係咪我錯覺﹖點解都覺得幾多人怪貓主﹖明明係柴犬咬死人後仲講句冷血無情說話︰我隻狗一向咬貓(咁上下)，然後不顧而去仲潛水喎
狗主多人鬧d
可能係狗主朋友撐，轉移視線，有啲人跟車
1個讚
喺天下貓貓好多人撐貓主，但其他群組就有好多人會話其實貓主都有責任，唔應該怪哂狗主！連古道都喺fb出post，話就話中立，但聽落都係撐狗主！
呢件事,狗主一定最大責任!!!
見好多人都好涼薄…有D仲話個主人要照顧貓就唔好番工
成件事錯晒…唔通我帶得出街就要預比狗咬死??
6個讚
狗主要負全部責任
隻貓貓死咗佢最初仲不停喺度upload IG Stories不知幾開心
人渣嚟，NANCY 味濃
對狗主仲要唔係初犯,同場有人亦被咬傷
之前出席其他狗聚都有咬過其他狗
毛孩有行為問題,做主人唔教,亦唔做預防措施
呢個一定係主人的錯!!!
講追究,其實最怕係最後要狗狗承受
可惜個主人仍然係態度唔好
真係幫唔落
貓貓慘,但狗狗亦可憐
5個讚
我覺得係狗主唔岩
唔係呀，關個貓主乜事呀…點睇都係狗主唔啱啦
我隻狗不嬲咬貓，痴q線…乜q人會撐狗主？
正確來說，兩邊都有責任。
只不過，狗主個責任大D
女貓主指柴犬試食時 貓B被兩狗追咬
寵物展柴犬咬死貓B的事件再有新進展。被咬死貓B「卷卷」的女主人Gloria前日（20日）接受香港電台節目《日常8點半》訪問時透露更多事發時的細節，原來當時正用斜孭袋裝着貓B工作的Gloria，正讓四隻柴犬試食狗糧。正當牠們試食時，其中一隻柴犬因而突然哄前將頭伸入斜孭袋，從斜孭袋將「卷卷」擔出來。
Owoh 編輯小隊 | 2021年04月22日更新
寵物展柴犬咬死貓B的事件再有新進展。被咬死貓B「卷卷」的女主人Gloria前日（20日）接受香港電台節目《日常8點半》訪問時透露更多事發時的細節，原來當時正用斜孭袋裝着貓B工作的Gloria，正讓四隻柴犬試食狗糧。正當牠們試食時，其中一隻柴犬因而突然哄前將頭伸入斜孭袋，從斜孭袋將「卷卷」擔出來。
就在此時，Gloria稱圖打開柴犬的口將貓取出，混亂之間貓B跌落其中一架寵物車內，另一隻柴犬隨即再揈貓B，Gloria於是再從第二隻柴犬口中將「卷卷」救出，救出後當時Gloria對已受重傷的「卷卷」發呆，眼白白看着「卷卷」最後掙扎中死去。她重申，希望涉事狗主，要學識如何訓練自己飼養的狗隻。
有網民事後直言聽罷貓主接受訪問後認為，貓主也要為事件負上一定責任：「講得好清楚，自己手上有食物，畀柴犬試食。但柴犬見到貓主心口的貓，就去咬貓。你畀得佢試食，你就預咗佢除口罩了」，另外亦有人為涉事柴犬抱不平：「手上有食物餵緊狗，狗知道可以食嘢，其實點怪得晒隻狗，點會估到有人放貓B喺袋打開袋口去餵生保嘅狗。」
但有更多網民質疑，當時狗主是否一直對狗隻咬貓未有任何阻止，才導致貓B最終致死，更錯的是他們事後一度疑想離開現場、不顧而去，因此仍要負上最大責任。
事源寵物節於本月18日發生柴犬咬死貓悲劇，涉事女貓主Gloria在網上聲討不幸遭遇指，當時用斜孭袋將未斷奶貓B放在其胸前、並帶到寵物展現場工作，惟同場一男一女的兩架寵物車攜帶的四隻柴犬，其中一隻被指突然將頭塞進斜孭袋，並發狂咬狂揈貓B，導致其當場斷頸身亡。被咬死貓B「卷卷」的女主人Gloria事後不接受狗主的解釋，更批評對方「好不負責任，到依家都仲講大話！」事後警方介入調查事件。
港台《日常8點半》訪問：https://www.youtube.com/watch?v=sBbJyhcB4WM
可能隻狗當左貓b係平時玩嗰啲毛公仔，想咬出玩，貓b又叫，跌落狗車其他狗自然就搶住玩黎fing。
我獸醫教過我唔好買呢啲會bb叫既公仔俾狗玩，係間接訓練狗打獵模式。
我都曾經親眼見過大狗咬死細狗，一咬中頸一fing過程只有3秒。
千祈唔好俾體型相差太多既動物咁近距離。
2個讚
真係唔知咩邏輯？！
即係我請小朋友食糖， 佢唔食走去咬我隻手， 我請佢食糖係我抵死， 咎由自取。
或者我著低胸衫， 預左俾人強姦。
或者咁諗，我抱住個未滿月既bb仔，會唔會咁近俾4隻唔識既中型犬哄咁埋？
貓主危機意識唔夠強，狗主唔負責任係事實。
如果我當年冇親眼見過，我應該都一樣冇乜危機意識。
鬧完之後應該從錯誤中學習，感謝貓b用佢生命為我哋上咗一課。
點都係狗主唔啱十倍，我冇辦法想像啲人仲blame貓主，一條生命呀
上面我講嗰單，個咬人狗主有陪受害狗主去睇獸醫，道歉加賠錢，個狗主冇要到。
但事後嗰隻殺狗的狗主依然係冇帶口罩出街，繼續係街咬人啲狗（獸醫講）
呢種狗主直頭係仆街，相信亦唔少。
長氣啲我再講下，可能大家都唔知，某啲平時好可愛對人好nice既犬種，臘腸Mini貴婦哥基柴犬法虎雪橇，都有追咬小型動物既傾向（小型犬貓雀老鼠青蛙），唔係隻隻會，但比例上大啲。
佢哋有啲未必會一見到就咬，有食物/環境刺激時就好易觸發。
呢啲係獵犬基因或者天性，我相信冇乜得教，你教唔教到隻貓唔玩曱甴？除非本身有一齊生活開，否則佢主人話唔咬你都千祈唔好信。
以上又係我相熟獸醫講既。
講不負責任狗主講左成千年，真係由我做女嗰時到以家都冇改善過，出街唔執屎，唔綁繩，由9佢亂吠，咬人咬狗。
我已唔會對佢哋抱任何期望，只能夠小心啲保護好自己隻寶貝吧。
1個讚
真係估唔到，
成件沉曬！
該主題在最後一個回覆創建後30天后自動關閉。不再允許新的回覆。