結婚唔想做到好大龍鳳咁，
簡單搞有冇啲咩儀式係要做架？
諗緊可能喺酒店book間房斟茶俾四大長老，之後直接簽紙擺幾圍食飯得唔得？
如果冇兄弟姊妹團又會唔會好似有啲奇怪？
麻煩晒大家
最好問咗雙方家長先
因為好多長輩未諗得通「簡單搞」嘅好處
4個讚
疫情搞結婚好麻煩
2個讚
一定要問過長輩。雖然話結婚係兩個人嘅事，但婚禮婚宴就係一家人嘅事，好多長輩想結婚係開心熱鬧光宗耀祖。自己嗰邊阿爸阿媽就話可以忍讓你，始終係親生，但另一半嗰邊阿爸阿媽未必肯。
恭喜曬
問下四大長老意願點先，同佢地傾下大家睇法，始終你地結婚之餘，都係四大長老娶新抱/嫁女呢
係限聚令之下，你諗到可以做到有幾婚禮「隆重」？
係咁時勢，一定係簡單㗎。
觀禮人數有限際，
晚上擺酒每枱限坐四人，
每枱相格距離1·5米，
恭喜你！ 
除咗宣誓 其他嘢都無規限架嘛 不過都係果句 要管理返長輩嘅期望。。。
我結婚都係差唔多 簡簡單單 連過大禮都無做 
不過婚禮當日都有請一個姊妹同一個兄弟幫手 佢哋可以幫手斟茶 keep金器禮金 同安排物資 如果有親兄弟姊妹幫手就最好喇 
之前我就係想咁，自己最親嘅人，兩圍咪算囉
點知老爺想請呢個嗰個，結果都有8圍
當年結婚，我6299有做生意，係都要擺-_-
我過大禮淨係過個水果籃
結婚是兩個人的事，並不需要為四大長老而難為自己，做父母的如果真心為子女着想會尊重子女的選擇及決定。
若四大長老唔高興就由得他們，若是愛子女的遲早會下了談氣，之後咪一樣和好如初。
若某位或某些長老堅持唔高興，這是他們自己品德上的問題，是自私和愛面子，這樣的長老，日後少啲來往還落得清閒。
2個讚
簽紙
食餐飯
我結婚好簡單,朝早著婚紗去註册處簽紙,有四大長老+少量親友,影下相。中午換返件白裙,去酒樓book 2圍,斟茶俾四大長老、食lunch,完~ 
下午同老公去左行街~ 
只要四大長老冇問題,你地點搞都得~最緊要簽紙咋嘛~
你衡量逆四大長老意願定忠於自己心願重要啲，冇對錯嘅，總之唔好後悔
我當年超想旅行結婚，但奶奶要擺酒，我順佢意，好後悔。但之後奶奶對我唔錯，唔算麻煩，我又夠兇狠頂得住，咁就算啦，自己去多幾次旅行算
我當年就係咁樣
酒店擺3圍 請親戚食飯
自己佈置，成長片+pre wedding 片都係我自己剪的 
(因為我識剪片，所以自己搞)
因為只係3圍所以budget可以充裕啲
我覺得book酒店又好過book酒樓
成件事簡單勁多
亦都冇乜嘢可以煩
第二日可以準時返工
大家親戚又傾得開心啲
因為全場都係識嘅人
婚禮我擺得好簡單
但係pre wedding我就影得好隆重
去英國影咗2日
換7套衫 + 7個唔同髮型來影相
我覺得婚禮係擺畀人哋睇
但係海外pre wedding係自己同老公嘅親身經歷
我係旅行結婚+香港簡單出門食飯
冇過大禮，老公象徵式比禮金
出門當日，冇兄弟姊妹團，我有1個姊妹幫手影相，老公有1個兄弟幫手揸車
朝早有著褂，老公嚟我屋企接我，係咁易斟茶比我父母，之後就出門去男家
去到男家都係簡單斟茶，拜咗個快神，中式儀式就完，冇回門
下午同老公出去影相，難得租咗褂，當然要影多幾張相
夜晚男女家十幾人，連埋幫手果兩個朋友一齊食飯，唔想食中菜，book咗食buffet，香港儀式就完
之後就飛去布拉格行禮註冊影埋婚紗相，全程都係我同老公冇其他親友，輕輕鬆鬆一個朝早+中午就攪掂
以為自己出post 呀
我都後悔咗十年，睇番當日結婚嘅相都覺得尷尬，好似做咗場擾人嘅show 咁。
但我知道99 好高興娶新抱同鐘意我先咁想擺酒。
1個讚
除非以後唔見，唔係好難完全唔理4人長老睇法自己想點就點…
當然如果長老好都順住新人想法，但都要尊重佢地同佢地講好，到時邊個有hard feeling都唔好啦！始終係開心事
為咗長輩開心，有做到擺酒呢件事。
圍數少、極簡單佈置、只換兩套衫、無播任何video連蛋糕都無切、兄弟姊妹各兩個幫手執頭執尾。
基本上個程序就係影相、斟茶俾一班唔知邊個打邊個嘅親戚、揸咪講多謝父母多謝大家、敬酒、送客、完。
當然要事前同四大長老講，但純粹只是通知或聽少少意見而不是請求，兩位當事人作最終決定。
我都話始終是兩個人組織家庭，共同面對，不應為了四大長老而勉強自己。父母是愛惜子女的過了談氣就會無事，只顧自己所謂「面子」嘅父母，不見也沒有所謂。