例子1
晚飯已經食到尾聲
99問我:你食夠啦？唔食多啲?
我:我食飽啦!
99:點解呀？
我:飽啦！
99:點解呀？
我:飽啦！
我真係唔明食飽點解都要問點解，仲要問幾次
例子2
有一晚99叫我裝飯食，我話我好小食飯，食餸夠，佢就話要食啲飯先得架，人要有飯氣，我話我食餸就夠
到左另一晚，99直接叫c6裝飯食(c6有同我講過天氣咁熱，唔係咁想食飯，仲叫我平時唔好日日煮，有時煮下麵)c6即刻去裝飯，仲分左兩啖俾我
點解煲左飯就一定要食飯?如果當晚係煮麵(有時99都會煮麵)，無煲飯咁點?個人無飯氣係咪會死?
例子3
嗰晚食完飯有榴槤食，平時我都係食一舊就夠，當晚我都係食左一舊就收手
99:食一舊咁小，食多啲啦
我:我夠啦，平時我都係食一舊咋
99:點解呀？食多啲啦
我:我唔食啦！飽啦!
99:食啦！仲有呀！
我:真係唔食啦，一舊就夠
99:哎吔!仲有喎，食多啲啦
我:唔啦！唔食啦！你食啦！
99:食啦食啦！我地早兩日都食左架啦
我:唔食啦
無限loop…
我咁大個人，食幾多夠飽自己會知，成日都迫人食野，佢自己又唔食，話左飽都要叫人食
強迫症 
似乎佢都幾關心你喎
呢啲說話平時我媽會咁同我講
咁佢都真係好錫您，驚您餓
太熱情就變在囉嗦
其實你99都幾簡單…好事嚟…
佢有佢迫，我有我唔食
因為我99都係咁，對於老人家嚟講，佢真係唔明點解可以唔使食飯
仲有半碟菜，佢可以話「食埋嗰幾條菜佢啦」
食飽唔想飲湯，佢會話「水嚟之嘛，唔飽架」
佢真係出於關心你，我有時都會用返佢呢啲招數迫佢食野，佢自己就會喺度笑
其實佢真係一個好簡單既人，不過有時真係簡單得滯，講野唔經下個腦先，想講咩就講咩，唔會諗下人地答佢既野，所以有時覺得佢好煩
睇黎佢好錫你丫
好彩我99食得少過我通常叫我食多啲嘅都係啊媽～
下次話自己減肥得唔得?
無可能，佢成日話我瘦，仲話佢自己唔係好肥，但係佢完全係肥c9身形
說穿咗就係佢想你認同「佢唔係好肥」囉
係錫新抱表現。
我姐夫黎食飯我媽都係咁叫佢食嘢，
有時會直接夾啲餸去佢隻碗度。 
有時直接叫佢哋帶啲餸番屋企食。
我唯有唔出聲
可能係啦！但係我真係飽嘛
其實我覺得好難，
你要拒絕得黎要顧及對方感受。
我明白既。
因為我媽媽有時都係咁。
一番好氣語氣唔可以太過份。
都係純粹呻下啦！
不過見咁多人話佢係因為鍚我，我個心舒服左
哈哈 我明
我奶奶都係咁
拒絕佢又有啲唔好意思呀
但真係食唔落
依個係錫你嘅表現
因為我爸爸就係咁，
我媽媽好心問下佢你飲湯未。
我爸：頭先咪飲左囉。
呢啲態度答，人哋聽左會唔舒服。
你99唔係你親媽媽。
態度客客氣氣回答就好。
我唔係想話教訓你，只係感同身受。