知唔知係邊間？我搵其他新聞又搵唔到
以前聽phone in節目講過，嗰度叫天不應叫地不聞
反而香港新聞冇報道
邊度敢報呀
其實…呢個時候上playgroup(唔係playground)係咪必須呢
URSUS Fitness群組持續擴大，其中一名確診者因曾於潛伏期內帶子女到位於灣仔的Baumhaus遊戲班，令8名年僅11至18個月大的幼童及其家長亦須到竹篙灣檢疫中心接受隔離。該批家長向《蘋果》投訴，指營地環境未如理想，且未能提供雪櫃供授乳母親存放母乳，膳食亦大多不適合幼童食用，希望政府容許相關家庭留家或到酒店檢疫。
由衞生署及民安隊負責管理、提供共3,500個檢疫床位的竹篙灣檢疫中心，日前接收多名因URSUS Fitness群組而被波及的外籍家庭，當中至少有8名11至18個月大、早前曾參加Baumhaus遊戲班的幼童。該遊戲班因曾有確診者在場，加上現行法例下2歲以下幼童可豁免「強罩令」，衞生防護中心因而將參加者界定為密切接觸者。
蘋果報左
Playgroup 又唔係必需，咁嘅環境就唔好去上啦…
都真係好多人照去ga
我都唔理解個心態…
淪落人個女主角開嘅
都係外國人客多
成班bb唔戴mask 上堂
真係唔怪得人要隔離佢哋
明知可以唔戴口罩，何必仲要去playgroup
睇返報導，個環境真係好差喎
仲以為D鬼唔like playgroup, 要比$出去搵BB玩唔係佢哋杯茶,傾向放養添
做人阿媽，保護小朋友唔係因為個強罩令囉
唔通2歲以下唔會染病咩… 唔戴口罩上playgroup… 真係冇嘢講。
8-12 個月幼童?! WTH 呢個年紀上乜鬼playgroup 呀！仲係抗疫期間，托兒就托兒啦，自己吾得閒湊就真啦
有不同朋友post 過相出來，其實又唔係好差。當然人地設計同安排吾係比咁細個小朋友隔離用。
朋友同小朋友試過入竹篙灣，佢話因為小朋友採sample 有難度，酒店檢疫support 唔夠，所以一定係入竹篙灣
係好差，我親人上個月去過，無得上網，叫佢比網咭要三日先有，飯係凍，得菜無咩肉，睇見都唔想食。頭兩日係一定係齋，要第三日先跟你選既餐派，杯麵個d叫又係好多日先派到。隔音好差，每日三次叫你探熱，7點幾就拍門，一拍隔幾間都嘈醒，因為鐵皮屋唔隔聲。
我聽phone in節目講，聽眾話有乜要求都要打email或WhatsApp.就算有人行過，大叫都唔會理