我至細就不好娛樂圈，唯一會聽既歌係動畫日文歌和教會聖詩。
最近因為立場姐姐quote Mirror既歌詞「大不了死，亦不會避」，就去google下Mirror。正如周庭quote 《不協和音》後，我都google過櫻坂46。
一睇就好驚訝，原來香港都有頗睇得下既男團。不過更吸引是他們背後的故事。原來可以有歌手不是富二代，不用巴結高層，但可以紅過大台同期歌手。
大概在這個年代，見到站在霸權對面，由人民選出來既人，我都會想支持。不過以前都有反霸權既歌手，我都唔知點解我剩係迷Mirror。因為靚仔和男團吧？因為見姜濤威脅到大台吧？我都唔知。
老公見我都竟然睇明星，就恥笑我「個形象作架」「個market吹出黎架」「打手寫架」「你都學人追星？」唉，佢咁講我真係好唔開心，難得找到偶像，舒緩一下不快既社會氣氛
我以後唔同佢講Mirror ，最多講Error 算啦～
同你做左同一樣嘢
先知有個人叫姜淘，俾我女恥笑。
Same here 
You are not alone 
真心覺得樓主唔使理老公既冷水，夏蟲不能語冰。膠答佢咩算lor, 難得搵到可以抖下氣既地方。
你個女應該正面D，鼓勵下你嘛～
不過你地因而多個話題咪幾好
呻醋咋？
我諗左一陣，都懷疑係，於是轉而推介Error既肥仔俾佢睇，同佢講「肥仔得意又勁，幾似你～」
但老公回「我覺得我似姜濤多D喎」
我一直都好怕韓式嘅仔，就算宋仲基我都頂唔順，唔好話嗰d 白面又畫哂眼線嘅男團。
一開始係好奇姜濤因咩事咁紅，不出一個月，我已經煲番哂mirror go 2季、同係咁摷佢哋嘅訪問、歌嚟聽。
讚賞嘅說話唔多講，只能講抵佢哋紅！
好希望佢哋保持初心、同團火，做隊真正香港人嘅男團。
我都未識欣賞韓星。 
樓主老公有無鐘意邊個女星? 
我有好多男仔朋友，覺得mirror 無乜野呀，仲覺得佢哋做節目好笑。
佢最近發現左baby metal，係幾特別得意既。雖然我鍾意聽日本歌，但唔鍾意日本明星好多計算，唔準明星講私人生活，要照公司規劃個型像示人，好無人性。
我就係鍾意全民造星出身既明星夠隨性
同一道理咁佢又點知佢個形象唔係扮出嚟?
所以我覺得唔洗理佢，自己鍾意睇邊個on stage 咪睇囉。
你睇返全民造星一呀，可以更加認識佢哋，睇住佢哋進步過程同當中既努力，由恥笑佢哋到支持再喜歡，套野好似睇住佢哋成長咁
尋晚佢哋開live，講咗好多心底話同回應近期fans私追單嘢
尋晚姜B由頭食到尾, 好可愛 
尋日又見到自殺post
於是又loop多次佢首孤獨病
妳老公呷醋啫
唔好妄自菲薄。我自己鍾意Error多過Mirror，仲難同人解釋原因