C6成日唔問聲我就約99食飯…
有時就直接係99面前打黎問我出唔出黎同99食飯?請問點SAY NO!
再唔係就幫我約埋99食飯先通知我, 但佢返工唔出席…
其實講左好多次佢啊媽好難頂, 食親飯9成都係到埋怨!
負能量大到長期睇精神科…
我為左避開自己屋企果個精神病老豆, 一成年已經出黎住擋房.
而家又要逼我同99相處, 仲成日話果個係你半個啊媽…
我心諗我冇啊媽啊爸都過得好好!
1個讚
睇到呢句，暈低！無啦啦乜野半個阿媽，叫你老公理智d 
睬佢都有味，唔去，直接say No，怕佢有牙？
一係照去，然後你食一餐，約佢同我自己阿媽食一餐，唔問佢/喺你阿媽面前問佢喎
唔係唔尊重佢阿媽，係佢唔尊重我我唔使尊重佢同佢阿媽!
我比個膽我老公佢都唔夠膽咁做，話我惡囉，吹？
5個讚
我阿媽都係佢半個阿媽
啲男人唔比佢受返一樣/double 唔知死
直接say No啦
「老公我今晚有野做，你同奶奶慢慢食，食得開心啲
」
再唔係，幫你老公約你老豆食飯但你唔出席，話曬都係半邊仔嘛
6個讚
佢好錫99, 佢覺得99對我地好好, 好幫我地, 所以佢覺得我都應該要孝順…呢排大肚心情唔好,我都用呢個籍口話唔見, 但佢今晚就係接左我上車, 臨食飯前一個鐘, 話已經約左99出黎一齊食…
有次我老公喺臨去佢媽屋企食飯前辣慶我，佢死得了，我話我唔會去食飯，直至佢氹我認錯為止(當然係佢錯)，佢知道一係我唔出現，一係出現但我會令佢比死更難受，所以佢即晒冧
我唔係覺得自己好威，亦唔係話下下要咁威脅個男人，但男人幾好都好，一定要比佢知你個底線，否則愈踩愈過
對佢仁慈即係對自己殘忍，我set到個底線一對一，佢唔會逾越
不喜勿插
4個讚
佢OK嫁, 佢頂得住任何人既負能量! 真係吹佢唔漲
好勁啊! , 我D朋友話我成日心軟…
一樣丫，同樣道理迫佢同你老豆老母食。如果佢覺得你阿爸阿媽唔係咁好，你咪話：咁我夠覺得你阿媽未好到你唔尊重我幫我約食飯，你又迫我？你又將自己喺嗰套迫落我度？
我條頸硬過把牛肉刀，對夫家冇心軟呢個字，無論老爺奶奶幾好，唔搞掂個老公一定吃盡苦頭
狠心一次，對方知你脾性反而以後少好多麻煩
2個讚
強硬的「停車，我唔去，想返屋企」
軟的「我想嘔，咩都食唔落，無謂令大家掃興啦」
最絕的，玩失蹤（我真係試過，嚇到我老公要搵我屋企人求救，不過真係要去到最後先出呢招）
你依家大肚，惡曬
如果第日生完想有好日子過，趁大肚好好利用，話俾你老公聽你都有你的認法，唔係一句「佢覺得」就可以自把自為
6個讚
佢唔介意同我屋企人食…佢俾99訓練到好忍得, 反而係我唔鐘此見屋企人…
我真係想試下叫佢停車, 自己返屋企…如果再係咁
佢唔尊重你已經死得，你想以後有好日子過一定要杜絕呢件事發生，否則你個bb第時一定借嚟做借口成日同佢阿媽食
1個讚
好明白！！
每星期一次返去同老爺奶奶食飯都係惡夢
我女唔知點解好抗拒佢哋
一返親去都扭計
跟住要睇佢哋面色好幾次都咋病唔去
老公都成日同我講，要當佢媽係我媽
我心諗，我媽先無咁唔講道理
不過我老公又真係好錫我媽
一諗到呢樣就唯有忍
1個讚
佢已經講明, 99可能會成日上屋企睇孫…因為BB係啊婆湊, 我答佢{上唔上得黎唔係我話事, 上黎都最好講聲俾我媽知囉…}
我同你CASE好似, 因為C6都唔介意見我父母…所以我都好難拒絕, 都係忍同埋呻下話下之唔去, 不過成日都俾到位佢入…
男人有時諗野好簡單，你口講唔鍾意但個身體又照樣跟佢同奶奶見面，佢會覺得無咩野啫
你真係要用行動話俾佢聽，你唔鍾意咁，唔可以因為佢好忍得，就要你忍埋一份嘛
再唔係，同老公講白少少，約定隔幾耐見一次奶奶，咁樣你有心理準備應該會感覺好少少
4個讚
明白, 我試下!