我係新手貓奴, 剛拎咗隻英短仔仔(4-5個月)回家養, 依家10日度, 仔仔都開始適應, 食得玩得痾得, 尚算一切正常。
先利申一下: 我完全新手, 無養過貓, 真係零知識
- 會唔會有啲網/書本人係教人養貓㗎?
- 貓貓有無話幾時要沖一次涼?
- 我個仔雙耳啲毛樹晒出嚟, 要唔要修剪㗎?
- 一般有養貓, 係咪香薰、香水、有味護膚品都唔用得?
- Facebook 天下貓貓一樣貓
- 其實呢世唔沖都得，但我d貓每年新年前沖一次
- 唔洗
- 盡量留意成份，同埋個別植物(例如水仙、鬱金香)都唔得，嚴重會致命
2個讚
唔駛, 不過留意腳仔的毛如果太長導致跣胎就要剪下.
1個讚
圖書館都好多書可以參考下，自己都買過本
我隻貓冇沖過涼 
係有用毛巾抹下
上網睇過話有啲貓沖涼會好大壓力，
不過隻隻都唔同嘅，你可以開盤水試下佢鍾唔鍾意
英短好似容易肚屙？
書好多，揀2本啱自己睇就得，無話邊本特別好
要定期剪甲，唔剪會倒插入肉
1個讚
唔洗沖涼，但要勤梳毛。
有養寵物我唔會係屋企用香薰 （動物臭覺好靈敏，少少味可能對佢黎講己經好大味。
2個讚
裝左窗網未?
收到, 唔該晒。
好的, 我去打下書丁先。
要留意佢飲幾多水, 好多貓唔中意飲水都有機會令身體有問題
屋企唔好擺花
某啲植物貓貓食咗會中毒
而貓咪又好鍾意咬植物
我冇幫貓咪沖涼
佢哋日日都
毛已經沖左
除非有啲貓咪去廁所好撈攪
唔鍾意毛
咁就要定期沖涼
1個讚
Join fb group，睇啲專for短毛貓嘅書
唔需要成日沖涼但要留意毛髮狀況
香水護膚品應該冇乜嘢，除非貓特別敏感，你留意下就得，一有敏感就停用。反而臭丸就容易惹敏感，貓甚至會嘔
裝窗網必須
好的, 呢個我都有聽講過, 我會留意住。
我曾經有四隻貓，已經走左三隻，分別十二，十四和二十一歲。十年後你要面對生老病死，現在就要著手健康，貓糧要天然，多飲水，牙齒要定期檢查，預留子彈看醫生。台灣係養寵物方面文章很多，也很有深度，得閒刨下，養左就一生一世，給心機！
我養唐貓，身體本身已經好，我喺佢哋細時都著重佢哋健康，唔比小食乜濟，但用 fountain等佢哋飲多啲水、多餵濕糧、定期身體檢查
兩隻都養到十幾歲，我當然想養到二十歲不過唔得
貓貓健康幸福我覺得一切都值得，我寧願自己病都唔想佢哋病
我之前已經走左4隻，最老嗰隻18歲，好感恩了。
以家成日同佢地講，你地要有28歲命呀，老左我會好好照顧你地㗎
以家2隻係10歲同12歲，我成日同佢哋去做身體檢查，少少問題就去睇，上次睇左2萬俾屋企人人X到飛起(因為檢查哂咩事都冇)，佢哋話我有焦慮症
佢哋係我心肝寶貝，我唔捨得呀