得，兼期待下次再去。
咁佢有佢講，佢自己發嘮騷就算
男人的想法：
- 唔洗咁貴出街影啦，屋企影都一樣開心
- 唔洗咁早報幼稚園 N 班，咁細個開始讀書咁慘
- 點解報咁多面試班同興趣班搞到咁忙，到時候一定有書讀
- 小學啲考試好簡單咋嘛，溫一次都識
- 都冇唔合格，70 分都升班，到時候中學就會開竅努力讀書。
女人諗法：
- 唔可以錯過 BB 可愛回憶
- 當然要揀間好嘅幼稚園，可以兩文三語學習環境
- 唔報啲班，點考小學。一陣入左寶校喊三聲。
- 溫一次點得？都唔專心，一定要溫起碼三次，錯別字、串錯扣好多分。
- 繼續70 分嘅話，點樣入啲好中學？排得咁後派埋啲 Band 3 爛仔學校就害左啊仔。
4個讚
唔知樓主老公發脾4既點係咩。佢話要尊重要商量，但商量完就係唔出去玩全人類stay home 係唔work，ban 完又唔提出大家都OK ge alternative 即係講廢話。
如果佢想得到尊重，就要動下腦筋諗下點樣舒服安全又可以比小朋友放電。否則老婆揸旗唔好黑面，係佢自己諗唔到solution, 唔好嬲人。
我睇過某篇文提醒唔好做一個打死結既家長（簡單來講唔識problem solving ）。樓主要加油，唔好受老公情緒影響，因為你做既野係岩就OK, 無人可以話到你。
我真係好唔想嗌交, 生完小朋友之後其實成日都嘈
每次我見到D野唔滿意, 我出聲之後, 佢會廢UP一大輪解釋, 我聽完又唔抵得頸得返佢
久而久之我想避左呢D交, 只有忍左佢
我明白長遠來講唔好, 但希望小朋友大D之後會有改變
1個讚
其實我係唔介意同老公爆，因為我爆完，佢就知我條底線係邊。佢以前湊仔係「君子動口不動手」，於是我有次忍唔住話佢，一係你出手湊，一係收聲，尊重我既諗法。自始佢就收聲
我生完大仔之後情緒好差，就係因為佢繼續工作，完全冇諗過咩family day等。自從我改邊心態，當自己係偽單親，我成個人情緒就好好多。我而家係同小朋友安排好節目，我只會知會佢，佢鐘意就嚟，鐘意係屋企OT就算。佢將來錯過親子時間，後悔就係佢既事。
1個讚
我身邊所有父母既寫照 
好概括咁講︰
男仔多數係中學先發力(數理科)，所以佢哋唔覺得小學需要咁緊張
女仔著重語文，語文需要由細培養，所以幼稚園已經要著重教育
男仔工作著重職級，搵幾多錢，呢啲同由細培養冇乜關係
女仔工作著重細節、責任感、靈敏度，呢啲習慣要由細培養
香港男人搵錢多唔多唔緊要，你娶個香港女人點都會同你捱，公一份婆一份，有錢既供樓，冇錢返阿媽度住，老婆忍到就得。所以細個讀書勤唔勤力真係冇關，佢自己有錢買車買模型買玩具就得
香港女人由細到大喺學業上喺職場上都被訓練唔好靠男人，幾公主病都好，基本上都有工作同獨立能力，細個努力讀書就自然不過既事
不喜勿插
暫時來講, 我對小朋友成績未有咩要求, 畢竟佢地仲係細個
我作為在職媽咪, 我想花多D時間陪小朋友
當然亦都想爸爸一齊參與, 唔好樣樣都只係我去張羅
張羅都唔緊要, 唔好 BAN 完我之後唔比任何其他意見
唔淨只講出去玩, 教養都係
我會覺得如果佢認為我教個一套方法唔 WORK, 唔好淨係 BAN, 佢自己都試下教下
唔好淨係話覺得佢地點樣唔好, 我都係第一次做人媽咪, 我都唔識, 我都係樣樣都試下學下
佢每次一 BAN 其實好打擊我, 個一刻真係好鬼慶
我每諗一個項目或者做一樣野, 都要諗下點講佢會易接受D (我只係想做一D對小朋友好既事, 但搞到好似求佢咁 ><)
咁多位媽媽, 唔好意思, 又 OFF TOPIC
或者我忟, 我唔開心, 係因為係呢方面同先生傾唔掂
同埋我自己玻璃心, 呢D打擊都頂唔住
人人都話為母則強, 可能要學識篩走呢D聲音, 等自己舒服D
係香港生活已經好唔簡單, 最基本希望佢做一個好人, 可以養活到自己就得
所以而家我都唔一定要佢地一定要返學
只係見佢地而家呢個階段似乎咩都要比小朋友玩下試下咁
所以先會報一D PLAY GROUP 比佢地邊玩邊學
一樣呀
想請教下點教小朋友玩平衡車？買左架個女玩左兩次，知道會跌就唔玩
如果咁樣真係好少好少嘅要求，同老公再傾吓。
叫佢幻想自己日日困係屋企四道牆，就明小朋友有幾悶
同埋對小朋友嚟講屋企睇嚟睇去都係果啲野、人，刺激佢地小宇宙都好有限。
我明白你。
我耐性低，教小朋友做功課成日都燥底（唔係小朋友問題，係我真係耐性低，改善緊），老公有話過我，咁我真係燥。。。就俾佢教功課，佢教得好好，我唔介意佢話我。
我都係咁諗。
至少你肯學同學識了
原來好多人唔識
你老公真好！參與度好高
起碼佢肯定做一樣，用佢自己方法有效
希望我小朋友大啲，我老公都肯咁做
出遠門係好辛苦既，如果你有駕車就好d
我建議你同先生協議每星期regular 一個時段帶小朋友去你地住個區既大公園野餐，買外賣都得，佢做多幾次就慣。
安排每週時間表可以break 開7個sessions：
我舉個例：
星期五晚上：
拍拖二人世界
星期六早上：
同四大長老見面（飲早茶）
星期六下午：
帶小朋友去公園野餐
星期六晚上：
同四大長老見面（食晚飯）
星期日早上：
先生在家中休息＋照顧小朋友
自己私人時間（e.g. 做facial、做運動、同朋友見面etc.）
星期日下午：
準備下星期（e.g. grocery shopping，plan timetable etc.)
星期日晚上：
家中休息，準備明天上班
1個讚
你個 schedule 好值得參考呀 
等我認真研究下先
希望 plan 完既野，佢真係肯參與
1個讚