之前行宜家見到直覺係伏無食到，不過近期既青口幾好味
【IKEA佛跳牆】理想VS現實！IKEA佛跳牆評價為12個伏 究竟有乜材料？
IKEA宜家傢俬喺農曆新年間推出香港店獨有嘅佛跳牆，近日有網民到分店親嚐，結果就中伏，並喺Facebook群組「中伏飲食報料區」分享食評，評價為10個伏入面有12個，描述非常搞笑，引起一眾網民共鳴，紛紛現身說「伏」！
「味道就好似封建時代嘅種盲婚啞嫁咁」
佢表示，佛跳牆嘅味道就好似用水溝肉骨茶咁，藥材味濃厚，最重要嘅係，佢仲影低咗張相，話材料同佛跳牆係完全冇關係嘅，得冬菇、魚蛋、芋頭同腩肉，好似仲有一塊龍脷同一片海參，同官方張相超大分別！如果伏嘅指數係10部直昇機（註：因為直昇機航行時會發出「伏伏伏伏伏」嘅聲音），呢碗佛跳牆就值12部，非常誇張。材料同湯零交流，湯底好似逼住要同啲材料喺埋一齊咁，貌合神離，有啲封建時代盲婚啞嫁嘅感覺！
實際係咁（圖：Facebook@中伏飲食報料區）
一眾網民現身說「伏」
唔少網民形容樓主嘅描述生動，表示「隔住個mon都feel到個伏味」，更指呢個係「去瑞典餐廳點中菜的必然結果」，亦有網民「更正」，應該連龍脷都冇，食完會發惡夢。
網民形容為「猛鬼佛跳牆」
