今日聽左個youtuber講，教育點解比一班人壟斷，點解只有津校和紅底的私校？
本人因爲家庭問題和經濟問題，真係過唔到英國，但諗返呢個youtuber講，其實香港人係有能力自組學校類似home schooling 嘅課程，只要組到小學直升返中學，然後自行報公開試，或去外地讀，都可能係一條出路。
阿女今天k2, 今日同老公傾唔掂數，我開始揾有無呢類非主流學校… 奈何無選擇
Ps. 我真係好驚阿女大個變小粉紅，批鬥佢阿媽我
機會微自組中小學
只能搵d有心辦學既學校已經好好
香港要 home schooling 好高難度，因為有強制入學令，除非入直資、私立（本地或者國際學校），否則你基本上入唔到官津，因為冇呈分。直資私立都會睇你小學成績，唔係咁容易收你。
咁既然如此，倒不如一開始入直資私立。
1個讚
依家私校都玩國安日，真的不敢想像。
想試下去國際學校，但原來係紅底，唉… 香港嘅小朋友真係好悲哀
所以先諗起home schooling呢樣，但你提醒左強制入學
2個讚
香港係有現成家長自組home schooling，google一下香港 home schooling就有。當然呢班家長係唔係同路人就唔知，但樓主講既理論上可行
1個讚
有國際學校唔係紅底，尤其是無咩香港人同中國人讀既學校
行另類收費更高、分分鐘貴過你去英國呢
你睇下果d自然鄉郊學校、早幾年我搵過、要升學就要呈分跟制度、除非預左高小走
1個讚
你岩…
目前起香港要辦學，首先你要有地有資金，學校地址，牌照係政府批比你，所以學校冇咩錢的話，冇得自己話曬事，冇得唔聽政府話。
亞洲人教育制度係唔會接受 home schooling, 還有一樣嘢你要考慮，係小朋友成長過程少左好多朋友，無哂群體生活。
就學業和考試為本為大前提，中學唔返學，返補習班，自修係可行，但路一個人行就好孤獨。我中學學過咩我已經還哂俾老師，但上堂點玩，與同學做嘅好或壞事，依家大家講起就好好笑。
我以前美國舊上司係一個 home schooling 好例子，一家 4 口，兩個小朋友，小學唔返一年學，而父母停工一齊去歐亞澳北極幾大洲在 facebook 寫左個 trip record, 去研究各地環保，生態問題。呢一年遊歷學校當佢地讀左一年書，返到學校唔使留班。勁 ！ 係美國先得。
2個讚
而家咩都砌生豬肉，如果有人自製非主流歷史教材，人小小自用都還好，如果發大咁公開搞home schooling都可能俾人告
所以如果有外國手足可以做到教材，我諗真香港家長唔介意課金同自己起屋企教
英國政府講左會係英國小學教，到時可以借黎用
英國教香港歷史？
砌生豬肉呢下真係好黑人憎
乜都可以萬能key
辦學要有金主，樣樣都係錢，政府津貼得好少，校舍維修都係政府俾錢。想更新吓電腦，增加教學資源，一係搵校友捐，一係搵辦學團體。邊間學校無辦學團體。
屋企自己教英國教材，我突然想起進擊的巨人，童年 Zeke 都係學校教一套，父母又教另一套。
係、已經說了、會教港英歴史
香港係有home schooling。朋友持外國國籍，自己教番外國課程，有自組network，好幾個家庭齊齊攪活動。
朋友仔女，直頭已讀大學，考IB的。
但前題，要家長自己教到。同埋香港家庭子女係唔可以home schooling，除非向edb申通獲批。
香港教育條例複雜到嘔, 自己辦學唔易架.
記得以前港台有做過，家長堅持 home school，但入學令之下都要暫時屈服送住仔女返幾日學。獲批嘅家庭唔多。香港有能力搞嘅人多，但唔係個個都有能力教。要自問自己有冇能力搞掂六年級所有科目課程，甚至超前？比著我教數學，中二三我已經盡頭，中文嘅話，4 年級以後我就搞唔掂。
另外都要考慮小朋友性格適合與否，可能小朋友自己係想返學過校園生活？而且洗嘅錢唔一定少啲。獨生仔女嘅話，家長一定要更加落力推動群體生活。