藍絲奶奶洗我仔腦

我有二次放左我個五歲仔俾奶奶湊,我奶奶第一次教佢國歌法,話聽到國歌要企定,安靜。咁我覺得都可以既。
點知第二次教佢日本沖侵華同共產黨創立新中國。我仔得五歲。本身我唔知,佢去完第二日揸住架滑板車,係度講共產黨,共產黨…,之後我無俾佢再單獨同奶奶相處,點知過左二個星期,我仔沖完涼就自己係度講,中國加油,日本人打到黎啦!

我估唔到佢仲記得咁清楚,唉!攪到我想同奶奶反面。

如果我反面,以後唔俾我奶奶湊我個仔,會否太衰格。

這個年紀最易被洗腦,為了兒子心靈健康成長,一定要處理。

若要靠奶奶幫手湊仔,一定攤牌講清楚有乜野唔可以同兒子講。若不需倚靠長輩湊,一定不會俾兒子單獨與奶奶相處。

若成效不大就算要反面也義無反悔在所不惜:sweat:

2個讚

唱國歌企定安靜係正常,但依家乜年代仲日本侵華?????唔同波蘭人日日都要講德國納粹????

2個讚

日本侵華係事實
香港淪陷3年零8個月都係好慘
但毛主席做過d咩好事,要一齊講埋囉
Keyword 程翔

1個讚

所以我好難寄望香港人有咩民族性
短短75年已經忘記得一乾二淨

藍唔係問題,問題係同個小朋友講呢啲做乜?
5歲人仔同佢講打仗侵華?short short地

1個讚

咁都係歷史知識既一部分黎既
我老豆都有講日本仔打到黎…

至於中國加油同共慘黨 會教番小朋友唔好向我面前講,聽到好un耳,要講就同番嫲嫲講。

痴線,我一定唔會再俾佢湊。
可以嘅話,短期內唔會再俾個仔同99見面,佢問點解咪話我自己教番佢正確嘅中國歷史,同近代史。中國加油,首先平反咗64先啦,要贏人先要贏自己。

4個讚

再比奶奶湊耐啲,你個仔隨時變咗小粉紅
有冇得叫老公話下你奶奶?

2個讚

日本仔打到嚟?打乜嘢嚟呀,講緊80年前喎

講埋八國聯軍丫嘛

三年零八個月係事實,我自己就順勢教仔,
如果冇美國掉原子彈,有排捱,仲有唔係英國,香港宜家仲衰過深圳。

2個讚

冇英國,香港應該同大陸一個沿海城市咁囉,可能係廈門

話佢知新中國左好多年喇

我係。我問仔點解會有日本侵華?點解香港會割畀英國?
就要由清朝講起~
加上仔常識有教清朝,咁就正合我意,我就由慈𥛶太后開始講。
由一個唔識管國家嘅人管理國家,亂用庫房嘅錢,任由義和團殘害百姓…
情況同宜家好似。
細有細教,大有大教~

7個讚

梗係即停啦!
5歲有幾多耐性聽中國史呢?嗌吓口號角色扮演就會好開心,洗腦就由呢刻開始!而家佢哋嗰代就正正想你個仔延續大陸用嚟麻醉人民嘅仇日情緒。
你喺99煮飯嗰時播國歌,睇吓佢會唔會企定定?

2個讚

我估樓主奶奶,剩係講點比人打,又忘記自身問題

國共內戰唔講?文革唔講,點解到2021先脫貧,文革呢劑唔係唔講呀

1個讚

藍絲冇腦冇智力,只會記住人哋點對自己唔好,唔識感恩。
雖然樓主仔仔得5歲,但可以用反問形式去令仔仔反思。
反思係一種好好嘅教育,真係要由細開始。

2個讚

叫佢扔左個電飯煲先講

3個讚

“個新抱教到個孫駁咀駁舌呀”