呢排同老公既關係差左，我哋結婚後一直都係兩個人自己搬出去住。有左小朋友之後就請姐姐幫手湊，交租，工人加埋bb，一個月都好大開支。
原本我哋兩個份糧都夠使有少少錢可以儲，依家就月月清有時仲會使多左。所以多左因為錢嘈交，老公份工壓力大又under paid，呢排計畫轉工。
雖然老公好錫我哋，但有時做嘢大壓力時個人會變得好負面，會同我講想死，我都好想幫到佢，等佢個人開心啲，我有同佢傾過開解佢，但是過一排又會負面返，我都唔知可以點樣做。
支持老公裸辭？有無積蓄捱到幾個月
定還是佢工作一向都好上心大壓力
1個讚
開支只會越嚟越多，如果而家收入都只係啱啱好，甚至唔夠洗，要開源節流。
如果你老公轉工係可以搵返正常價（唔洗underpaid），而你地而家嘅儲蓄係夠頂至少幾個月就支持佢。
但要諗下佢難唔難轉工。
雖然比唔到太多實質意見你，不過聽落，你老公都係為左頭家先咁大壓力，男人其實分分鐘自己有主見可以做決定，做老婆我會盡量多啲支持，包括說話同身體語言，多啲讚佢肯定佢，攬下佢錫下佢，相信壓力當堂減少一半
至於自己嘅壓力，女人通常要搵人傾搵人呻，我會選擇網上世界或者同fd講
bb幾大？有冇排育嬰園？有冇排N班？
住屋，租約仲有幾耐？有冇打算搵間平d？
問題係出喺錢身上、就要解決錢嘅問題
要睇清左壓力係沿自於入不敷支連積蓄都冇、定係純粹月月清儲唔到錢。
錢不外乎開源節流、老公揾過份工、你自己又有冇機會爭取升職加薪定換另一份工？日常開支係咪冇得慳？大至住屋請工人、小至出入買餸食飯、頭家成盤數邊度可以縮減真係只有你哋自己先計到。
錢嘅問題，用錢解決，例如租嗰度有冇得轉做平啲嘅地方？可以住啲交通冇咁方便但又大又平嘅地方。
另外老公諗到想死可能都情緒有問題，要搞搞佢？
窮還窮，有老婆仔女都仲會諗輕生好危險！
1個讚
我近排同老公傾多左理財, 關係反而好左, 呢排我地成日傾點樣GENERATE多D被動收,入達致財務自由, 分享多左, 儲錢又積極左
樓主都可以試下同老公交流下
1個讚
多謝晒咁多位既建議。
我哋有傾過安排啲錢可以點使，依家住既係偏遠村屋價錢都算平，唔考慮搬，因為搬都係一筆錢嚟。
小朋友8個月大，因為屋企爺爺嫲嫲都有工返同埋住得唔近，所以都會須要有工人湊。
至於日常支出基本上已經諗過先用，唔買衫同無謂野。
老公都有向公司提出過加人工同時間搵工，希望快啲有好消息。
錢事少，男仕講到想死，要正視下，多啲開解佢。
放工放低小朋友，兩公婆出去散下步傾下心事，或者俾啲獨處時間佢打下機或者搵下朋友傾下。
有小朋友後支出多左，對經濟同生活有憂慮的過程，我都有經歷過。
一向係我管家庭開支，當時老公已經盡最大能力俾家用，但家庭開支都唔係好夠，我又係無長老幫手，要請工人。我人工加家用都唔夠開支時，我唯有動用自己儲蓄。我會揾過一份工，收入一樣，但離家近啲，什至同區，慳車錢。買餸/日用品就自己lunch time/放工買，避免工人打斧頭。
工人辭工時，我申請社區中心的社區保姆托管服務，平過工人人工，但家務要自己做。
你哋關係問題離不開錢字，所以要睇下有邊啲範圍可以慳，如果想唔到，可以用app mark低日常開支，只要有返一定儲蓄，大家安心就唔會成日為錢而嘈。
如果老公煩到話想死
你就唔好再俾煩惱佢，你可以聽下佢工作上不快，又同佢講下其實家庭唔係最差，起碼租得起樓，養得到小朋友。仲有你同佢一齊捱，兩個人一定可以過到。
做下運動會好啲
其實佢都係想搵人傾下，咪由得佢呻下講下，點都好過佢出去唔知做啲咩咁