老豆老母好早結婚生bb
日日家嘈屋閉 嘈到我而家仲記得細個嗰陣佢地喺屋企嘈交嘅畫面
好啦冇幾耐就離左婚
老豆開頭嗰陣都有每個月象徵式搵下我
到我開始大個 就半年至一年先見一次
有時我都覺得 佢都幾陌生
老豆事業為重，所以離婚就掉左我地俾我媽湊
其實我覺得都只係藉口，係唔想我地阻住佢搵第二頭家
我明佢地應該真係性格不合而分開，但唔明點解男人可以咁仆街，到個女人生完兩件身材走樣就喺到笑佢，個女人都叫做俾左最青春嗰幾年你呀
到而家我老豆對我嘅影響都仲好深
其實你成日話自己細個喺唔好嘅家庭中長大，我又咪係喺一個冇老豆嘅家庭中長大…分別就係 你有用少少錢去解決問題囉
到近期同佢+現任老婆食飯，佢同我老公講，家庭第一位係個老婆仔女，第二先係呀媽
我真係得啖笑 咁我細個嗰陣你又唔理我同我老母
我咁大個佢連我食咩會敏感 掂咩會敏感 鍾意咩 唔鍾意啲咩佢都唔知
好啦 其實我都唔知佢鍾意啲咩唔鍾意啲咩 打和啦 
Sorry各位…我都係想搵個地方呻下
14個讚
呻完又點
改變不了
呻下好過屈埋唔開心，積累落嚟會有情緒問題。
雖然改變不了件事，但可以改變心態。
15個讚
人地睇完正都變負
你仲唔明？
所有事情都會有好/壞影響
最緊要係我地會從中學習同成長
eg如果以前家人對小朋友經常打鬧，到我地自己有小朋友，就更加要避免重蹈覆轍
樓主你個case老豆咁樣，我唔知你係男/女：
如果你係女：你要學習帶眼識人，唔好好似你媽咪咁，同埋對自己負責任：生完小朋友都唔代表要放任自己肥
如果你係男：唔好似你老豆咁，要珍惜自己嘅家庭同小朋友
PS，見到樓主係女啦
8個讚
但樓主又無講呢件事帶比佢有任何改變
暫時只係純放負（都正常嘅）
你而家都大個啦,如果唔鍾意你呀爸而家先黎扮好人既話,你就少d見佢
1個讚
咁又係
我應該要接受我老豆咁樣
我應該接受我自己投錯胎
我應該要接受自己咁唔好彩 佢地開心 生左我出黎
我應該要接受我家族都有遺傳抑鬱症 間中都會發作
我應該要接受所有野
改變唔到 可能要改變離開果個應該係我自己
反正我喺世界都係錯
唔關住唔住一齊事，我同父母住，我爸連我今年幾歲、幾時生日、邊間大學畢業、宜家返緊咩工，佢都唔知。
放負都有錯
哈哈哈哈哈哈哈 我真係做咩都會搞到人
能夠寫出嚟係好事
整理自己嘅思緒，面對自己嘅感覺
只要唔好無限loop就OK 了
5個讚
缺乏溝通咪變左同屋關係而唔係家人
冇人幫到你改變，只能自救
2個讚
我覺得你講出黎就算放負都冇問題，呢度吾通個個都淨係講開心野咩
6個讚
樓主 我好明白你感受 原生家庭真係對成長好大影響的
每個人同六親的緣份都不同，係幸福快樂家庭成長當然最完美啦 可惜人生好多事都係未必可以如願
依家你大個左，有自己人生，希望你之後的日子會比以前好
2個讚
好明白你感受。我同我老公都係同自己爸爸無乜父女緣，唯有我哋對自己小朋友好啲，唔好好似自己老豆咁，仔女幾多歲又唔知，邊日出世都答錯，唔關心子女，傾計就有口話人，但唔反省自己。
你可以同你老公打定底先，你爸講乜都可以不用太在意，因為你爸都唔了解你。
唔～呢個係你既原廠設定，開唔開心都要接受。
但我覺得咁大個人可以掌控咁多野，唔開心既關係可以斷捨離一下。斷唔到就要控制到佢impact 最細，盡量做多d開心野令自己開心lor…
5個讚
人人都需要有呻嘅地方，呢度有人聽，可以令自己冇咁孤單。
3個讚
我老豆衰過你老豆N倍，所以我無同佢聯絡好多年，以前嘅事我哋無辦法改變，但我唔會去見一個會影響我心情嘅人，樓主你都係少見為妙，攪到自己唔開心，何苦呢？
呻冇問題，不過呻完之後會開解返自己
True
我好感激同欣賞啲媽媽將佢嘅人生俾晒屋企，但對佢自己本人黎講就好冇保障，對自己不負責任。可能好多人覺得「生完走樣」係無可避免，但係我就覺得事在人為，身邊好多媽媽都係自己湊冇工人，仔女健健康康聽教聽話，自己一樣可以keep到靚靚去聚會。
岩呀，接受過去係一件正確嘅事，對歷史嘅態度亦係由你決定。
最後嗰句係悔氣說話，冇意義。
講得好好，我好鍾意你原廠設定嘅呢個比喻
我自己都係貧窮家庭長大，我認著嘅貧窮係因為四肢健全身體健康嘅老竇懶惰。不過我冇怪責佢，同佢關係都好好。
樓主，可能你會認為父母生你出嚟就一定要關心你養你，你呢個諗法係正確嘅，但係世界上唔係所有事都向正確嘅方向行。
我覺得你父親可能係一個唔合格或者近零分嘅父親，不過你有冇諗過情況可以更加惡劣？一個負分嘅父親：性侵犯你，爛賭借錢俾人追上門，要你賣身還債，家暴淩辱你，帶你去黑市買晒你啲器官⋯⋯
如果你要比較其他人幸福家庭，咁樣幫唔到件事。你都即將組織自己嘅家庭，呢樣就係你可以掌握嘅事，希望你會做得好好，唔好俾小朋友重蹈覆轍。
1個讚