真係唔知可以同咩人呻, 因為件事loop完又loop, 隔一排又再拎出黎講…所以想係度借個位呻下 
現時情況係我同老公2個人住, 我大緊肚, BB仲有幾個月出世;
老公呀哥同佢老婆有小朋友, 係奶奶湊緊, 奶奶平時會係佢地屋企訓+湊孫, 間中先返返自己屋企.
老爺就自己一個住係本身係奶奶的家, 老爺平時會去呀哥果邊見下同玩下孫…
我地幾家人都係住係同區的。
咁因為我就黎生BB, 唔知點解老公呀哥一家, 就好好心地咁, 覺得不如大家一齊住(夾租村屋之類)方便奶奶一次湊幾個孫。我當然係極度唔想, 先利申我唔係討厭奶奶, 亦唔係討厭呀哥一家, 但相信各位JM都一定明白冇人會想同男家既人一齊住…生活習慣一定唔同, 亦唔會同自己私人空間, 加上奶奶好鐘意叫我follow佢大新抱(好似佢大新抱懷孕時食咩supplement, 佢都會叫我跟佢食, 即使我已經表達過我食果隻牌子食左唔舒服, 已經轉左另一牌子的supplement食, 其實都係果D野, 只係不同牌子, 但佢都仲係會話佢大新抱果隻好好, 叫我食, 當然我唔會理佢 ; 佢又會話佢大新抱生BB都係去公立, 我話我會去私家佢好似好shock咁, 不停講佢大新抱都係點點點, 我話因為我想打無痛分娩佢又去問大新抱果陣有冇打, 我真係唔明點解我下下要follow人地? 我唔可以有自己決定嗎? 當然呢D我都只係當耳邊風我唔會正面同佢衝突由得佢up下就算), 所以因為咁我真係非常唔想同佢地一齊住, 我唔想我日後的路, 我點樣湊BB, 我點樣教我小朋友, 我都要去follow人地果套, 同埋我真係好想有自主的空間, 有私人的空間, 想一家一主。
其實我冇奢望過佢會幫我睇BB, 我明白佢而家已經湊緊孫, 分身不暇, 我絕對可以理解。我已經同公司商討了之後我的工作安排, 我係可以flexible working 同埋在家工作, 而且老爺因佢而家都唔駛湊孫 (佢只係日間去老公呀哥屋企玩下孫)所以佢話之後可以黎幫下我, 我媽咪亦會有時間就黎幫下我。所以我覺得大家無需要去到要一齊住的情況。
之前老公呀哥佢地已提出過幾次之後一齊住, 方便照顧之類, 我奶奶亦有附和, 我一直係冇出聲, 但我絕無表示同意, 我亦已同老公強烈講過我的意願。老公明明之前話唔會逼我, 但佢又會成日拎出黎講, 話我先入為主, 一早認定同大家一齊住會有問題, 覺得我唔肯去為成件事而妥協, 我真係好唔開心…因為我知老公都係想大家一齊住佢覺得咁樣對overall件事係最好, 雖然每次我好強硬地表達完我意願後佢都話唔會逼我, 但佢間唔中又重提呢樣真就令我覺得好傷心, 覺得佢都係想逼我…
仲有佢呀哥一家, 雖然我之前冇明確拒絕 (唔知點開口, 而且佢地根本唔係問我意見, 佢地只係話 “我地可以一齊租邊度邊度, 點點點”), 但其實我諗正常識睇眉頭眼額既人都會知道, 我唔出聲唔附和即係唔想/有保留啦? 真係唔明點解佢地仲可以間唔中拎返呢樣野黎講, 有時佢地真係突然到, 我都呆左唔識比反應。例如最近佢地講起遲D可能會搬, 咁佢講佢地可能會搬邊度 (都係同區), 咁佢地講既地方係呢區比較貴的地方, 可以話係豪宅, 咁我就搭句口話嘩xxx呢度都貴架wor, 點知佢地就突然話 “都唔係架…其實我地夾份就可以租到架啦”…我果下真係呆左, 唔知比咩反應好, 我真係覺得好煩擾…可能佢地只係隨口up 當秘笈, 唔係認真, 我唔知, 又或者佢地係認真, 我都唔知, 但每次呢個話題後就帶比我好大壓力, 訓都訓得唔好會發夢夢到大家真係一齊住後既事…我覺得佢地好control freak, 同一件事要不停拎出黎講, 見一次講一次, 比我感覺係點都要講到我順佢意為止, 我真係覺得好煩…好唔開心, 我覺得好似全部人一齊逼我一個咁…
呻完, 多謝大家.
(老公而家相信會話下我, 但佢都話唔會逼我)