個仔今日已經撞第二次頭
第一次我老公就咁沖完涼 個仔成身濕哂 叫佢自己行出黎著衫 地下濕佢向後跌落地撞到頭（嗰陣我同緊個女著衫，完全唔知佢就咁放個仔出黎 叫佢搵我） 係咪痴線 水都唔抹 叫個歲半小朋友自己行
第二次我整緊其他野 個仔喺梳化打側跌落地 撞到個頭boom一聲
佢仲要叫我唔好行過去抱佢 大佬佢撞到個頭呀
試下佢咁高跌落去撞頭 大人都痛啦 更何況小朋友
仲好意思話係因為我抱佢氹佢 所以佢先係咁喊
講到個仔跌落去撞到頭假呃人咁
係咪痴撚線
你老公無錯晒
平時個仔扭其他計我完全唔會氹
但撞到個頭 可大可小 佢自己屋企人都曾經因為細細個成日撞到個頭 而身體出現問題
唔明點解佢可以完全唔怕
2個讚
睇情況啦！
第一先鬧你老公！冇野啊？對腳濕，大人都仆啦！可況小朋友？沖涼跌死過好多人架知唔知？咁大個人都冇腦既叫個仔咁樣自己行出黎！
3個讚
歲半 唔好講撞到頭，我小朋友都試過好多次跣親鄧到個patpat都即爆喊。
我估小朋友都唔想撞親，所以有心無心我都會立即去睇左咩事同撫平小朋友。
1個讚
老公完全係疏忽照顧，忍得到唔喺小朋友面前爆佢都要讚下自己！
唔想帶埋仔仔出黎，咪同我講聲，等我去沖涼房接佢囉，好難咩
2個讚
我明佢係想學人地外國鬼佬
小朋友跌到佢自己起返身唔洗氹
大佬呀 人地小朋友係身跌落地
我個仔係頭撞地一日兩次呀！！！
1個讚
個個教法唔同呢d無特別分對定錯，小朋友整親亦無人想，唔應該去批評人搞到氣氛更差。
我都係主張小朋友喊唔好理，甚至佢喊我會即刻罵同罰。但有一個例外情況，就係身體受傷。
歲半小朋友黎講，唔可以俾佢自己行濕地板，草地就得，因為唔會撞傷。
老公想學外國人，可以參考3P課程，有教喊唔好理，但係要在安全環境下。
5個讚
慘，撞到痛喊都唔俾媽咪理。
你老公洗唔洗上下堂先？
2個讚
都要睇點跌法，平時個仔行路仆到呀，少少事個d我哋都會叫佢自己起身，無事。但係濕腳仆呀，頭落地呢d點都要去睇下安慰下，只係歲半又唔使咁嚴，影響佢同理心。大人整到少少都想人氹下啦，何況係小朋友。
1個讚
咁樣跌親撞到個頭鬼佬都吾會ok啦嘩
1個讚
心理成長係要有關愛，要比佢感受到父母的愛。
小朋友撞到頭可大可少，我個女細個跌倒仲甩胶要去急症，小朋友仍未完成發育。
唉！教育係重要，但醫學常識更重要。
媽媽你無錯，小心照顧係大人的責任。
1個讚
跌到個頭可大可小,㸃可以唔理。
撞到頭可大可少，依家唔係跌擦損手手腳腳。Touch wood 希望冇事，有事上黎，你老公一定後悔！
畀著我會爆佢，「咁我係咪應該鬧佢打佢？」
如果是小朋友扭計哭，在安全的情況下，我覺得可以唔理，但如果是身體受傷，我覺得給他感受到別人的關心，有時也是必須的，因我希望小朋友學懂同理心
其實我都發現有時我仔自己曳，撞到，如果他知道無人見到，他是不會哭，自己起身當無事；但如果他見我立即走過去，他會哭得更大聲，博取我的更多的關心，但我又不介意，只希望他感受到媽媽愛他
分享一件事：有晚在公園，有個大約8，9歲的男孩不知怎麼撞到，訓在地上抱著一隻腳不停哭（父母明顯不在公園）我聽到有個小女孩很擔心地同她爸爸講，他爸爸望一望，叫個女孩不要多事，就和小女孩走了。我就行過去問男孩有無事，我仔6歲，也學着我一樣問候他⋯
學習獨立解決問題固然重要，但在一個群體社會裏，互相關心也是必須，更何況樓主的小朋友只是歲半，又撞得這麼利害，更是時候給他感受父母關心的幸福
2個讚
係，要教小朋友學會關心愛護他人。Touch wood 如果日後自己跌到撞到頭痛到飛起，我都想小朋友主動過黎安慰問安。（呢個情況如果小朋友冇反應唔過黎嘅話，我諗個父母應該即刻鏟個小朋友話佢冇良心）
3個讚
係咪最近少同老公2人世界，或少左傾計嗰d？
唔好學d 唔學d，我試過去旅行時個女玩玩下飛咗落沙地，其實知道無受傷但我即刻過去睇佢抱佢，我老公因為要還番個遊戲設施俾人無理到個女，個外國人即刻話佢唔使咁心急，佢應該去安慰咗個女先。
又見過有小朋友喺樓級跌落地頭落地，大人即刻抱實佢同幫佢檢查。
當然明知佢屋企、草地跌到無咩嘢就鼓勵佢自己起身，但真係會撞親唔會唔理。
2個讚