同老公拍拖開始一齊捱，嗰陣大家夾埋二萬幾一個月，為咗買樓買咗間唐8樓，放工食碗車仔面已經好開心，無錢買家私只用床墊舖地，可能平價床墊風水好，結婚後有咗BB，老公叫我專心湊仔，老公一個人為頭家衝，由萬幾月薪升級加到2萬尾，又捱又博命越做超升級，以前窮會諗如果你升到乜乜，我地可能會好開心，但當你企到呢個位時，屋企開支各方面都會大咗，今時今日佢搵6位數一個月，我兩個除咗有樓之外根本同以前無變過，將所有放咗喺小朋友教育，我又仍然唔想請工人，老公仍然一樣博命去搵錢，薪水係翻幾次.但生活質素仍然如舊.啱先同老公傾公事，佢返而越升越高就越怕，我話有乜好怕？你當年最無錢咁生活啦，你有我吖嘛⋯⋯
近半年佢工作過山車咁，搵幾多我都係咁生活，有時真係唔好太多幻想，因為揾到錢時已經無買嘢慾念，其實人生真係白忙一場
9個讚
其實同佢傾吓計，分享一下，互相扶持，已經好幸福，
你哋無白忙㗎，起碼有自己嘅屋，有細佬仔，
其實好多人都係咁，包括我自己都係，
5個讚
呢個已經係最大變化
香港樓價最貴，係全世界最貴呀
你地依家賣樓d錢，如果慳d洗，係台灣泰國呢d地方生活可以食老本
你小朋友因為你地兩個努力，可以接受良好嘅教育，都係一件好事
如果你話越有錢越大壓力，我會好認同，因為得到得多，就會害怕失去
用白忙一場黎形容你地，唔係太貼切喎
3個讚
既然覺得白忙一場, 又何需花錢在小朋友教育上?
1個讚
我哋呢一代人就唔會覺得白忙一場，後生果代就會覺得咁樣生活係白忙一場，
人生匆匆，成日掛住搵錢，都忘記咗真正嘅生活意義，就係由細到大培養嗰種價值觀-要五仔登科先至係完美人生。
但生而為人為咩？
後生果代而家諗法唔同，佢哋會比較享受生活，我指唔係物質上面，我認識嘅後生佢哋好有諗法
1個讚
我個人認知係，每個人出世時都係赤條條一個人咁黎，走嗰時都一樣。
中間幾十年係俾你去感受呢個世界既甜酸苦辣，同愛。
玄啲講，人生就似一份功課，做既同時智慧可以提升，到最後有人高分有人唔合格，有人交白卷。
我失婚有個女，我有愛我既家人，我亦好愛佢地，我諗我暫時啱啱合格，你呢？
15個讚
你需要比個腦休息下，我都曾經因為幫家人還債，每日忙唔停忙足幾年，到有一日我還哂喇，終於有錢淨喇，應該可以鬆口氣，結果我係相反好失落好迷惘，唔知自己係度做緊乜，我既人生係為左乜…
點解要咁生活？
由2萬人工升至6位數，計你最少嘅100,000，講緊升咗5倍，好多嘢錢係可以幫到手(唔係市儈，現實如是)：
可以請鐘點幫輕下家務，俾自己多啲間陪仔女，老公；
可以間中去食餐好嘅，唔洗煮之餘又有新鮮感；
可以去聽音樂會/睇畫展/深度旅行，擴闊眼界；
仲有好多好多…
人生來去時，都有愛你嘅人，已經唔係白活一場。
8個讚
生活質素點會冇變過？由兩個人都要工作，到今日你老公一個養三個仲可以供樓，喺生活指數全球第一嘅香港係好唔容易
你好旺夫，老公好叻仔，可以由月薪萬幾變十萬 
4個讚
本來無一物
有得必有失
無錯，正是呢個感覺
錢多錢少做人間中都會好 down, down完算，唔使諗太多。
1個讚
真係捱出嚟，當中真係唔少眼淚，我哋兩公婆中學畢業咋，老公係由最低級一路做邊做邊讀書，當時坐月我一個人由朝到晚帶住BB，老公放工就上堂，小朋友兩歲時我要比佢去學英文，月尾交完學費戶口得返$300，無記錯佢嗰時$25000人工，供樓養家小朋友又入學真係好辛苦，小朋友6歲時又升級，記得佢揾$47000，又膽生毛樓換樓，由唐8搬去新樓，有分岐有嗌交，當然唔係好順利，但原來捱吓捱吓咁又過咗10年⋯到今日仍然都係供樓，小朋友教育為大，希望佢長大之後有能力去佢想去嘅地方，我哋嘅錢通通留起比小朋友將來
3個讚
我明呀
個重點係
而家揾多咗錢
得到多咗, 同時又失去多咗
究竟仲係唔係當初最想過既生活?
人各有志啦
我自己覺得同自己另一半過開開心心簡簡單單就ok
唔駛搵太多錢
2個讚
如果用錢來衡量可以話無論搵幾多
都係食咁多瞓果兩呎床
有錢可以提升生活質素開闊眼界
有錢可以發掘更多興趣
有錢可以發掘小朋友更多潛能
唔識運用就真係白忙一場
3個讚
你可以去睇下pixar 部新電影Soul, 就係講好多人覺得要追求好遠大目標先覺得人生有意義，但其實活好每一件小事，人生已經好精彩。
我覺得好岩，其實大部分人都唔會成為偉人，盡力活好已經好夠。
6個讚
我有 friend 又係好旺夫。兩公婆中學畢業，20歲就生左。一開始同男家住，奶粉都要女家屋企人接濟，到佢老公6位數人工，但成日出差唔係屋企。
中間都好多買樓賣樓同養小朋友的故事。
前兩年佢地小朋友大學畢業，老公多左時間係香港，佢地重好後生兩公婆周圍旅行周圍玩。好開心咁。
take a break. 感恩一下呢家擁有既野，好好感謝下自己多年付出過既努力，點都唔會白忙一場。
揾6位數字覺得太辛苦，揾份人工少d自在d囉
心態決定境界
6個讚
其實點先算當初想要嘅生活
有d人愈要愈多，可以講係動力，亦有可能更唔開心
1個讚