喊完準備收拾心情，慢慢放下，重新出發
想問下大家，如果有經驗，等個胎自然排出定用藥會好d?
醫院俾咗兩個星期時間我去等，但係又聽講早d 用藥排出嚟會對身體好d
同埋想問下大家，坐小月要點坐？
我果時9w,用藥排出嚟
因為我係突然出血入急症，先check到無心跳
第二日醫生就俾藥我返屋企排胎
坐小月都係食返多啲補血野
我果時無特別食補品果啲
都係我媽煮啲木耳果類俾我食
最緊要係放鬆心情
唔好太自責 養好身體
咁大會唔會難啲。
我果時就手術同藥都試過。
手術貴但就好似乜都冇發生過咁。藥就排果時真係堅痛。
我嗰時8w走左，醫生建議做手術，清得乾淨啲
人哋做完可以即日出院，我出血比較多，醫生建議住一晚，第二日都正常出院
返到屋企坐咗7日小月子，同坐月冇分別，都係食清淡，淨休為主，醫生千叮萬囑唔好食當歸果啲補品
等到啲惡露清晒，就去睇中醫調理，我覺得幫助都幾大
坐小月子要養好身體，對之後懷孕好有幫助
我15w突然穿水住一晚醫院後,知bb冇心跳就即日用藥排,心理身理上都超級痛!痛過真正生B!(之後我順利再陀B生B)因為止痛針令我又暈又嘔,住多一日先出院。
早D排B出來,你可以早D調理身子、早D接返BB,加油~BB未返來時,日子係超難過,但一定要相信自己同BB,一定可以再見返BB!
你要好好調理身子,我坐完一個月小月就去睇中醫調理,一年幾後BB返來啦~
坐小月同坐月冇分別,薑水沖涼、唔掂生水丶食清淡、非上奶野。
我覺得心理關口最難過
我小產後已過了4個月 仍然好傷心
明白。BB未返來前我日日喊咁濟…每次黎M更加大喊…
你要放鬆,放鬆BB先可以返來,雖然係好難做到,盡力啦 
BB知媽媽掛住佢,都會盡快返來~
唉
過左4個月
身體都重係差
加上最近同某個朋友傾計 好鬼勞氣
佢叫我好心學下人地點「好好」懷孕，暗示係我自己殺左個BB
我禮貌咁話佢聽，佢嘅言論係會傷到我
佢居然話 我要誤會都無辦法 佢只係講事實
我真係嬲到呢
我為左懷孕戒口戒得好清 中醫睇左3年 好難得有左 但11周小產左 好傷心
樓主要加油. 好好休養多休息.
小天使一定好快會返黎搵你架
唔好理呢種人. 完全冇同理心唔明白人地傷痛.
有邊個待孕媽媽會想自己最寶貝既體肉走?呢種人真係唔稱得上係朋友!
建議你唔好理佢.
首要處理好自己情緒就夠了. 佢呢種人唔好再花心思去令自己唔開心!
加油. 祝你既小天使都好快回你身邊. 加油!
聽完就算,唔好放上心,佢未經歷過唔明,心地又唔多好。呢段時間唔好再揾佢/理佢。遠離負面野。
小產唔關你事。你要保持心情好,BB就好快返~加油!
我係私家發現無心跳，然後去公立醫院照多一次確定左無閃閃就選擇手術 （塞藥如果排唔清最後可能都係要手術。）
保重
好好保重身體，睇中醫調理下
多謝你
我都係入咗急症，但醫生話可以俾我揀點處理，亦冇話推薦邊個方法，所以有d 唔知點好
但係我今日又睇咗私家醫生，攞咗藥返屋企喇
其實胎齡只得8w,應該唔算大
有d 驚手術要麻醉，所以可以的話都係唔做手術了
聽你咁講，你手術後對身體冇咩影響？
好好養好身體
祝福你
醫生開咗一個星期病假你？
你好堅強呀，希望你同bb 健健康康