純粹有感而發
啱啱lunch時見到一名斯文女士餐後大大聲打嗝
真係好嘔心
點解咁多人覺得放屁好尷尬 而又唔覺打嗝尷尬？ 都係有氣體由體內排出 
N年前 又係外出用餐時附近阿伯成餐飯不斷打嗝 我衝左入洗手間嘔 
雖然話呢啲係身體自然反應
但係聲線＆動作絕對可以自行控製到
坐我隔離嘅中年男同事都會
基本上日日都會聽到無數次
大聲細聲都齊 好嘔心 又唔會遮一遮/控制下
搞到我日日都要塞住耳仔聽歌/電台，掩蓋下啲核突聲
好慘呀 仲要係隔離同事
有無得講電話時暗串下佢呀 🥲
最慘係打嗝唔遮口,一樣聞到口臭味! 
話說我老公都會係我面前放屁…好啦, 我都有試過唔小心係佢面前放, 但故意同無心真係有好大分別囉.
🥲 係 近的話都會聞到口氣
1個讚
係呀！真係可以控制到架喎
我連打乞次都係細細“吱”一聲 “
見到啲靚女打乞次大聲＆大動作到呢… 我就會諗 係唔係特登架 
我覺得一樣
啲老屎忽嚟～仲有好多核突嘢
若味道，我會接受打嗝。
因為過程上無經過大腸肛門。
但我唔鍾意打嗝大聲。
放屁真係難接受，可能自己小朋友日日放屁都覺好臭，若大人放屁真係OMG同埋呢啲味幾遠/幾耐都會聞到個浸殘留不散既味。
我打乞痴好大聲，同埋唔知點解人越大打乞痴越大聲，我都好怕係出面打乞痴因為一打打成十幾個乞痴，用紙巾暗住打乞痴我會打到成塊面都衝晒血眼淚鼻水都出晒黎，同橫隔膜抽筋。
我先生都打得好誇張 成個身向前中 又大聲
我真心問佢點解可以咁 佢都答我唔到
同樣地 我都唔識答佢點解我咁細聲
我打乞次唔會張開口 只係好細聲“吱”一聲
不過 都有人話咁樣唔好 唔太記得點解 類似谷住爆血管果啲
我以前有個同學成日都打嗝，佢話係佢胃有事控制唔到，或者可能人地都唔想
樓主會唔會有少少精神潔癖？
1個讚
打乞嗤、打嗝、同放屁一樣，其實係控制唔到咖喎，開頭夾硬忍住，只會之後來得更猛、更核突
。唔明樓主點解話控制到，可能你根本就來得唔厲害，咪以為控制到囉。最多做到打乞嗤、打嗝時即刻用手掩住、或者夠時間又順手就攞紙巾掩住。放屁就真係無計，太頻密太嚴重就只能睇醫生解決腸胃問題
其實 開口/合口打嗝 已經在聲浪上好大分別
仲有打嗝（burping）& 打嘶嗌(hiccup)應該有分別？
前者一次性
後者連續地
之前已提到
我先生都係好大動作打乞次 而我自己可以超細聲而無動作
大家都解釋唔到點解 可能唔同身體機能
個同學唔係打嘶嗌，係真係打嗝，隔分零兩分鐘就會嗝一聲咁。
希望你舊同學能夠得到適當治療
不斷咁打嗝自己都辛苦
打嗝都好核突啦，明白係控制唔到，但至少都要掩口/擰側面，同講聲唔好意思
該主題在最後一個回覆創建後30天后自動關閉。不再允許新的回覆。