對於樓主應該離開定原諒，我冇乜立場。不過我諗起好多年前周慧敏原諒倪震單嘢，當時覺得佢原諒倪震好蠢。但人大咗，依家諗法有啲唔同，我先明白當初周慧敏點解會咁處理。套用返樓主件事上，希望可以提供新角度比樓主諗吓。
兩個人相處咁耐，一齊行咗咁長嘅路，途中總會有犯錯，問題係個「錯」有幾大，係咪真係無法原諒？係咪大到兩個人嘅經歷、咁多年之間嘅感情都彌補唔到？都唔能夠原諒佢？
錯誤已存在，比起諗點解，不如睇下你哋會點做。你老公嘅態度係點？咁多年嚟有冇因為呢啲關係對你同屋企冇盡責？如果攤牌，佢有乜打算？
而樓主自己呢？岩岩知道件事可能覺得被出賣好難再信任，好難受，其實呢個時候處理感情問題好易受情緒影響。呢件事已過好多年，只係最近比你發現。不如等自己冷靜下來之後，先再回顧下諗清楚點做。響有情緒時處理感情問題，往往會令自己後悔。
我仲未傾，好驚同佢傾完會比依家更傷心，好無用呀呵？今日佢送花，我原封不動，佢就叫小朋友送比我，我個心拿到呢⋯ 佢說「唔好唔開心啦。」我心諗點解會唔開心？難道我自己攞黎？我真係原諒唔到。其實我知我心裡仲有佢，今晚凍左，我都驚佢凍親，但我下唔到啖氣去睇佢。
我明白你意思，我會搵個合適的時間同地點。點拖其實都要解決。
（ 好討厭個新使用者一日發言上限。唔開心真係想搵人傾下，但又留唔到言。其實本身都玩開，只係為左呢件事先用新A/C。我覺得呢度好有愛。)
你點知係過去式？
我都經歷過，為左小朋友決定繼續一齊行
當時無問清楚，以為唔知清楚仲好
然後發現到現在我也沒有辦法再信任佢了
你有跟老公傾呢件事嗎？
佢一向都係比哂成副身家同資產我，所以我更加估唔到，佢既然咁「錫」我，點解佢會對我不忠？（苦笑中）
聽你咁講完我「舒服」 左好多…
如果得一次，我可能真係原諒到。但呢刻我講唔服自己。check 返email 睇佢幾年前send 比我出差的itinerary，就自然產生左好多懷疑。我控制唔到唔諗。
呢刻應該會好多不明白不甘心不解，明白的正常的 
點解佢明明一直對自己咁好，而家殺你一個措手不及，呢吓先甘，只想問個天：why me?
或者咁諗，就係因為唔知道，至少你哋一家人一直都係開心，小朋友有經歷過幸福家庭，而你一直又冇感情煩惱，唔洗成日要懷疑佢（要猜忌一個人都要殺死好多腦細胞）。只係個天攪錯時間，要你今日先知道一件咁嘅事。
如果未決定點做，慢慢來。睇到好多例子，當參考，有人選擇唔原諒要分開，再婚，再有新家庭，幸福；有人原諒繼續一齊後感情變更好；有人原諒一齊後有條刺最後都係分開。我相信無論你點決定，小朋友大個咗知道後都會明白你的，因為從你文字談吐都感覺到你有修養，教出來的小朋友都懂事。
如果我是你，一定攤牌要對方一五一十講清楚，然後暫時分居一段時間等大家冷靜一下，之後看看大家的感覺可否再一齊從新出發。
錯已經錯了，不可改變，但凡人都會犯錯，只要肯真心改過，在分開一段時間後認真後悔及想珍惜家庭，大家再出發也未嘗不可。
一來 對先生仲有感情
不過而家都仲好失望 平常心 唔睇佢咁重要
仲有 唔會再信佢 佢講乜我聽下就算
二來 我有小朋友 最大問題係做左full time mum好耐,我唔能夠係短時間一個人照顧小朋友,估佢都唔會要小朋友
有一個小朋友,好多野要諗要考慮。
我同我先生 吵過 鬧過 乜野傷心說話 所有解決方案 離婚 分居 扮無野 離家出走 離婚但分房訓 呢d所有所有野全話都討論。
如果揀原諒 做唔做到永不提呢件事呢?
我做到,係先生主動講我先講一兩句。
係好痛苦,如果選擇原諒而不停咁講咁就永無寧日,大家都唔開心。
如果你有能力,你可以想像下一個人帶住小朋友大你自己攪唔攪得掂，因你都要作最壞打算佢唔要小朋友。
無論點,我希望你冷靜,唔好放棄你自己,不要自暴自棄,你無錯,錯既係佢。
佢肯氹你,相信佢都仲珍惜一個家庭,你可以觀察下佢先。
千其唔好同三姑六婆講,佢想回頭都無臉。
我同左幾個朋友講,而家連朋友都無埋,因為佢地覺得出軌係無限次而我原諒係好蠢。
如果有得回到過去,我寧願一個朋友都唔講,上網呻就算,佢地幫唔到之餘同鬧翻埋。
每個人都有自己選擇,慢慢諗。
哈，佢真係好賤，唔認錯玩送花，佢應該估到你知道啲嘢但又唔敢認又唔敢講得多，搏你心軟
你點會冇用呢？記住你無做錯野、你無做錯野、你無做錯野！重要嘅事情要重複三次。
明白要時間俾你自己沈澱一下，你諗清楚你自己想點，有乜仲可以拎你快樂D，個個人經歷都唔同，所以唔可能俾到任何決定你。合上眼睛，深呼吸一下，而家你最想做乜會令你舒服D，問清楚你老公？當冇事發生？另外，再考慮下小朋友，點嘅決定對佢影響佢比較少，可能要花D時間同小朋友解釋下，佢哋呢個年紀應該仲係唔太明白發生乜事。
我明白你意思，你講完我有搵返新聞同聲名黎睇，我發現我都理解左係咩回事。我亦開始知道自己條路同應該點處理。
6 年前同6 年後先發現，個處理係好唔同。
了解，我之前冇諗過呢樣野。我本身仲諗過好唔好同奶奶講⋯
唔知點解睇到你個「哈」字，我笑左出黎，明明我好傷心的，可能係有人幫我罵佢！
佢寫信同送花，我解讀係佢知衰，但唔敢認。其實都冇架啦，我都唔奢望冷靜期佢會自爆。
今日睇完好多文章同新聞，同睇埋各位jm 的留言，其實真係要溝通，我咁樣粒聲唔出、帶住咁多個問號都唔係一件好事。
我好明白你心痛！我自己都經歷過，當年為咗小朋友我都選擇留低！
但一啲都唔容易行
我D朋友好D，每次發現老婆出軌都會安慰下我，都係叫我自己諗
冇錯，唔好屈喺個心度，同佢傾下囉
有好多可能，唔一定要即刻迫自己離開或者原諒佢咁單一，有時可能離開一排，然後喺返一齊但協議好，更知道大家想點。有時可能繼續一齊但為小朋友，兩公婆有距離咁相處一段時間再決定點落去
大原則係唔好委屈自己，自己同小朋友行先
我琴日聽電台, 都希類似既case
你首先問下自己, 你仲愛唔愛佢
如果仲愛, 選擇留低, 同佢好好傾下
如果唔愛, 就拿拿聲走
當然講就易, 但我覺得有愛呢個前提既話, 條路會易行D
起碼有心修補關係丫嘛
多謝你地呢幾日的開解，儘管因為留言限制沒有一一回覆，我全部都睇哂了，有得著。
我已鼓氣左勇氣同老公傾。我在這裡不多講了，但我很清楚自己要點做。
謝謝你們陪左我最難捱的幾晚！我唔再上黎呢個post 了，因為我唔想再鑽牛角尖。希望你地唔好覺得我「用完即棄」 
原來我係咁堅強的
Jm加油，無論咩決定最緊要堅強
小朋友無罪的，加油！