我未決定到應唔應該追問佢、或者問到咩程度。我心目中已經有一定的答案。我現在只想狠狠地打佢一把。
會，我會咁做。
就算俾你知道成件事又點，都改變唔到發生左嘅嘢、我覺得最後一唔一齊都好，學識放低先係等於放過自己！
如果當我正面問佢，仍然答我呢d 無謂野的話，我會選擇同佢分開，因為呢個唔係坦白的表現。我諗要勇敢行出一步同佢傾。
JM抱抱~
心痛之餘希望你都冷靜理性處理, 要繼續定斬纜都唔好心急,
有小朋友要睇定D, 如果分開小朋友會點處理? 你自己有能力供養? 有家人可以幫忙? 佢地會理解嗎?
如果繼續自己心中總係有條刺, 真係有苦說不出~
希望你加油, 為左仔仔挺住!
1個讚
小朋友其實好敏感，如果要同老公傾，一定要安排小朋友去婆婆屋企或交俾信任嘅人先，唔好係有小朋友嘅屋企傾，盡量減低對小朋友嘅影響，無論你選擇繼續行定分開，你要好好處理自己嘅情緒先，再好好處理小朋友情緒，加油
2個讚
嬲係必須，嬲完冷靜落嚟要沉澱一下，諗吓自己想點。如果傾向想一齊，就唔好問咁多，知來無用。佢係只得一個外遇，還是多過一個，其實無分別
佢外遇期間對你完全無分別？咁可能真係嫌悶、貪新鮮，一時把持唔住。掉轉諗你無發現佢都無再繼續落去，自己返屋企，都未衰得曬。
不過你肯唔肯定佢而家斬晒攬未？
「一次不忠，百次不容」
我以前也經常到處出差，身為男人，的確會有好多機會及朋輩壓力下容易出軌，許多同事及工作上朋友最喜歡趁出差時去滾，我也多次面對極大誘惑，一齊出差是很難懶正經及大義懍然地掃人家興，但我會為了妻兒，珍惜與他們的親密關係，會技巧地瞞騙同事或工作上朋友，穩穩守住自己道德界線，一次也不能失，因為，只要有一次，就一定會有第二次、第三次…
16個讚
jm, 你不是唯一一人。。。幾日前我睇到老公同朋友嘅對話提到1x 年前我哋初初拍拖果陣，佢喺外地叫雞嘅往事，。對話中佢有講佢而家冇呢個癮，我相信係果時佢喺外地同果班同事一齊叫。
我哋有個幼稚園小朋友，自小朋友出世後，我哋感情都淡晒，多數只傾小朋友話題。到我睇見對話果一刻，其實我都幾冷靜，第二日仍可若無其事。雖然，心仍會痛，也有喊。 佢外表非常老實，當初亦係貪佢呢樣，可能愈唔似，真實反而愈pk. 但無可否認，佢好錫小朋友，小朋友亦需要佢。我諗咗幾日要點做，我有經濟能力，但唔想要小朋友承受，但得我痛苦，又覺得太益佢。
而家想法係，我要先保障自己。我會找機會先同佢 攤牌， 會要求佢轉層樓比我。
jm, 你都好好為自己打算吧。男人信不過的！
6個讚
Jm加油！冷靜一排先
想清楚自己的方向
每個人都會亦曾經做錯事
小朋友成長都好重要
佢未必係好老公
但相信係小朋友心目中佢係一個好爸爸
2個讚
同意。
係人都想同自己老公可以永遠keep住感情勁好好似拍拖嗰陣咁恩愛，但事實就係要取捨。
當你自己都開始老，性格都變得冇以前咁好，亦懶去維持兩個人嘅關係，亦知道就算開展另一段感情結果都係一樣，咁不如維持現狀以不變應萬變，對無知嘅小朋友黎講，Keep住呢對父母關係未嘗唔係一個好方法。
回應返樓主，你話老公喺六年前發生呢件事，通常留德證據都唔會淨係留一次，如果你搵唔到其他可能佢真係淨係一次呢？可能佢年少無知新鮮未試過，但試咗之後都覺得唔啱自己冇再去試⋯⋯
我明白你個種覺得蝕底左比佢嘅感覺，咁你可以試吓做返其他要去平衡自己嘅心理，例如豪洗佢啲錢
1個讚
講開又係喎, 我有個朋友早排都訴苦話佢老公出面包左件歡場B6, 嬲到要離婚分身家, 但轉頭又好似無嘢兩公婆日日出街飲飲食食, 斷估係傾掂數, 為左仔女大家繼續面子工程
1個讚
係㗎，婚姻呢樣野真係好奧妙，同床異夢，旁觀者清，隔離飯香，人哋點做實有佢哋嘅原因嘅～佢哋覺得開心咪得囉，當事人唔好呻完又呻就得啦。
可能你岩岩發現，所以仲係好嬲，但其實件事係六年前，而你唔發現，根本無影響過你生活。
呢幾年身邊好多人分享左好多古怪感情關係，我開始諗咩係關係中比較重要，可能而家你覺得俾人背叛所以好嬲，但其實十幾年黎你老公應該對你唔差？咁佢對你同小朋友好重要啲定忠誠重要啲？
我都有啲朋友係要求伴侶絕對忠誠，但見過好多open relationship 其實相處得更好。
4個讚
其實做咁多年人，對住以為忠誠嘅伴侶咁多年，以為自己好了解又係幸運的一個。但突然發現真相，真係好難接受。。。信心一但打破，好難可以挽回。講到尾，自己才是最可靠的人。所以，一定要錫自己，至少好好為自己同小朋友舖路以得到保障先至最實際。
3個讚
當發現老公不忠時
真係會諗下大家有幾了解對方
幾時開始出現問題
多數係有小朋友之後
老公本身係咁
既然發生左
樓主不如同老公傾下發生咩事
或者答案比想像中好
好過自己諗埋一邊
如討論過程中搵到解決辦法
對於相方和家庭都係好事
1個讚
你估你發現既相片， 是新手上路
如果分開，我係有能力照顧哂小朋友，唯一擔心的野係對小朋友影響。呢個時間我仲有好多唔同的情緒，未敢做決定。
呢刻我仲愛我呢個男人，但又好失望，仲係同佢處於冷靜期。
你係咪就係因為有小朋友所以一動不如一靜？
無分別。一直至今都覺得佢係好爸爸好老公，一直覺我自己好幸福，好可笑。
呢刻疫情加上幾年前轉左工，我相信依家佢冇曳。不過所謂驚弓之鳥，呢刻我無法好似以前咁百分百信任。心好痛⋯