樂小姐賞識你,係因為佢地而家想要哂VIU d人囉… 初心去左邊?
藝人關嘉敏憑ViuTV節目《全民造星III》知名度飆升，近日成為廣告寵兒，而於無綫官網最新資料顯示，竟發現她「倒戈相向」，正式簽約加盟旗下。
據悉，本身是「天盟娛樂」藝人的她，今次其實是與邵氏簽約，日後將由兩間經理人公司共同管理。談到加盟無綫，她直認不諱說：「簽約係天盟娛樂安排嘅，咁Tommy Chu（天盟高層）介紹我畀樂小姐（樂易玲）識，樂小姐又賞識我喎。依家簽咗約，梗係希望向劇界發展。（最想同邊位藝人合作？）師兄陳展鵬，佢主演嘅劇我都好欣賞，掉番轉佢又加盟咗我本身嘅公司，日後有唔識嘅嘢可以向佢請教。」她指即使有新方向，亦不會放棄唱跳方面發展：「話晒唱歌同跳舞都係自己喜歡嘅嘢。」
跟著佢D知名度就會消失
佢之前好似己經係撈極都唔紅
呢D人早走早著啦
真心而家有d 睇佢唔起…本身都覺得佢ok…
其實viu唔多藝人,本身仲易紅,仲揀去咁多人,又唔多比機會人嘅地方
心態？
目標係想紅，要做大明星咁紅，唔甘於只係小小出名。
Tvb淨係啱啲老人家睇，佢哋淨係識睇流行經典50年，懷念四大天王， 後生女走過去 ，佢哋永遠唔識欣賞 ，好快被消失。
係囉，咪比佢走下囉，話唔定cctvb 真係捧紅到佢呢,
不過大台咁多差唔多類型藝人，會唔會仲難突圍
因為人家要登台搵錢，馬拉、越南呢啲地方都仲好多人睇 TVB，冇人睇 Viu，Viu 只係紅到香港、頂多係澳門同埋廣東省，market 太細。
可能人哋恨左上流行經典50年好耐呢
全部老野，冇人同佢爭恭喜
Now 都唔係好嘢
不過我想TVB執先
你又唔怪得 Carman , 佢輸左俾葦船入唔到十強條氣應該好唔順，我個人觀點係佢好啲啲，不過輸就係輸，佢呢啲係sell 樣 sell 身材，唱歌就一般，女人青春有限，佢要搵出路就要搏一搏，返唔到轉頭，就算 Misha 入到十強，啲歌又得，都有時彈出彈入大台，不過，misha 年紀再大啲可以走實力派，同大台保持距離係明智嘅。
Viu 都無可能捧到咁多女，我都無資格罵佢，佢一句 '你養我呀！" 我都無嘢好講啦。
TVB咁多年黎都用呢招，對亞視都係咁架。
對明星黎講，先唔講紅唔紅，出手俾多d錢既話，兩間公司佢都唔紅都好，起碼有錢落袋。
package 好d?
我覺得好似轉工咁咋，走完又唱衰再返去咪仲老土
其實佢個樣咁邪花真係啱tvb啲觀眾口味咩
ali / fala 都係咁樣出位
錯了錯了．．．我相信大部份想做明星嘅女終極目標都係為咗釣金龜做阿太, tvb 出名幫有錢佬扯皮條, 班有錢佬又鍾意娶啲有少少名氣嘅姐仔做老婆, 留喺 viu 埋唔到有錢佬身架
佢唔係同CY一齊咩？
我認為會兩極
》唔會再有香港年青人喜歡佢
》一聽佢個名就記得反骨
就算在大灣區都未必紅得起…
區內要背景紅，有紅到黑；要歌藝演藝，有國家級學院畢業生…