阿仔係學校英文唔算差，但都怕佢同出面學校比較起黎會爭d。依排諗緊俾佢補習好，定係買d練習或者教材做就ok，你地覺得呢?
仔仔讀幾年級? 傳統名校? 區內一線? 普通學校?
既然唔差，點解釋比佢聽要操卷？
我覺得外判好啲，起碼親子關係唔會受影響，同埋人地補習老師唔多唔少會知多啲其他學校行情
要睇下你想佢學咩。
自己教，你揀，可按你方式，而且彈性大。
跟補習社，欠缺彈性，要問清楚課程內容，如果都係教返而家學校教嘅野，就冇必要喇，因你話佢跟到學校d野。
既然佢本身跟到學校d野，會唔會主要做下d閱讀理解，睇多d英文文章或書，豐富生字庫，或者聽講多d英文，訓練聽說能力。
1個讚
係咪外出學英文就等於補習？
我一直有俾仔每星期上一個鐘英文班，唔care教d乜 (e+係grammar and writing)，只係俾一個鐘佢同NET講野，佢英文成績响60% band 1 嘅學校當中，屬中至中上
如果只係想英文好d，又唔介紹佢睇youtube，其實都幾好架，日子長咗，肯定聽英文無問題
Why not both 
要睇你自己補習係補啲乜，我傾向鼓勵補作文，作文有批改有 idea bouncing 會進步得更快，而且除非係直私，否則好多津校一個學期都做唔到 10 篇文（有津校做到但唔多）。每個禮拜作一篇，咁三個月就係 12 篇，點都一定有進步。口語都係，有 input 冇 output，對小朋友語言發展唔有效。
文法、閱讀嗰啲你可以自己黎，而且通過作文去提醒文法仲有效。
我覺得可以就自己教乛
要知道找個好，夾，又信得過的老師不容易，找到又怕他做唔長，例如他轉工，畢咗業，搬家等因素。
自己教會辛苦d但會知道自己小朋友的強弱項。
當然要一個想教，又要有時間教，另一個授教先得。否則，比人教都要。
1個讚
我都想俾小朋友補作文
係CENTER 補嗎?
如果搵老師又唔知邊D好
我仔都係五年級，開學時比人教，剛過考二，成績進步不大，我決定收返黎自己教。 如樓上講，幾人一group老師對佢並不太上心，一對一會較好，但科科一對一太重皮。 英文要聽講讀寫，net 老師教grammar 同writing 無本地咁好，但可訓練聽講。 自己教要睇自己有無耐性恆心，同佢受唔受你教
作文私人同 Centre 都有得補，不過好唔好，貼唔貼就見仁見智，都要睇你係想攻乜。你只係想操 TSA 嗰種四格圖畫作文/呈分，學校唔錯 grammar 就已經好高分，咁出面啲香港人教嘅 centre 就已經好足夠。如果你係想國際學校嗰種只係隨意練筆，咁自己做都得，或者搵鬼鬼教都得。亞洲人都得嘅，但始終出發點同思維唔同，會好容易攻你埋你啲 grammar，同你補作文嘅初衷背道而馳。如果係想練筆又想搞 grammar 咁貪心，咁你唯有搵亞洲人老師。
TSA 嗰D我都唔係好在意
係考學校程度啫
我訂咗D creative writing 同佢寫 (mrs wordsmith)
但我自己都係本地學校教出黎
都覺得唔係好識教writing
我覺得 writing 係一種自身修養，冇話點樣「教」，係自我修行，透過不斷去寫就會進步。平日見到乜都寫乜。我知有小朋友都係咁，二年級先開始作文，作唔得多，得嗰七八十字，但肯每個禮拜一篇甚至兩篇，兩年內就進步到二三百字都嘔到，依家五年級，學會熱愛作文，熱愛用唔同生詞，主動作文，篇篇都五百字起跳。近排移民加拿大讀書，父母表示一啲都唔驚佢英文落後。
TSA 嗰度我唔係指嗰個測試（呢個測試零蛋都冇問題啦！個考試只會影響學校唔影響學生），係好多學校呈分作文都係 TSA 嘅模式出，即係四格圖。出面啲補充練習都係呢類，比較少。
其實都有得教, 尤其係寫故事時點用畫面呈現一樣嘢
點樣建構一個故事
呢D係我搵教材俾小朋友時先發現人地係咁教
但我都唔係MAJOR 英文, 真係想搵老師教可能好D
我仔都會寫到一百幾十字,
grammar 都唔會點大錯, 但內容用建構都未係好豐富
描述都好表面
書佢都睇幾多, 但真係落手寫都係要有技巧
一般考試所謂四格都有佢存在意義
可以令小朋友知道故事會分beginning development 同ending
但呢個方式去到2-3年級打後仲用就唔係好適合喇
咁當然, 香港本地教而家就係唔想俾小朋友思考…都"符合國情"吖
我就會先買練習返黎試，反正唔係好大投資，二手亦有。如果搞唔掂，再找補習。
我既試驗結果係：
如果小朋友係明個concept，單純係唔熟，練習就會有用d，補習反而補極唔好。
如果係串字唔熟，自己每日同佢串就得。除非佢唔聽你講，或者你唔得閒，就找外人做。
如果係複雜d既問題，需要講解既話，就補習
1個讚
喔，原來你講緊起承轉合嗰啲。我以為你想佢改善句式、排句、伏筆、詞彙嗰啲。
照你所描述，仔仔係差一個人提點兩句，畀老師教 2-3 堂就 get 到，尤其如果老師肯寫同一篇然後畀佢睇佢自己缺左邊度，咁佢就一定開竅。
好多學校到五六年級同初中都仲係 4 格圖作文，我唔係講笑，一二三線學校都有。
可以試下鼓勵小朋友寫JOURNAL，唔怕寫錯，最重要係肯寫
小朋友願意的話亦可以同佢玩 “交換JOURNAL”，每星期寫一至三篇交流趣事心情，都係一種親子活動
我記得ce 都係四格漫咋
識寫可以寫到好靚
1個讚
四格圖都係一個故事，故事任由作者發揮，同大題目作文一樣有可塑性
我小朋友既情況不同，主要卡在串字。英文我買過練習，但發現對我小朋友用途不大。我現在每日同佢地串字算。
如果你係想跟學校課程教，買返相關練習，但買深少少嘅，同埋閱讀真係好重要，睇英文書。
或者買d小朋友弱項嘅練習。總有d部分佢係弱d，例如proposition，tenses等等