如果你同奶奶相處有委屈想搵地方呻，建議唔好喺依個fb group 呻。即使唔出post, 留言講錯野班人都好惡。
我係其中一個留言講錯野既人，發生左一堆事之後我發現開group 既應該係一班自恃年輕既人，廿幾歲都會俾佢地叫做姨姨/嬸嬸。佢地間中有男人扮新抱出post, 近排有個反派成日出post 挑釁新抱，又cap 圖去另一個新開既group 《十萬個惡頂伴侶…》繼續數臭人，而其實個反派都係佢地自己人。個新group 都係同一班人開，佢地另外仲有好幾個Fb group。
雖然網絡上唔能夠執著真假，但重點係佢地唔係真心想俾個平台你呻，或者佢地只係想製造爭議話題，等媒體報道佢地個group 既野。希望大家小心唔好被佢地利用/成為被佢地網絡欺凌既受害者。
我的四大長老感覺好少少…
隨時上埋報添呀
佢地講野太偏激負面，同以前亡國婆息版不相伯仲，巳經unfollow 左
本身兩個page都有睇開，但《同住》就unfollow左了，呢啲咁重火藥味嘅地方睇吓就算，真係唔敢留言🥲
其實呢…
同住得又改變唔到呢個情況，日日咁多事情發生，邊有得呻咁多…
一係就忍忍忍
一係就發奮做人搬出去
一次半次就係呻
日日N次就係煩同放負
一個咁嘅fb page/group，怨氣一定重到嚇死人
同奶奶住真係咁差，就應該搬走啦⋯⋯
我本身唔係同奶奶同住，但總有同住既人會覺得唔開心想搵地方呻。
不過都覺得嗰度怨氣重，如果本身已經唔鍾意奶奶，睇完會更加憎奶奶，關係只會更差。
呢啲谷唔入好過，以前唔記得係咪入咗四大長老谷，睇睇下篇文章最後原來係廣告，浪費我時間！
之前都有入過一個類似嘅谷,唔記得係咪呢個名.
又係個谷名好似係俾人呻,但係如果有人出post又俾人圍咬
刪除臉書先
不能同意更多。
我唔係同奶奶住純粹係食花生心態睇，睇完會覺得自己身邊嘅人都好好
其實我個重點唔係同唔同奶奶同住，我想講既係小心嗰兩個Fb group 咋
我直頭同奶奶住喺唔同國家都入過依d fb group。
同意呀，我曾經係要同6299住，老公亦堅持唔會離婚，果期係入呢啲gp，愈睇個人愈大怨氣…有個地方講係好事，但過多就唔好
初初join baby discuss係為左出依個post 提醒follow《同住奶奶》Fb group 既人小心唔好俾開group 班人玩。
然後有一排無入過個group 睇，今日入一入又見到有人好似發覺個fb group唔對路，佢出post 提醒，結果當然大部份留言既人都話佢on 居，應該係同我一樣咁on 居。。。。
所以點解要有制度，就係唔可以比一面嘅人獨大嘛
該主題在最後一個回覆創建後30天后自動關閉。不再允許新的回覆。
