講下你地有無受到嘈音困擾，但無奈要死忍。
呻下，有個老而不日日係樓下一個細小排球埸對住牆打一人網球，網球聲一下一下卟卟聲好Ｌ清脆，啲聲煩到好似滴水聲，接受到就唔覺有問題，接受唔到就好Ｌ煩。
有同主任投訴過，主任都有同個老而不講，但過幾日老而不扮無事繼續打。
條友打一人網球，搞到其他人都以為個度可以打網球，多左人打，搞到我見到人打網球就要投訴真係好Ｌ煩。
講真疫情封埸，我係過得最舒服。
呻完～
1個讚
以前住嗰到對面有個撞聾嘅晚晚開電視開到好大聲，係閂哂門開自己屋企電視都聽得佢好清楚睇緊咩，個癲佬已經俾隔離左右投訴到連管理員上嚟都鬧，又做唔到嘢。
依家搬走咗，不過自己屋企有老人家成日bang bang bom bom, 閂門又大聲，d 細路瞓哂都唔會張就下，我對聲音好敏感，有時瞓咗俾佢嘈醒會好憫。
有呀，我老公啲鼻鼾聲 
1個讚
長期係咁同自殺有所分別
如果佢日頭打真係耐佢唔何㗎啵
個場地係打排球 所以佢打網球加上聲音滋擾到人係可以投訴到。
老而不最變態，試過晨早7點幾就開始打，一打就打兩個鐘，星期一至日都係咁。
本來一至五我都死忍，但一到星期六日我唔同佢客氣，一見佢打就投訴。
如果閂門大聲（唔計大門個啲）可以試下係房門廁所門框邊貼海棉條，咁閂門會無咁響。
呢個我老公都有
我都頂唔到。
以前租嘅單位樓上養狗 每晚11點到3點左右就會跑嚟跑去同不斷吠 搞到我完全瞓唔到 屋苑規定唔准養貓狗 向管理處投訴佢話佢哋會視察同出信 但唔覺有咩改變 完約即刻搬走
我樓上日L日都有野揼，我阿媽話個賤人應該係造鞋或者修鞋之類，之前試過報警，叫做收斂過下。不過樓上好似唔L洗訓教，試過夜晚11點幾跌鎚仔，周時仲用類似沙紙既野磨個地下，真心燥
呢個topic好好
香港地少人多, 真係好易聽到噪音
我住村屋, 夜晚係勁靜
本身隔離屋冇人, 間屋都係同一個業主既(我租佢另一間)
點知近排業主同個女開始o係隔離屋度住
佢個女係有少少問題o個種, 講野好大聲, 會突然大嗌
呢幾晚成日聽到佢地對話
朝早5點又開始講野
訓得好差
但我係租客, 都唔可以講D咩
而家諗緊, 如果長遠係咁…我都考慮搬走
不過租金真係平
唔知可唔可以忍到…
上年疫情個個開始WFH，我住個度唔知邊一層日日都會有鑽野揼野鑿野聲，衰又衰啲聲唔係維持好耐，同個食蕉講完叫佢去查下乜聲都無。我同我老公都懷疑係咪有人攞工程返屋企做，呢家就星期六日鬼鬼鼠鼠搏人耳聾聽唔到鑽牆。
我覺得太多腥移民，佢地係咪唔知有噪音管制條例。加上政府無再做呢啲宣傳（日日咁得閒宣傳大灣區國安法，好心唔該都做好呢啲公共教育。）
呢個情況未有武肺已經係咁，宜家係變本加厲左，日頭都算喇，夜晚鬼鬼鼠鼠啲聲先最黑人憎，好似您咁講，搏人聽唔到，但係呢啲聲先最難頂，就好似有隻蚊不斷係耳邊嗡嗡聲咁，有時忍唔住勁大聲爆粗向上鬧，佢好似聽到咁，即刻無哂聲。
1個讚
我都有試過
。
我住個度 加上我屋企本身好靜，當一個咁寧靜既環境突然有一啲煩人既聲音騷擾自己休息或日常生活就會好忟。
我touchwood冇。
但同棟有住客試過被嘈音困擾，
佢全棟每個單位入一封信，控訴某個單位長期發出嘈音，
之後就冇咗嘈音啦。
同樓上咁多位嘈到瞓唔到覺嘅，有冇諗過戴耳塞？
有諗過, 但我驚會聽唔到鬧鐘響…
同事成日大聲講大聲笑
偏偏我工作要好專注
對面鄰居鍾意6am就打開門開大收音機，大聲講嘢同整單車個叮叮，已經怕咗佢瞓前唔開窗，不過太靜一下咁大聲好易醒…