我仔2019年3月出世，本應今年讀n
但武漢肺炎真係令我無心報，驚一報就無限停課，我自己係ftm，但聽身邊d朋友都有報n，係咪無報會有好大問題
FTM有心機自己教仲好, 我覺得唔會好大分別
坦白講N班好多時都返唔足, 之前我朋友個仔返3個幾月睇左17次醫生, D病菌傳嚟傳去, 最後頂唔順QUIT左
除非你要靠N班個位SECURE上K1, 否則唔駛太在意
2個讚
我一聽到個個朋友既小朋友都讀n，即刻覺得自己有問題 
N班有開學咩
？
今年應該問題唔大！
最緊要唔怕陌生人，識砌下野，接收指令。
今年報咗N班嘅當供養學校
除非一條龍學校,如果唔係,平時响屋企同佢玩吓小遊戲,練吓手指肌肉,培養作息習慣都ok
心理係喺香港做家長最重要把關嘅一環, 你而家就話N班啫, 之後你會見好多家長比你嘅壓力, (有時係無形) 見到人地做又驚自己無做/做唔夠
eg. 幼稚園外補咩珠心算, phonics, 普通話…
升小又報咩面試班, 禮儀班,
上到小學又咩奧數,樂器, kumon, 校際比賽, 一體一藝, 龍校插班…
升中又呈分試外補…沒完沒了的
我覺得因材施教吧, 做自己覺得有用, 同時小朋友又吸收到的
因為疫情所以有天更多小朋友無報n, n唔係must, 但我覺得可取既係小朋友多d社交訓練係好事。
我有朋友的小朋友都無讀
我N班復曬課。幾星期了。
我自己果時大果個教到，佢身體又唔好。就冇理佢冇讀N.其實上到k1一樣冇乜問題。當然開初有少少時間適應（不過我覺得係我本身小朋友既性格）
但細既就有讀N.我覺得面授幫到佢。zoom就一般般。
我小朋友係內向怕醜，所以想比佢讀n班，同埋佢無咩表兄弟姊妹，所以想比佢返學識啲固定嘅朋友。
你先諗下入N班作用係乜先？
1，為入名幼K1舖路（好多名幼你唔讀佢自家N好難入K1)
2, 團體生活
3，教規矩
4，學術訓練
如果係1，咁當供會可能都要比。如果2-4，其實家長自己勤力啲都做到。
團體生活今年就個個都冇。
教規矩最易做但好多家長會忽略咗。例如自己換鞋、食完tea收碗、排隊，甚至戒片，只要肯教冇話教唔到。
學術係可能有分別，因為好多幼稚園有NET教英文。但得果3歲人仔，上完NET都唔係即刻曉飛，家長都可以勤睇書、聽Audio book代替。
所以N唔係必須。
不過，我都係N班支持者同用家
點解呢？因為正常情況下如果小朋友返到學校，對佢刺激係好大。我女只係返半日N班，第二個月就戒片、用完櫈識自己拍返埋、牙牙學語都同我講學校嘢，我係睇到好大進步嘅（但唔代表家長可以唔洗跟進，我一樣每晚照講故事同睇書）。交咗學費，學校總會比返D嘢你，但值唔值、願唔願比，就每個人心中價值唔同。
至於病果d, 一下接觸咁多唔同人，初初病係好正常，捱過第一學期，下學期情況已好好多。
4個讚
我小朋友都係19年出世，讀21-22 n班
不過佢係超細b，要22年1月先開學
自問唔係好喜歡教小朋友，都係想佢返學校自己學嘢
之前都聽唔少人講，以往超細b好難報n班
話有啲名氣嘅學校都唔洗諗
但今年我小朋友一報就收，另外有一間仲打兩次電話嚟叫我去interview
我感覺係，今年真係唔多小朋友報n班
所以以往好難入嘅學校，今年都易咗
身邊都有朋友冇報n班，比小朋友返play group再自己屋企教
家有兩個超細 B, 可以答你報咗 N 都好難有人收佢啦，因為會收少 3 個月學費
咁佢哋咪一樣有 K1 收，基本上係唔會有問題
係～有時聽到真係有少少冇形既壓力
明白～咁我唯有努力教好佢