如果可時光倒流，想請教各位已上岸的小學家長當年點樣準備考小一，唔想k2先臨急抱佛腳
疫情下好多計劃都打亂，身處的校網又真唔太好，唔係谷到爆就係大陸人太多。好多原因又搬唔起。所以都想長期準備下，預備跨區叩門同考直私做後備
心入面都研究左一堆心儀校list, 唔係求神校，自問唔係虎爸媽谷到十項全能，但見到而家教育咁爛，只希望去到較正常學校，起碼為小朋友盡過全力，結果係點都無悔
P.S.小朋友讀緊津幼
希望有心得的家長可以俾啲意見，謝謝
2個讚
自己教唔掂就私補
最緊要銀彈充足，其他都不是問題
天天中英伴讀
一定要學phonics,
初時學左未必睇到成果，
但小朋友儲夠子彈就會變開籠雀。
習慣無電視無電話生活，
玩具擺入櫃，書就周圍放。
習慣左睇書，你會輕鬆好好好多。
唔寫得字都要得閒就畫畫，
如果唔係到寫字時好辛苦。
地鐵香港地標果d,
由細教好過臨interview先死背。
10個讚
之前講過類似嘅野：
4個讚
謝謝你，phonics已自教緊
但因屋企冇英文語境，佢識拼，但拼左又唔知個字點解，平時冇咩機會講，就覺得冇咩引，有少少樽頸位，重諗緊有趣的的方法學
多謝你意見呀 
好彩佢都中意油色，所以手肌還可
見你好多升學post留言都好高汁，學到好多野
1個讚
呢個真！學呢樣學個樣
要慳錢就媽媽自己幫小朋友
要舒服就唯有外判
搵個外人教小朋友同自己教一定有分別，小朋友通常會醒定d
1個讚
自己教就貼身但激心
外人教就開心但唔放心
2個讚
呢個點會呢？
出去上有其他小朋友一齊上堂，實有鬥下快，鬥下多，佢地有競爭心反而會學得快d, 同有人同自己差唔多Level會肯講同肯亂試下。
1個讚
始終唔係自己人，會有一絲唔放心在搵唔搵到夾嘅老師，用唔用心教，時間夾唔夾，一陣老師唔教唔做可以再邊度搵。自己黎嘅話就一日 24 小時都得，一定放心好多去教。
2個讚
同搵工人一樣, 搵到一個夾係好感恩的事
我嘅心得係，俾外人教比較好。
自己搵老師時，多D同老師交流，俾老師知道嘅我嘅方向，亦順便了解老師嘅個性是否適合。
期間都應該同老師都溝通，留意進度同方向是否合自己意。
小朋友咁細，家長就算唔親自教，都要參與。
2個讚
咁其實去學下朗誦班有冇幫助?
真架呢個！
同埋出去上堂，有其他小朋友一齊，互相影響，又有唔同效果！
2個讚
朗誦班練膽同咬字，都係一種訓練。有啲小朋友語言咬字唔清晰得身邊人聽得明 (2、3 歲啲 BB 咬字未戒曬)。
我女的學術野全部外判
媽媽表示好放心
1個讚
其實幼稚園有什麼學術野可學？
啲人成日話補中文，其實中文有咩補，認字？