嗱，兩公婆條數最好就自己拆掟佢
你就真係負責屋企開支，儲可能要靠你老公
我有個朋友有類似case，我嘅建議就係屋企任何開支都係破財嘅個戶口出
另一個就負責儲
1個讚
樓主：心態問題，正面啲，加油
1個讚
佢唔知足嘅位並唔係話想消費，唔夠錢洗呢啲，而係「不滿現狀」，樓上都計到條數，錢多左咁多，生活水平都已經改善左，樓主話：
即係換左樓呢樣咁成功嘅事，小朋友又一日比一日成長，可以繼續全心全意湊小朋友，樓主都可以將呢啲幸福一嘢丟開，後面加句「根本同以前冇變過」⋯⋯
我相信樓主老公會以為自己咁努力帶金錢番屋企，另一半會享受到生活質素嘅變化而開心。
樓主冇變嘅係心境質素，唔係生活質素。
你無試過咁多錢就唔好覺得自己係嫌錢腥mode啦
到你有跟住先同我講你真係唔care la
但我估計樓主唔知點去改變呢樣嘢
老老實實一般人家庭收入咁上下，好少唔請個工人等自己舒服d
1個讚
講真，唔使清潔、有時放低小朋友俾工人睇住自己出去放風，食嘢做gym做facial剪頭髮⋯⋯真係ftm 界嘅人生勝利組。
2個讚
That’s the different!!
平時見到你嘅留言都知你諗嘢都係勁正面，你咪就係知足囉，但你都仲會enjoy有更多錢洗，咁係兩回事丫～
我都唔會嫌錢多，問題如果人唔知足，有幾多錢都冇用。
樓主係問緊：點解已經多左錢，但我想得到嘅質素仲未得到？
樓主誤解左呢個「質素」，事實並非生活質素，而係佢嘅心理質素！
3個讚
完全同意~
1個讚
我覺得樓主應該負擔到一個工人，咁就可以改善生活質素
唔知點解佢咁堅決唔想要工人
絕對係
樓主究竟係咪婚姻方面唔滿足
真係唔知
1個讚
即係其實佢唔知自己想點？
亦唔知究竟點先會開心？
如果去到呢個mode，我覺得自己要去到何家千金呢個level，先會對人生存有懷疑
乜都有，好似人生無乜目標，要乜都太輕易得到？
1個讚
其實一個人嘅力量真係有限，適當時候搵人幫手，可以令件事更好，係一個聰明嘅做法。
有錢，要識運用先得架，如果淨係儲儲儲for仔女將來乜乜乜，但當下實際需要啲咩又唔理會，咁所謂嘅儲蓄只係一堆數字同幻想，並無實質作用～
唉我都想有呢個煩惱
1個讚
我覺得如果我同你都有呢個煩惱，應該會好開心地日日洗錢日日做自己鐘意做嘅嘢
到頭來根本唔會係煩惱
1個讚
不過樓主肯講出嚟已經好好，呢度大家唔會攻擊，互相傾下，希望幫到手
1個讚
我都好認同
人一世物一世，點樣活得開心其實好在乎點會分配資源，多有多洗，少有少洗，大家都會得到唔同嘅快樂
如果儲錢帶唔到太多快樂，可以適量洗下
當然有守財奴命格嘅就儲錢最happy，洗錢無任何娛樂性
1個讚
人地講出自己真實感覺出來，講出來都需要勇氣同埋個個諗法同感受唔同，我會選擇聆聽同尊重!
1個讚
其實每次睇到呢啲迷惘嘅分享，都係對自己嘅一個警惕。
所以都好多謝樓主講出嚟，亦希望我哋嘅睇法，可以令你改觀，活在當下好好享受。
樓主老公係堅叻，其實嫁到個咁為頭家努力嘅男人，已經係好幸運！
1個讚
我啱啱睇返樓主嘅舊post，終於解開謎團
我覺得樓主真係要調節自己心態，同埋100%要請一個工人
樓主有錢要有命享先得，谷太多自己太辛苦
1個讚
樓主，你唔好將自己嘅期望加負係小朋友身上。
你同老公中學畢業，小朋友唔多唔少受你地遺傳，未必真係讀書嘅料，亦有可能係男仔比較遲開竅，你急都無用
你望返你老公個case，其實你老公都唔係靠學歷去出人頭地，可能你小朋友長處唔係係讀書度，可能有其他天份你無發現？
希望你可以好好審視一下自己係屋企嘅位置，可以重新出發，學習點樣去珍惜擁有嘅嘢
樓主你已經擁有好多，係觀點與角度，先會令自己成為幸運與不幸
1個讚