衛生署要我4歲嘅小朋友強檢⋯⋯

我不幸地因為公司同事確診,就算撩完鼻係negative都要去隔離營,咁衞生署要求同住家人要做強制檢測,但不用入營,驗完仲要3日內打電話report俾衞生署知,我小朋友得4歲,要驗:poop:,我打電話去衞生署嘅強檢熱線問,原來全香港都冇得免費拎小朋友要嘅:poop:樽,佢叫我打去民政事務署問或者入隔離營之前問下職員可唔可以安排個樽俾小朋友,最後當然係民政事務署同衞生署安排架車嘅職員都話冇,我搵到嘅唯一辦法就係去私家或政府診所俾錢睇咗醫生先,由醫生決定俾唔俾個樽小朋友。其實真係唔係錢嘅問題,只係覺得衞生署D制度好荒謬,當全香港所有人都係可以有各種途徑去驗嘅時候,原來6歲以下嘅小朋友想去驗係咁困難⋯⋯如果各位知道仲有其他辦法就留言話我知:pray:t2:

4個讚

普通診所會唔會有得賣?

E家係衛生處係要求強檢,但唔提供服務,仲要自己俾錢/諗辦法?
我建議企硬,鬥無賴,反正係隔離營無野做,每隔一個鐘打電話去衛生處要求佢地安排,我一個市民要權無權,要知識無知識,要錢無錢,我點識點做呀!

12個讚

啲口水樽係咪仲有得拎?係就拎返個,照裝粒屎比返佢 :crazy_face:
無就去藥房買個樽仔,裝屎比返佢 :speak_no_evil:
衰啲就拎個紅膠袋,裝服屎,扔返比佢! :smirk:

4個讚

藥房有得賣,幾蚊個咋

1個讚

你好搞笑呀!:rofl::rofl:

1個讚

攞口水樽,留口水,起碼有做,佢冇得話你冇強檢

3個讚

拎唔到樽仔。
真係自己買又好搵又好總之有個樽仔塞督屎入去再掉去測試先。
衛生處只係要報告都唔會理你個樽仔。

我問過睇開嘅診所,姑娘話要睇醫生先,之後由醫生決定俾唔俾個樽…

係政府要屎之嘛!又唔係睇開診所要屎!
平時公院診所驗屎都係比樽裝,求其有個樽就得,唔好駛錢 :crazy_face:

如果企硬唔驗,我小朋友就冇得出街返學,而家只係我一個人要入隔離營,我老公同小朋友要驗咗negative先可以正常活動。

我都想掉:poop:俾咗哋班人:face_with_symbols_over_mouth:

1個讚

正常驗口水樽仲有條碼同填個人資料先可以交樽,藥房買個樽唔知得唔得喎⋯⋯

1個讚

而家係時候,比機會你! :speak_no_evil:
用樽仔就要用透明,比佢哋睇到粒屎!當然要用防甩 label 或筆寫明小朋友名同資料,好似大人口水樽咁… :upside_down_face:
拎去扔埋去,大大聲叫:比屎你呀! :crazy_face:

5個讚

小朋友唔識做深喉丫,一陣交咗之後又話唔得仲煩

1個讚

問題係要驗武肺,求其一個樽我真係唔知得唔得

個問題係政府/衞生署到,我唔想冇啦啦鬧收樽嘅人,佢哋打份工啫

2個讚

D 狗官咩都唔想做,緊希望煩市民,迫市民就佢地果套。。。如果你都係屈伏,咁你試下樓上d提議,用口水樽裝屎交返俾佢地 la.

題外話: 點解你當初唔報自己獨居?咁味唔洗煩到家人。

如果報獨居,俾人check到就觸犯法例。之後仲要5日內要report俾衞生署結果,做唔到又犯法。我哋D小市民點同個仆街鬥⋯⋯:slightly_frowning_face:

我知道有個案,屋企都錢,有渡假屋,佢地叫個仔(確診) 報果邊地址,唔好燒到佢地,確診case都係求x期,你陰性,班狗官自然是x旦 la