就算賣公屋跟老公移民，資金約只有150萬，有冇同路人分享吓經驗或想法
想移民去台灣或日本，我做普通行政工作，又冇特別專才，而老公只係水喉師傅，係咪冇希望離開香港呢…
爸爸雖是台灣人，但已失散多年…否則也可依親移民…
識咩外語？
簡單英語及簡單國語only
加拿大或者有機
睇餸食飯
1個讚
有冇小朋友？
有對孖仔已經21歲，仲讀緊大學
識簡單英文，水喉佬如果識埋電西方國家叫handyman, 如果有朋友搭下路邊做邊練好啲英文，出路比文職更好。
1個讚
仲有幾耐畢業？
1個讚
仲有2年先畢，不過佢哋已經唔係同我住，所以佢哋未必會跟我哋移民。
就係唔識人，所以想聽大家分享一下
你同2個仔傾清楚佢地意向先！
淨係2夫婦條數少好多，要帶埋2個仔最好等佢地就畢業先申請，因為你未必負擔到大學海外生學費。
想2公婆移先，孖仔讀完先再決定。最難系諗生計問題
其實唔洗諗日本la, 你地連日文都唔識，好難係果邊揾到野做
3個讚
加拿大 要岩岩學位+ 畢業，佢地都唔岩年齡/要求
其實孖仔喜唔喜歡台灣
水喉師傅
，有BNO嗎？知唔知英國水喉師傅幾難約呀！
你咁嘅情況日本唔係容易, 語言唔係問題, 但係點樣能夠令到簽證繼續先至係你哋要面對嘅問題.
如果搵份工, 一個攞到簽證, 另外一半都可以有。但係通常需要有大學畢業或者有咁上下年資嘅工作經驗代替。
而呢啲工作經驗需要同申請你嗰間公司工作性質掛鉤，如果唔係人哋願意請你，日本政府都未必批。
仲有兩條路就係讀書或者投資管理簽證。
如果你有1,500,000，日本嘅創業資本5,000,000円（即係3-400,000港幣），你哋可以做小生意，唔係冇得做。例如開餐廳（民宿就唔好啦，市場已經飽和，同埋政府聽講唔想再批民宿），因為餐廳如果做得好食，即使賺唔到大錢但係起碼可以有自己人工，同埋有營業額。但係當然冇保證。如果政府見到你真係努力咁經營，即使你嘅營業額達唔到原本嘅預期，好多時都有情講，仍然繼續比簽證俾你。但係如果你諗住hea 做，純粹為簽證而滿足最低條件，通常咁就會死路一條。
你可以睇一睇我哋之前寫嗰啲Q&A: https://www.oki-family.com/2019migration04/
又或者移居門檻嘅影片, 你需要帶幾多錢過嚟開始新生活: https://www.oki-family.com/港人港故系列/
如果真係有心經營盤生意, 其實日本嘅門檻比台灣或者美國加拿大低.
6個讚
日本移民其實冇乜可能，去台灣是不錯選擇，生活指數比香港低很多，而你先生是水喉師傅，在台灣做自僱人士應該也揾到食。
不過，以你的家庭情況，孖仔已長大，除非是他們不想留港發展，你兩夫婦已幾廿歲，留港保持沉默生活也可。
咁又唔係冇可能, 我哋自己同埋認識唔少人都係咁樣過咗嚟。淨係沖繩今年多咗17%外國人。通常過嚟日本一系好有錢，一係就好似我哋咁冇錢，因為門檻低所以嚟到努力做生意或者努力生活。
